IPL 2026: ഐപിഎല്ലിലെ വമ്പന്മാർ, പക്ഷെ ഇത്തവണ സ്പിൻ കരുത്ത് ദുർബലം; ഈ ദൗർബല്യം മൂന്ന് ടീമുകൾക്ക് തിരിച്ചടിയായേക്കും

ഇന്ത്യൻ പ്രീമിയർ ലീഗിന്റെ 2026 സീസൺ 28ന് ആരംഭിക്കാൻ പോവുകയാണ്. 10 ടീമുകളും ഒന്നിനൊന്ന് മെച്ചമായതിനാൽ ഇത്തവണ പോരാട്ടം തീപാറുമെന്ന കാര്യം ഉറപ്പാണ്. മിനി താരലേലത്തിലൂടെ ടീമുകൾ അവസാന സീസണിലെ ദൗർബല്യത്തിന് പരിഹാരം കണ്ടിട്ടുണ്ട്. മിക്ക ടീമുകളും ബാറ്റിങ് നിരയിലും ബൗളിങ് നിരയിലുമുള്ള പ്രശ്നങ്ങൾക്ക് പരിഹാരം കണ്ടതോടെ തീപാറും പോരാട്ടം പ്രതീക്ഷിക്കാം.ഇത്തവണ ചില ടീമുകൾക്ക് മികച്ച ബാറ്റിങ് കരുത്തും പേസ് കരുത്തുമുണ്ടെങ്കിലും സ്പിൻ കരുത്തിന്റെ കാര്യത്തിൽ പിന്നോട്ടാണ്. മികച്ച സ്പിന്നർമാരെ ഒപ്പം കൂട്ടാൻ താരലേലത്തിലൂടെ ഇവർക്ക് സാധിക്കാതെ പോയി. ഇത്തരത്തിൽ ഈ സീസണിൽ സ്പിൻ ദൗർബല്യം നേരിടുന്ന മൂന്ന് ടീമുകൾ ഏതൊക്കെയാണെന്ന് പരിശോധിക്കാം.

മുംബെെ ഇന്ത്യൻസാണ് ഒന്നാമത്തെ ടീം. ഇത്തവണ കരുത്തുറ്റ താരനിര മുംബെെക്കുണ്ട്. മുംബെെയുടെ ബാറ്റിങ് നിരയിൽ ക്വിന്റൻ ഡീകോക്ക്, രോഹിത് ശർമ, സൂര്യകുമാർ യാദവ്, തിലക് വർമ, ഹാർദിക് പാണ്ഡ്യ തുടങ്ങി പേരുകേട്ട താരങ്ങളെ കാണാനാവും. ബൗളിങ് നിരയിൽ ജസ്പ്രീത് ബുംറ, ട്രന്റ് ബോൾട്ട്, ദീപക് ചഹാർ എന്നിവരെല്ലാമുണ്ട്. സ്പിൻ ഓൾറൗണ്ടറായി മിച്ചൽ സാന്റ്നറുമുണ്ട്.

എന്നാൽ സ്പിൻ നിരയിൽ സാന്റ്നറെ മാറ്റി നിർത്തിയാൽ മുംബെെക്ക് കാര്യമായ പ്രതീക്ഷ നൽകുന്ന താരങ്ങളില്ലെന്നതാണ് വസ്തുത. മായങ്ക് മാർക്കണ്ഡെ, രഘു ശർമ, അതർവ അൻകോൽക്കർ എന്നിവരാണ് മറ്റ് താരങ്ങൾ. ഇവരൊന്നും പേരുകേട്ട സ്പിന്നർമാരല്ല.
​ഗൗതം ​ഗംഭീറല്ല, എന്നെ ക്യാപ്റ്റനാക്കാൻ തീരുമാനിച്ചത് ആ 4 പേർ; ടി20 ലോകകപ്പിന് പിന്നാലെ വെളിപ്പെടുത്തലുമായി സൂര്യകുമാർ യാദവ്
മായങ്ക് മാർക്കണ്ഡെ നേരത്തെ മുംബെെക്കായി കളിച്ചിട്ടുള്ള താരമാണ്. എന്നാൽ സമീപകാലത്തൊന്നും വലിയ ഇംപാക്ട് സൃഷ്ടിക്കാൻ മാർക്കണ്ഡെക്ക് സാധിച്ചിട്ടില്ല. മുംബെെയുടെ സ്പിൻ നിരയുടെ ശക്തിക്കുറവിനെ പേസർമാർ ചേർന്ന് മറികടക്കേണ്ടതായുണ്ട്. എന്നാൽ ഇതിന് അവർക്ക് സാധിക്കുമോയെന്നതാണ് കണ്ടറിയേണ്ടത്.

