2 months ago
2
Authored by: നിഷാദ് അമീന്|Samayam Malayalam•15 Nov 2025, 6:51 pm
IPL 2026 CSK Retained Players: ചെന്നൈ സൂപ്പര് കിങ്സിന്റെ ