IPL 2026: ഐപിഎല്ലിൽ മറ്റൊരു പേസർക്കുമില്ലാത്ത നേട്ടം, ചരിത്രമെഴുതി ഭുവനേശ്വർ കുമാർ; ജസ്പ്രീത് ബുംറ അഞ്ചാം സ്ഥാനത്ത്

ഇന്ത്യൻ പ്രീമിയർ ലീഗിന്റെ 2026 സീസണിലെ ലഖ്നൗ സൂപ്പർ ജയ്ന്റ്സിനെതിരായ മത്സരത്തിലൂടെ ചരിത്ര നേട്ടത്തിലെത്തി ആർസിബി പേസറായ ഭുവനേശ്വർ കുമാർ . സീനിയർ പേസറായ ഭുവിയുടെ 200ാമത്തെ ഐപിഎൽ മത്സരമാണിത്. ഐപിഎൽ ചരിത്രത്തിൽ 200 മത്സരം കളിക്കുന്ന ആദ്യത്തെ പേസറെന്ന റെക്കോഡാണ് ഭുവി നേടിയെടുത്തത്. ഇപ്പോഴും മികച്ച ബൗളിങ് പ്രകടനത്തോടെ കസറുന്ന ഭുവി ഈ സീസണിലെ വിക്കറ്റ് വേട്ടക്കാരിൽ മുൻനിരയിലാണുള്ളത്.200 മത്സരത്തിൽ നിന്ന്215 വിക്കറ്റുകളാണ് ഭുവനേശ്വർ നേടിയിട്ടുള്ളത്. പൂനെ വാരിയേഴ്സ്, സൺറെെസേഴ്സ് ഹെെദരാബാദ്, റോയൽ ചലഞ്ചേഴ്സ് ബംഗളൂരു എന്നിവർക്കൊപ്പമാണ് ഭുവനേശ്വർ കുമാറിന്റെ നേട്ടം. 189 മത്സരം കളിച്ച മുൻ മുംബെെ ഇന്ത്യൻസ് മീഡിയം പേസറായ കറൻ പൊള്ളാർഡാണ് രണ്ടാം സ്ഥാനത്തുള്ളത്. 69 വിക്കറ്റ് നേടിയ പൊള്ളാർഡ് മുംബെെക്കായി മാത്രമാണ് കളിച്ചിട്ടുള്ളത്. ഡ്വെയ്ൻ ബ്രാവോയാണ് മൂന്നാം സ്ഥാനത്തുള്ളത്.

161 മത്സരം കളിച്ച ബ്രാവോ 183 വിക്കറ്റുകളാണ് നേടിയിട്ടുള്ളത്. മുംബെെ, സിഎസ്കെ, ഗുജറാത്ത് ലയൺസ് ടീമുകൾക്കായാണ് ബ്രാവോ കളിച്ചിട്ടുള്ളത്. ഡെത്തോവറുകളിൽ തകർപ്പൻ പ്രകടനം നടത്തിയിട്ടുള്ള ബൗളർമാരിലൊരാളാണ് ബ്രാവോ. മീഡിയം പേസ് ഓൾറൗണ്ടറായ ഹാർദിക് പാണ്ഡ്യയാണ് നാലാം സ്ഥാനത്തുള്ളത്. മുംബെെ ഇന്ത്യൻസിന്റെ നിലവിലെ നായകനായ ഹാർദിക് ഗുജറാത്ത് ടെെറ്റൻസിനായിട്ടും കളിച്ചിട്ടുണ്ട്.

160 മത്സരത്തിൽ നിന്ന് 82 വിക്കറ്റുകളാണ് ഹാർദിക് നേടിയത്. ജസ്പ്രീത് ബുംറയാണ് ആറാം സ്ഥാനത്ത്. 155 മത്സരത്തിൽ നിന്ന് 186 വിക്കറ്റാണ് ബുംറ നേടിയിട്ടുള്ളത്. മുംബെെ ഇന്ത്യൻസിനായി മാത്രമാണ് ബുംറ കളിച്ചിട്ടുള്ളത്. ഉമേഷ് യാദവ് (148), ഷെയ്ൻ വാട്സൻ (145), സന്ദീപ് ശർമ (142), ആൻന്ദ്രേ റസൽ (140), മുഹമ്മദ് ഷമി (129), ട്രന്റ് ബോൾട്ട് (125) എന്നിവരാണ് പിന്നാലെയുള്ളത്.
IPL 2026: രാജസ്ഥാനൊപ്പം നേടാനായില്ല, 4 മത്സരം ശേഷിക്കെ സഞ്ജുവിനത് സാധിക്കുമോ? സിഎസ്കെയ്ക്കൊപ്പം പുതിയ നാഴികക്കല്ല് പ്രതീക്ഷിച്ച് താരം
ഇന്ത്യയുടെ സീനിയർ പേസറായ ഭുവനേശ്വർ ഏറെ നാളുകളായി സീനിയർ ടീമിന് പുറത്താണ്. എന്നാൽ ഇപ്പോഴും ഐപിഎല്ലിൽ മികച്ച പ്രകടനം നടത്താൻ ഭുവനേശ്വറിന് സാധിച്ചിട്ടുണ്ട്. 9 മത്സരത്തിൽ നിന്ന് 17 വിക്കറ്റുകളാണ് ഭുവി ഈ സീസണിൽ നേടിയിട്ടുള്ളത്. സ്വിങ് പേസറായ ഭുവിയുടെ മികവ് ഈ സീസണിലെ ആർസിബിയുടെ കുതിപ്പിൽ നിർണ്ണായകമായി മാറിയിട്ടുണ്ട്.

ആർസിബിക്കെതിരായ നിർണ്ണായക മത്സരത്തിൽ ലഖ്നൗ സൂപ്പർ ജയ്ന്റ്സ് ആദ്യം ബാറ്റ് ചെയ്യുകയാണ്. എന്നാൽ മഴ വില്ലനായതോടെ മത്സരം ഇടക്ക് തടസപ്പെട്ടിരിക്കുകയാണ്. ഒമ്പത് ഓവറിൽ വിക്കറ്റ് പോവാതെ 95 റൺസ് എന്ന നിലയിലാണ് ലഖ്നൗവുള്ളത്. അപ്പോഴേക്കും ശക്തമായ മഴയെത്തുകയായിരുന്നു.
IPL 2026: ക്യാച്ച് വിടാൻ ടീമുകൾ തമ്മിൽ മത്സരമോ? സിഎസ്കെയും പഞ്ചാബും പിഴവുകളിൽ തലപ്പത്ത്, ബെസ്റ്റ് കെകെആർ, കണക്കുകളിതാ

20 പന്തിൽ ഫിഫ്റ്റി നേടിയ മിച്ചൽ മാർഷ് 32 പന്തിൽ 76 റൺസ് നേടി ക്രീസിലുണ്ട്. ഏഴ് ഫോറും ഏഴ് സിക്സും മിച്ചൽ മാർഷ് പറത്തി. യുവ ഓപ്പണർ അർഷിൻ കുൽക്കർണി 22 പന്തിൽ 17 റൺസോടെയും ക്രീസിലുണ്ട്. ഇന്ന് ആർസിബി ജയിച്ചാൽ പോയിന്റ് പട്ടികയിൽ ആർസിബിക്ക് തലപ്പത്തേക്കെത്താൻ സാധിക്കും.