2 months ago
2
Authored by: നിഷാദ് അമീന്|Samayam Malayalam•15 Nov 2025, 8:40 pm
IPL 2026 RCB's retained and released players: ഐപിഎല് 2026ന് മുമ്പായി ആര്സിബി നിലനിര്ത്തിയതും റിലീസ് ചെയ്തതുമായ കളിക്കാരുടെ പട്ടിക പുറച്ചുവിട്ടു. നിലവിലെ ചാമ്പ്യന്മാര് വിന്നിങ് കോമ്പിനേഷനുകള് പരമാവധി നിലനിര്ത്താന് ശ്രമിച്ചു.
ഐപിഎല് 2026 ആര്സിബി റിട്ടന്ഷന് ലിസ്റ്റ്.(ഫോട്ടോസ്- Agencies)ആര്സിബി നിലനിര്ത്തിയതും റിലീസ് ചെയ്തതുമായ കളിക്കാരുടെ പട്ടികയില് അത്ഭുതങ്ങളില്ലെങ്കിലും ലിവിങ്സ്റ്റണിന് പുറമേ മായങ്ക് അഗര്വാള്, ലുങ്കി എന്ഗിഡി എന്നിവരും ലേലത്തില് വിട്ടയക്കപ്പെട്ടവരില് ഉള്പ്പെടുന്നു.
സെഞ്ചുറിയടിച്ച് റുതുരാജ്; ഇന്ത്യന് എ ടീമിന് തകര്പ്പന് വിജയം
ആര്സിബി നിലനിര്ത്തിയ കളിക്കാരുടെ പൂര്ണ പട്ടിക:
രജത് പട്ടീദര് (ക്യാപ്റ്റന്), വിരാട് കോഹ്ലി, ദേവ്ദത്ത് പടിക്കല്, ഫില് സാള്ട്ട്, ജിതേഷ് ശര്മ, ക്രുണാല് പാണ്ഡ്യ, സ്വപ്നില് സിങ്, ടിം ഡേവിഡ്, റൊമാരിയോ ഷെപ്പേര്ഡ്, ജേക്കബ് ബെഥേല്, ജോഷ് ഹേസല്വുഡ്, യാഷ് ദയാല്, ഭുവനേശ്വര് കുമാര്, നുവാന് തുഷാര, റാസിഖ് സലാം, അഭിനന്ദന് സിങ്, സുയാഷ് ശര്മ.
IPL 2026: സഞ്ജുവിന് ആ മോഹം വേണ്ട, കാത്തിരിക്കേണ്ടി വരും; ധോണി ഇംപാക്ട് പെയര് ആവില്ലെന്നും മുന് സിഎസ്കെ താരംആര്സിബി റിലീസ് ചെയ്ത കളിക്കാര്: സ്വസ്തിക് ചികാര, മായങ്ക് അഗര്വാള്, ടിം സെയ്ഫെര്ട്ട്, മനോജ് ഭണ്ഡാഗെ, ലുങ്കി എന്ഗിഡി, ബ്ലെസ്സിങ് മുസരബാനി, ലിയാം ലിവിങ്സ്റ്റണ്, മോഹിത് രാത്തി.
ഐപിഎല് ചരിത്രത്തില് ആദ്യമായാണ് കഴിഞ്ഞ വര്ഷം സൂപ്പര് താരം വിരാട് കോഹ്ലി ഉള്പ്പെടെ കളിക്കുന്ന ആര്സിബി കിരീടം ചൂടിയത്. വിക്ടറി പരേഡിനിനെ ബെംഗളൂരു ചിന്നസ്വാമി സ്റ്റേഡിയത്തിന് സമീപം തിക്കിലും തിരക്കിലും പെട്ട് 11 പേര് മരിച്ചിരുന്നു. 2026ല് ആര്സിബിയുടെ ഹോം ഗ്രൗണ്ട് ഇവിടെ നിന്ന് മാറ്റിയേക്കും. ഒരു ഐപിഎല് മല്സരവും ഉണ്ടാവില്ലെന്നാണ് റിപോര്ട്ട്. പൂനെ എംസിഎ ക്രിക്കറ്റ് സ്റ്റേഡിയമാണ് പരിഗണനയില്.
IPL 2026: സഞ്ജു-ജഡേജ പ്ലെയര് ട്രേഡിന് പിന്നില് മറ്റൊരു സൂപ്പര് താരം; വിരമിക്കലിന് തൊട്ടുമുമ്പുള്ള സുപ്രധാന നീക്കം, ക്യാപ്റ്റന്സി ഉറപ്പെന്ന് കൈഫ്മുന് വര്ഷങ്ങളിലേത് പോലെ ഇത്തവണ ഫ്രാഞ്ചൈസികള് നിലനിര്ത്തുന്ന താരങ്ങളുടെ എണ്ണത്തില് നിയന്ത്രണങ്ങളൊന്നുമില്ല. പല ഫ്രാഞ്ചൈസുകളും ടീമിനെ പുനര്നിര്മിക്കുന്നതിനായി റിട്ടന്ഷന് ഉപയോഗപ്പെടുത്തിയപ്പോള് കഴിഞ്ഞ സീസണില് മികച്ച പ്രകടനം നടത്തിയ താരങ്ങളെ നിരാശപ്പെടുത്താന് ആര്സിബി മാനേജ്മെന്റ് ആഗ്രഹിച്ചില്ല. രജത് പാട്ടിദറിന്റെ നേതൃത്വത്തിലായിരുന്നു അവരുടെ കന്നി ഐപിഎല് കിരീട വിജയം.
കഴിഞ്ഞ വര്ഷം മോശം പ്രകടനത്തിന്റെ പേരില് ആര്സിബി ടീമില് നിന്ന് ഇംഗ്ലണ്ട് ഓള്റൗണ്ടര് ലിവിങ്സ്റ്റണ് പുറത്താക്കപ്പെട്ടിരുന്നു. അദ്ദേഹത്തോടൊപ്പം ദക്ഷിണാഫ്രിക്കന് പേസര് ലുങ്കി എന്ഗിഡിയെയും ലേലത്തില് വിട്ടയച്ചു. ലേലത്തിന് മുമ്പ് ആര്സിബി എട്ട് കളിക്കാരെയാണ് റിലീസ് ചെയ്തത്.
കഴിഞ്ഞ വര്ഷം ഐപിഎല് നേടിയ വിരാട് കോഹ്ലി ഐപിഎല്ലില് നിന്ന് വിരമിച്ചേക്കുമെന്ന് അഭ്യൂഹങ്ങളുണ്ടായിരുന്നു. എന്നാല്, വെറ്ററന് താരം ഐപിഎല്ലിന്റെ മറ്റൊരു സീസണില് കളിക്കാന് ഒരുങ്ങുകയാണ്. ലേലത്തില് 16.4 കോടി രൂപയാണ് ആര്സിബിക്ക് ശേഷിക്കുന്നത്. രണ്ട് വിദേശ താരങ്ങള് ഉള്പ്പെടെ എട്ട് സ്ലോട്ടുകള് ഒഴിവുണ്ട്.
രചയിതാവിനെക്കുറിച്ച്നിഷാദ് അമീന്17 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. നിലവിൽ സമയം മലയാളത്തില് സ്പോർട്സ് ലേഖനങ്ങൾ എഴുതുന്നു.... കൂടുതൽ വായിക്കുക
English (US) ·