IPL 2026: ഇത്തവണ ആര് കപ്പ് നേടും? രണ്ട് മത്സരങ്ങൾക്ക് ശേഷം രാജസ്ഥാന് മുൻതൂക്കം; കരുത്തായി ഇക്കാര്യങ്ങൾ

ഇന്ത്യൻ പ്രീമിയർ ലീഗിന്റെ 19ാം സീസൺ ആവേശകരമായി പുരോഗമിക്കുകയാണ്. ആദ്യ രണ്ട് മത്സരങ്ങൾ പൂർത്തിയായി മത്സരങ്ങൾ മൂന്നാം റൗണ്ടിലേക്ക് കടക്കുകയാണ്. ആദ്യ രണ്ട് മത്സരങ്ങൾ പൂർത്തിയാകുമ്പോൾ പ്രതീക്ഷവെച്ച പല ടീമുകളും പിന്നോട്ട് പോകുന്നതാണ് കാണാനാവുന്നത്. ചെന്നെെ സൂപ്പർ കിങ്സിന്റെ പ്രകടനമാണ് ഇതിൽ എടുത്തു പറയേണ്ടത്. ആദ്യ മൂന്ന് മത്സരവും തോറ്റ സിഎസ്കെ നിലവിൽ പോയിന്റ് പട്ടികയിൽ അവസാന സ്ഥാനത്താണുള്ളത്. ആദ്യ രണ്ട് മത്സരങ്ങൾ കഴിയുമ്പോൾ ഇത്തവണ കിരീട സാധ്യതയിൽ മുന്നിട്ട് നിൽക്കുന്നത് രാജസ്ഥാൻ റോയൽസാണെന്ന് വിലയിരുത്താം. സഞ്ജു സാംസൺ ക്യാപ്റ്റൻ സ്ഥാനം ഉപേക്ഷിച്ച് സിഎസ്കെയിലേക്ക് പോയപ്പോൾ രാജസ്ഥാൻ തകർന്ന് പോകുമെന്നാണ് എല്ലാവരും കരുതിയിരുന്നത്. എന്നാൽ കിടിലൻ തിരിച്ചുവരവാണ് സഞ്ജു സാംസണിന്റെ അഭാവത്തിൽ രാജസ്ഥാൻ കാഴ്ചവെക്കുന്നത്. ഇത്തവണ രാജസ്ഥാൻ കപ്പ് നേടുമെന്ന് പറയാനുള്ള ചില കാരണങ്ങൾ എന്തൊക്കെയാണെന്ന് നോക്കാം.

എടുത്തു പറയേണ്ടത് റിയാൻ പരാഗിന്റെ ക്യാപ്റ്റൻസി മികവാണ്. ക്യാപ്റ്റനെന്ന നിലയിൽ പരാഗ് എങ്ങനെ ടീമിനെ മുന്നോട്ട് കൊണ്ടുപോകുമെന്ന ആശങ്ക എല്ലാവർക്കും ഉണ്ടായിരുന്നു. എന്നാൽ പരാഗ് ഗംഭീരമായി ടീമിനെ മുന്നോട്ട് കൊണ്ടുപോകുന്നതാണ് കാണാനാവുന്നത്. സമ്മർദ്ദ സാഹചര്യത്തിലും മികച്ച തീരുമാനങ്ങളെടുക്കാൻ പരാഗിന് സാധിക്കുന്നുണ്ട്. വലിയ വെല്ലുവിളി മുന്നിലുള്ളപ്പോഴും അതിനെ ഫലപ്രദമായി മറികടക്കാൻ പരാഗിന് സാധിക്കുന്നുണ്ട്.

