IPL 2026: കോഹ്ലി ഉപദേശം നൽകി, അതേ തന്ത്രം ഉപയോ​ഗിച്ച് പ്രിൻസ് യാദവ് കോഹ്ലിയെ പുറത്താക്കി; വെളിപ്പെടുത്തി ലഖ്നൗ പേസർ

ഇന്ത്യൻ പ്രീമിയർ ലീഗിന്റെ 2026 സീസണിലെ 50ാം മത്സരത്തിൽ ലഖ്നൗ സൂപ്പർ ജയ്ന്റ്സിനോട് രാജസ്ഥാൻ റോയൽസ് പരാജയപ്പെട്ടിരിക്കുകയാണ്. വിജയത്തോടെ പോയിന്റ് പട്ടികയിൽ തലപ്പത്തെത്താനുള്ള അവസരമാണ് ആർസിബി നഷ്ടപ്പെടുത്തിയത്. മഴമൂലം 19 ഓവറാക്കി ചുരുക്കിയ മത്സരത്തിൽ ആദ്യം ബാറ്റ് ചെയ്ത ലഖ്നൗ മൂന്ന് വിക്കറ്റിന് 209 റൺസെടുത്തപ്പോൾ മറുപടിക്കിറങ്ങിയ ആർസിബിക്ക് ആറ് വിക്കറ്റിന് 203 റൺസാണ് നേടാനായത്. ഡക്ക് വർത്ത് ലൂയിസ് നിയമപ്രകാരം 9 റൺസിന്റെ ജയമാണ് ലഖ്നൗ നേടിയത്.ആർസിബിയുടെ തോൽവിക്ക് പിന്നാലെ വിരാട് കോഹ്ലിയുടെ ഡക്കാണ് വലിയ ചർച്ചയായി മാറുന്നത്. റൺ ചേസിൽ രാജാവായിട്ടുള്ള കോഹ്ലി ഡക്കിന് പുറത്തായത് ചരിത്രത്തിൽത്തന്നെ അപൂർവ്വ സംഭവമാണ്. ഒമ്പത് വർഷത്തിന് ശേഷമാണ് കോഹ്ലി ഐപിഎല്ലിലെ റൺചേസിൽ ഡക്കിന് മടങ്ങുന്നത്. ഇതിന് മുമ്പ് 2017ൽ ആർസിബി 49 റൺസെടുത്ത മത്സരത്തിലാണ് കോഹ്ലി ഡക്കിന് മടങ്ങിയത്.

ലഖ്നൗവിനെതിരേ പ്രിൻസ് യാദവിന്റെ പന്തിൽ ക്ലീൻബൗൾഡായാണ് കോഹ്ലി പുറത്തായത്. ഇപ്പോഴിതാ കോഹ്ലിയെ പുറത്താക്കിയത് കോഹ്ലി തന്നെ നൽകിയ തന്ത്രം ഉപയോഗിച്ചാണെന്ന് വെളിപ്പെടുത്തിയിരിക്കുകയാണ് പ്രിൻസ് യാദവ് . മത്സര ശേഷം അവതാരകനോട് സംസാരിക്കവെയാണ് പ്രിൻസ് ഇക്കാര്യം പറഞ്ഞത്. ആദ്യ പാദ മത്സരത്തിന് ശേഷം കോഹ്ലി ഭയ്യയോടെ സംസാരിച്ചപ്പോൾ ചില തന്ത്രങ്ങളും ഉപദേശങ്ങളും അദ്ദേഹം നൽകിയിരുന്നു. അദ്ദേഹം പറഞ്ഞു തന്നെ ലെെനും ലെങ്തുമാണ് താൻ ഉപയോഗിച്ചത് എന്നതാണ് പ്രിൻസ് യാദവ് പറ‍ഞ്ഞത്.

പ്രിൻസ് യാദവ് കോഹ്ലിയുടെ തന്ത്രം ഉപയോഗിച്ച് കോഹ്ലിയെത്തന്നെ പുറത്താക്കിയെന്നതാണ് എടുത്തു പറയേണ്ടത്. ഇൻസ്വിങ്ങറായെത്തിയ മികച്ച പന്തിൽ ലോകോത്തര ബാറ്റ്സ്മാനായ വിരാട് കോഹ്ലിക്ക് പോലും പിഴച്ചുവെന്നതാണ് എടുത്തു പറയേണ്ട കാര്യം. കോഹ്ലി പോലും ഒരു നിമിഷം എന്താണ് സംഭവിച്ചത് എന്നറിയാതെ സ്തംഭിച്ച് നിന്നുപോയി എന്നതാണ് വസ്തുത.
IPL 2026: ധോണി എന്തുകൊണ്ട് സിഎസ്കെയ്ക്കായി കളിക്കുന്നില്ല? ആരാധകർ ചെയ്യേണ്ടത് ഒരു കാര്യം; അഭ്യർത്ഥനയുമായി മെെക്കൽ ക്ലാർക്ക്
മത്സരശേഷം വിരാട് കോഹ്ലി പ്രിൻസ് യാദവിനെ അഭിനന്ദിക്കുകയും ചെയ്തിരുന്നു. ഈ സീസണിൽ മികച്ച ഫോമിൽ കളിച്ചിരുന്ന കോഹ്ലിക്ക് റൺവേട്ടക്കാരുടെ പട്ടികയിൽ മുന്നേറ്റം നടത്താനുള്ള സുവർണ്ണാവസരം ഉണ്ടായിരുന്നു. എന്നാൽ ഇത് മുതലാക്കാൻ കോഹ്ലിക്ക് സാധിക്കാതെ പോയി. പ്രിൻസ് യാദവ് ഇന്ത്യൻ ക്രിക്കറ്റിന് വലിയ പ്രതീക്ഷ നൽകിയാണ് വളർന്ന് വരുന്നത്. ന്യൂബോളിലും ഡെത്തോവറിലും ഒരുപോലെ മികവ് കാട്ടാൻ പ്രിൻസിന് സാധിക്കുന്നുണ്ട്.

നല്ല വേഗവും മികച്ച ലെെനും ലെങ്തും താരത്തിന് അവകാശപ്പെടാം. ആർസിബിക്കെതിരേ കോഹ്ലിയെ മാത്രമല്ല ദേവ്ദത്ത് പടിക്കലിനേയും ജിതേഷ് ശർമയേയും പുറത്താക്കിയത് പ്രിൻസാണ്. ആർസിബിയുടെ തോൽവിക്ക് പ്രധാന വില്ലനായി മാറി ലഖ്നൗ ബൗളറാണ് പ്രിൻസെന്ന് തന്നെ പറയാം. നാല് ഓവറിൽ 33 റൺസ് വിട്ടുകൊടുത്താണ് പ്രിൻസ് മൂന്ന് വിക്കറ്റ് നേടിയത്.

IPL 2026: ഐപിഎല്ലിൽ മറ്റൊരു പേസർക്കുമില്ലാത്ത നേട്ടം, ചരിത്രമെഴുതി ഭുവനേശ്വർ കുമാർ; ജസ്പ്രീത് ബുംറ അഞ്ചാം സ്ഥാനത്ത്

ലഖ്നൗവിനെ സംബന്ധിച്ച് ഇനി പ്ലേ ഓഫ് പ്രതീക്ഷയില്ല. ശേഷിക്കുന്ന മത്സരങ്ങളിലൂടെ പ്രധാന ടീമുകളെയെല്ലാം തോൽപ്പിച്ച് പ്ലേ ഓഫ് പോരാട്ടങ്ങൾ കൂടുതൽ ശക്തമാക്കാനുള്ള നീക്കമായിരിക്കും ഇനി ലഖ്നൗ നടത്തുകയെന്ന് തന്നെ പറയാം.