2 months ago
2
Authored by: നിഷാദ് അമീന്|Samayam Malayalam•12 Nov 2025, 12:56 pm
IPL 2026: ഐപിഎല് 2026ല് രാജസ്ഥാന് റോയല്സിനെ (Rajasthan Royals) നയിക്കാന് യശസ്വി ജയ്സ്വാള്, ദ്രുവ് ജുറേല് എന്നിവര്ക്ക് അവസരം ലഭിക്കില്ല. ഇന്ത്യന് ടീം അംഗമായ 36കാരന് ക്യാപ്റ്റന്സ്ഥാനം ചോദിച്ചുവാങ്ങിയെന്ന് റിപോര്ട്ട്.
ഐപിഎല് 2026ല് രാജസ്ഥാന് റോയല്സിന് പുതിയ നായകന്.(ഫോട്ടോസ്- Agencies)ലേലത്തിന് ഒരാഴ്ച മുമ്പ് വരെ പ്ലെയര് ട്രേഡ് സാധ്യമാണെങ്കിലും റിട്ടന്ഷന് ലിസ്റ്റ് അപിഎല് ഭരണസമിതിക്ക് കൈമാറുന്നതിന് മുമ്പ് തന്നെ എല്ലാം പൂര്ത്തിയാക്കാന് ഒരുങ്ങുകയാണ് ഫ്രാഞ്ചൈസികള്. രാജസ്ഥാന് റോയല്സില് ( Rajasthan Royals ) നിന്ന് സഞ്ജു സാംസണ് ( Sanju Samson) ചെന്നൈ സൂപ്പര് കിങ്സിലേക്കും പകരം രവീന്ദ്ര ജഡേജയും ( Ravindra Jadeja ) സാം കറനും രാജസ്ഥാന് റോയല്സിലേക്കും മാറുന്ന കരാര് അടുത്ത 48 മണിക്കൂറിനുള്ളില് സാധ്യമായേക്കും.
പ്രകടനം മോശമായതിന്റെ കാരണം മറ്റൊന്ന്; ഗില്ലിനായി വാദിച്ച് സൂര്യകുമാർ യാദവ്
ജഡേജ റോയല്സിലേക്ക് മാറാന് ക്യാപ്റ്റന് സ്ഥാനം വേണമെന്ന ഉപാധി വച്ചിരുന്നുവെന്നാണ് ഏറ്റവും പുതിയ വിവരം. ഐപിഎല് 2026 മുതല് ജഡേജ റോയല്സിന്റെ പുതിയ ക്യാപ്റ്റനായിരിക്കുമെന്ന് ന്യൂസ് 18 ക്രിക്കറ്റ് നെക്സ്റ്റ് റിപ്പോര്ട്ട് ചെയ്തു. മെഗാ ട്രേഡ് ഡീലിന്റെ ഭാഗമായി ക്യാപ്റ്റന്സി തനിക്ക് കൈമാറണമെന്ന് 36കാരന് ആര്ആര് മാനേജ്മെന്റിനോട് ആവശ്യപ്പെട്ടുവെന്നാണ് വെളിപ്പെടുത്തല്.
Sanju Samson Birthday: കൗതുകമായി സിഎസ്കെ പോസ്റ്റ്; ആശംസ നേര്ന്ന് ബിസിസിഐയും കെസിഎയും രാജസ്ഥാനും2021 മുതല് റോയല്സിനെ നയിക്കുന്ന സഞ്ജു പുതിയ കൂടാരത്തിലേക്ക് മാറുന്നതിനാല് നിലവിലെ സംഘത്തില് നിന്ന് യശസ്വി ജയ്സ്വാള്, ദ്രുവ് ജുറേല് എന്നിവരില് ഒരാളെ ക്യാപ്റ്റനാക്കുമെന്നാണ് കഴിഞ്ഞ ദിവസങ്ങളില് വന്ന വിവരം. ഇരുവരോടും ക്യാപ്റ്റന് സ്ഥാനം ഏറ്റെടുക്കാന് തയ്യാറായിരിക്കാന് പുതിയ ഹെഡ് കോച്ച് കുമാര് സങ്കക്കാര നിര്ദേശിക്കുകയും ചെയ്തിരുന്നു. കഴിഞ്ഞ സീസണില് സഞ്ജു പരിക്കേറ്റ് പിന്മാറിയ മാച്ചുകളില് താല്ക്കാലിക ക്യാപ്റ്റനായ റിയാന് പരാഗിനെ പരിഗണിക്കേണ്ടതില്ലെന്നായിരുന്നു തീരുമാനം.
IPL 2026: സഞ്ജു-ജഡേജ പ്ലെയര് ട്രേഡിന് പിന്നില് മറ്റൊരു സൂപ്പര് താരം; വിരമിക്കലിന് തൊട്ടുമുമ്പുള്ള സുപ്രധാന നീക്കം, ക്യാപ്റ്റന്സി ഉറപ്പെന്ന് കൈഫ്ജഡേജയുടെ വരവ് സങ്കക്കാരയുടെ കണക്കുകൂട്ടലുകള് തെറ്റിച്ചുവെന്ന് വേണം അനുമാനിക്കാന്. സഞ്ജുവിന് പകരം ജഡേജയാണ് ടീമിലെത്തുകയെന്നും തിരിച്ചുവരാന് അദ്ദേഹം ക്യാപ്റ്റന്സി ആവശ്യപ്പെടുമെന്നും ആരും പ്രതീക്ഷിച്ചിരുന്നില്ല. ഐപിഎല്ലിന്റെ തുടക്കത്തില് രണ്ട് സീസണുകളില് ജഡേജ റോയല്സില് കളിച്ചിരുന്നു. പ്രഥമ സീസണില് കിരീടം നേടിയ ആര്ആര് ടീമില് അംഗമായ ജഡേജ പിന്നീട് മൂന്ന് തവണ സിഎസ്കെയുടെ കൂടെയും കിരീടനേട്ടങ്ങളില് പങ്കാളിയായി.
ഐപിഎല്ലില് തന്റെ അവസാന കുറച്ച് വര്ഷങ്ങളില് ക്യാപ്റ്റനാവാന് ജഡേജ ആഗ്രഹിക്കുന്നുണ്ടാവാം. സ്ഥാനം ലഭിച്ചാല് ജഡേജയ്ക്ക് ഇത് ഉചിതമായ തിരിച്ചുവരവായിരിക്കും. 2012 ലാണ് ചെന്നൈ സൂപ്പര് കിങ്സില് ചേര്ന്നത്. ടീമിന്റെ ഏറ്റവും വിശ്വസ്തനായ മാച്ച്-വിന്നര്മാരില് ഒരാളായി അദ്ദേഹം വളര്ന്നു.
ഐപിഎല് ക്യാപ്റ്റന്സി ജഡേജയ്ക്ക് പുതിയ കാര്യമല്ല. 2022ല് എംഎസ് ധോണി സിഎസ്കെ നായകസ്ഥാനം ജഡേജയെ ഏല്പ്പിച്ചിരുന്നു. എന്നാല്, ആദ്യ എട്ട് മല്സരങ്ങളില് ഏഴിലും തോറ്റതോടെ സീസണിന്റെ പാതിവഴിയില് സ്ഥാനം ഒഴിയേണ്ടി വന്നു. ധോണി വീണ്ടും ക്യാപ്റ്റനാവുകയും ചെയ്തു.
രചയിതാവിനെക്കുറിച്ച്നിഷാദ് അമീന്17 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. നിലവിൽ സമയം മലയാളത്തില് സ്പോർട്സ് ലേഖനങ്ങൾ എഴുതുന്നു.... കൂടുതൽ വായിക്കുക
English (US) ·