IPL 2026: ഐപിഎൽ ആരംഭിക്കാൻ രണ്ട് നാൾ, ആർസിബിക്ക് വീണ്ടും അപ്രതീക്ഷിത തിരിച്ചടി; സൂപ്പർ പേസർക്ക് എൻഒസി ലഭിച്ചില്ല

ഇന്ത്യൻ പ്രീമിയർ ലീഗിന്റെ 2026 സീസൺ 28ന് ആരംഭിക്കാൻ പോവുകയാണ്. നിലവിലെ ചാമ്പ്യന്മാരായ റോയൽ ചലഞ്ചേഴ്സ് ബംഗളൂരു സൺറെെസേഴ്സ് ഹെെദരാബാദുമായി ഏറ്റുമുട്ടുന്ന പോരാട്ടത്തോടെയാണ് ഇത്തവണത്തെ ഐപിഎൽ ആരംഭിക്കുക. ടൂർണമെന്റ് ആരംഭിക്കാൻ രണ്ട് ദിവസം മാത്രം ബാക്കിയുള്ളപ്പോൾ ആർസിബിക്ക് അപ്രതീക്ഷിത തിരിച്ചടി നേരിട്ടിരിക്കുകയാണ്.സ്റ്റാർ പേസറും ശ്രീലങ്കക്കാരനുമായ നുവാൻ തുഷാര ഇത്തവണ കളിക്കാൻ ഉണ്ടാകില്ലെന്നതാണ് ആർസിബിക്ക് തലവേദനയാകുന്നത്. പേസർക്ക് ശ്രീലങ്കൻ ക്രിക്കറ്റ് ബോർഡ് എൻഒസി അനുവദിക്കാത്തതാണ് ആർ‌സിബിക്ക് തിരിച്ചടിയായി മാറിയിരിക്കുന്നത്. നിലവിൽ ശ്രീലങ്ക കർശന ഫിറ്റ്നസ് പരിശോധക്ക് ശേഷമാണ് താരങ്ങൾക്ക് എൻഒസി അനുവദിക്കുന്നത്.

പൂർണ്ണ ഫിറ്റ്നസില്ലാത്ത താരങ്ങൾക്ക് ഫ്രാഞ്ചെെസി ലീഗ് കളിക്കാൻ അനുമതി നൽകേണ്ടെന്നാണ് ശ്രീലങ്കൻ ബോർഡിന്റെ തീരുമാനം. അതുകൊണ്ടുതന്നെ പൂർണ്ണ ഫിറ്റ്നസില്ലാത്ത നുവാൻ തുഷാരക്ക് എൻഒസി നൽകേണ്ടെന്നാണ് ശ്രീലങ്കൻ ക്രിക്കറ്റ് ബോർഡിന്റെ തീരുമാനം. ഇത് ആർസിബിയെ സംബന്ധിച്ച് കനത്ത പ്രഹരമായി മാറിയിട്ടുണ്ടെന്ന് നിസംശയം പറയാം.

ഇതിനോടകം ബൗളിങ് നിരയിൽ വലിയ തലവേദനയാണ് ആർസിബി നേരിടുന്നത്. ഇതിനൊപ്പമാണ് ഇപ്പോൾ വീണ്ടും തിരിച്ചടി നേരിടുന്നത്. ജോഷ് ഹെയ്സൽവുഡ് ഇത്തവണ ആർസിബിക്കായി കളിക്കില്ലെന്നത് ടീമിന് വലിയ തിരിച്ചടിയാണ്. അവസാന സീസണിൽ ആർസിബിയെ കിരീടത്തിലേക്കെത്തിക്കുന്നതിൽ ഏറ്റവും ശ്രദ്ധേയ പ്രകടനം കാഴ്ചവെച്ച താരമാണ് ഹെയ്സൽവുഡ്. താരത്തേയും ഫിറ്റ്നസ് പ്രശ്നം ബാധിച്ചിരിക്കുകയാണ്.
IPL 2026: രാജസ്ഥാന്റെ ഉടമ മാറി, റിയാൻ പരാ​ഗിന്റെ ക്യാപ്റ്റൻസി തെറിക്കുമോ? നയിക്കാൻ ജയ്സ്വാൾ തയ്യാർ, ടീമിന്റെ നീക്കം ഇതാവും
ഹെയ്സൽവു‍ഡിന് പിന്നാലെ അവസാന സീസണിൽ തിളങ്ങിയ പേസറായ യഷ് ദയാലിനും ഇത്തവണത്തെ സീസൺ നഷ്ടമാവും. പീഡന കേസിൽ കുറ്റാരോപിതനായ ദയാലിനെ ഇത്തവണ കളിപ്പിക്കേണ്ട എന്ന തീരുമാനം ആർസിബി എടുത്തുകയായിരുന്നു. ആർസിബി ഇത്തവണ കിരീടം നിലനിർത്താനുള്ള പദ്ധതികൾ മെനയുമ്പോഴാണ് ഇത്തരമൊരു തിരിച്ചടി നേരിട്ടിരിക്കുന്നത്.