ഗുജറാത്തിനെതിരായ മത്സരത്തിൽ പരാഗിന്റെ ക്യാപ്റ്റൻസി വളരെയധികം ശ്രദ്ധ നേടിയിരുന്നു. ഡെത്തോവറുകളിലടക്കം മികച്ച തീരുമാനങ്ങളെടുക്കാൻ ക്യാപ്റ്റനെന്ന നിലയിൽ പരാഗിന് സാധിക്കുന്നുണ്ടെന്നതാണ് എടുത്തു പറയേണ്ട കാര്യം. രാജസ്ഥാന്റെ കിരീട സാധ്യത ഉയർത്തുന്ന പ്രധാന കാര്യം പരാഗിന്റെ ക്യാപ്റ്റൻസിയാണെന്ന് പറയാം.
IPL 2026: ​ദുരന്തമായി സിഎസ്കെ, ഹാട്രിക് തോൽവി; ചാമ്പ്യന്മാർക്ക് പിഴക്കുന്നത് എവിടെ? ഈ പ്രശ്നങ്ങൾ ടീമിനെ പിന്നോട്ടടിച്ചു
രണ്ടാമത്തെ കാര്യം കരുത്തുറ്റ ബാറ്റിങ് നിരയാണ്. ടോപ് ഓഡർ മുതൽ മധ്യനിരവരെ അതി ശക്തം. വെെഭവ് സൂര്യവംശി, യശ്വസി ജയ്സ്വാൾ എന്നിവർ ചേർന്ന് ഓപ്പണിങ്ങിൽ തല്ലിത്തകർത്ത് തുടങ്ങുന്നു. മൂന്നാം നമ്പറിൽ ദ്രുവ് ജുറേൽ ഫോമിലേക്കെത്തിയിട്ടുണ്ട്. ക്യാപ്റ്റൻ റിയാൻ പരാഗ് വലിയ ഫോം കാട്ടുന്നില്ലെന്നത് പ്രശ്നമാണ്. എന്നാൽ പരാഗിന്റെ ആത്മവിശ്വാസത്തോടെയുള്ള ഷോട്ടുകൾ മികച്ചതാണ്. ഷിംറോൻ ഹെറ്റ്മെയറും രവീന്ദ്ര ജഡേജയുമെല്ലാം ചേരുമ്പോൾ രാജസ്ഥാന്റെ ബാറ്റിങ് ശക്തം.

ബൗളിങ് നിരയിൽ ജോഫ്രാ ആർച്ചറും തുഷാർ ദേശ്പാണ്ഡെയും നാന്ദ്രെ ബർഗറുമെല്ലാം മോശമല്ലാത്ത പ്രകടനം കാഴ്ചവെക്കുന്നുണ്ട്. സംതുലിതമായ താരനിരയെ സൃഷ്ടിക്കാൻ ഇത്തവണ രാജസ്ഥാന് സാധിച്ചുവെന്ന് മാത്രമല്ല ടീമെന്ന നിലയിൽ ഒത്തിണക്കത്തോടെ കളിക്കാനും താരത്തിന് സാധിക്കുന്നുണ്ട്. അതുകൊണ്ടുതന്നെ രാജസ്ഥാൻ ഇപ്പോൾ എല്ലാ ടീമുകളേക്കാളും ഒരുപടി മുന്നിലാണ്.
IPL 2026: 6, 7, 9, വീണ്ടും നിറം മങ്ങി സഞ്ജു സാംസൺ, സിഎസ്കെ ജഴ്സിയിൽ മികവ് കാട്ടാനാവുന്നില്ല; ഇനിയും ആരാധകർ കാത്തിരിക്കണം
വരുന്ന മത്സരങ്ങളിലും ഇതേ മികവ് നിലനിർത്താൻ ഇവർക്ക് സാധിക്കുമോയെന്നതാണ് കണ്ടറിയേണ്ടത്. ജയ്സ്വാളും വെെഭവും ഫ്ളോപ്പായാൽ അത് രാജസ്ഥാനെ പ്രതികൂലമായി ബാധിച്ചേക്കും. നിലവിലെ സാഹചര്യത്തിൽ രാജസ്ഥാന് വ്യക്തമായ മുൻതൂക്കം അവകാശപ്പെടാനാവും. പക്ഷെ ഐപിഎല്ലിന്റെ ചരിത്രം നോക്കുമ്പോൾ മികച്ച തുടക്കത്തെ മുതലാക്കാൻ സാധിക്കാതെ പോയ നിരകളിലൊന്നാണ് രാജസ്ഥാൻ. ഇത് ആവർത്തിക്കുമോയെന്നതാണ് കണ്ടറിയേണ്ടത്.