സൺറെെസേഴ്സ് ഹെെദരാബാദ് ഇത്തവണ ശക്തമായ തിരിച്ചുവരവ് പ്രതീക്ഷിക്കുന്ന ടീമാണ്. ആദ്യ മത്സരങ്ങളിൽ പാറ്റ് കമ്മിൻസ് ഉണ്ടാകില്ലെന്ന് ഉറപ്പായതോടെ ഇഷാൻ കിഷന് കീഴിലാണ് ഇത്തവണ ഹെെദരാബാദ് കളിക്കുന്നത്. ഒരു കാലത്ത് റാഷിദ് ഖാനെപ്പോലെ മികച്ച സ്പിന്നർമാരുള്ള നിരയായിരുന്നു ഹെെദരാബാദ്. എന്നാൽ ഇപ്പോൾ മികച്ച സ്പിൻ താരനിരയെ ഹെെദരാബാദിൽ കാണാനാവില്ല. ക്രയിൻസ് ഫ്ലുവേത്ര, പ്രഫുൽ ഹിൻഗെ, സീഷൻ അൻസാരി എന്നിവരെല്ലാമാണ് പ്രധാന സ്പിന്നർമാർ.

IPL 2026: ഐപിഎൽ പടിവാതുക്കൽ, പരിക്കിൽ വലഞ്ഞ് ടീമുകൾ; കൂടുതൽ തിരിച്ചടി ആർക്ക്? തലപുകച്ച് ഈ മൂന്ന് ടീമുകൾ

എന്നാൽ ഇവരൊന്നും ഐപിഎല്ലിൽ മികവ് തെളിയിച്ചിട്ടില്ലാത്തവരും അനുഭവസമ്പത്തില്ലാത്തവരുമാണ്. ഇത് ഹെെദരാബാദിനെ പ്രതികൂലമായി ബാധിക്കുമോയെന്നതാണ് ഇനി കണ്ടറിയേണ്ടത്. ബാറ്റിങ് കരുത്തിനെ അമിതമായി ആശ്രയിക്കുന്ന ടീമാണ് ഹെെദരാബാദിനുള്ളതെന്ന് നിസംശയം പറയാം.

ലഖ്നൗ സൂപ്പർ ജയ്ന്റ്സാണ് മൂന്നാമത്തെ ടീം. ഋഷഭ് പന്ത് നയിക്കുന്ന ലഖ്നൗവിനും ഈ സീസണിൽ കിടിലൻ തിരിച്ചുവരവ് അത്യാവശ്യമാണ്. എന്നാൽ പ്രതീക്ഷിച്ച സ്പിൻ മികവ് ഇത്തവണ ടീമിനൊപ്പമില്ല. വനിന്ദു ഹസരങ്ക, ദിഘ് വേഷ് റാത്തി, ഷഹബാസ് അഹമ്മദ് എന്നിവരാണ് ടീമിലെ പ്രധാന സ്പിന്നർമാർ. ഹസരങ്ക തല്ലുകൊള്ളിയായ സ്പിന്നറാണ്. ഷഹബാസിൽ നിന്ന് ശരാശരി പ്രകടനം പ്രതീക്ഷിക്കാം, ദിഘ് വേഷിൽ നിന്ന് അത്ഭുതം പ്രതീക്ഷിക്കാനാവില്ല. എന്തായാലും ലഖ്നൗവിന്റെ സ്പിൻ ശേഷി മികച്ചതാണെന്ന് പറയാൻ സാധിക്കില്ല.