സൂപ്പർ ബൗളർമാരുടെ അഭാവത്തിൽ ഇനി ആർസിബി എന്ത് ചെയ്യുമെന്നതാണ് പ്രധാനപ്പെട്ട ചോദ്യം. മികച്ച ബൗളർമാരെ പകരക്കാരായി കൊണ്ടുവരിക ഇനി പ്രയാസമായിരിക്കും. ഇന്ത്യൻ സീനിയർ പേസറായ ഭുവനേശ്വർ കുമാറിന് ജോലിഭാരം കൂടുമെന്ന് തന്നെ പറയാം. എന്നാൽ ഭുവിയിൽ നിന്ന് ഇപ്പോൾ വലിയ അത്ഭുതങ്ങൾ പ്രതീക്ഷിക്കാനാവില്ലെന്നതാണ് വസ്തുത.

IPL 2026: സഞ്ജു വന്നതോടെ റുതുരാജിന് ഓപ്പണർ സീറ്റ് നഷ്ടമാവും, സിഎസ്കെയ്ക്ക് ഇത്തവണ പുതിയ കൂട്ടുകെട്ട്; കാരണം എന്താണെന്ന് അറിയാം

റാസിഖ് ദാർ, ജേക്കബ് ഡുഫി, ഭുവനേശ്വർ കുമാർ എന്നിവരെ ബൗളിങ് നിരയിലേക്ക് പരിഗണിക്കേണ്ട അവസ്ഥയാണ് ആർസിബിക്കുള്ളത്. സ്പിൻ നിരയിൽ ഓൾറൗണ്ടർ ക്രുണാൽ പാണ്ഡ്യയും സുയാഷ് ശർമയുമുണ്ട്. ഇത്തവണയും ഭേദപ്പെട്ട ബാറ്റിങ് നിരയാണ് ആർസിബിക്കുള്ളത്. എന്നാൽ ബൗളിങ് നിരയിൽ കാര്യങ്ങൾ എളുപ്പമാവില്ലെന്ന് തന്നെ പറയാം. ഇനി ആരെ പകരക്കാരനായി കൊണ്ടുവരാം എന്നതാവും ആർസിബി ആലോചിക്കുക.

ബൗളിങ് നിര ദുർബലമായിരിക്കുമ്പോൾ കപ്പിലേക്കെത്തുക ആർസിബിക്ക് പ്രയാസമാവും. വിരാട് കോഹ്ലി , ഫിൽ സാൾട്ട്, രജത് പാട്ടീധാർ, ദേവ്ദത്ത് പടിക്കൽ, ജിതേഷ് ശർമ, ടിം ഡേവിഡ്, റൊമാരിയോ ഷിഫേർഡ്, വെങ്കടേഷ് അയ്യർ, ജേക്കബ് ബദൽ എന്നിവരെല്ലാം പ്രതീക്ഷ നൽകുന്നവരാണ്. ടി20 ലോകകപ്പ് ഫെെനലിൽ ഇന്ത്യക്കെതിരേ സെഞ്ചുറി നേടിയ താരമാണ് ബദൽ. എന്തായാലും ബൗളിങ് നിരയിലെ പ്രതീക്ഷകൾ തെറ്റിയത് ആർസിബിയെ പ്രതികൂലമായി ബാധിക്കാൻ സാധ്യതകളേറെയാണ്.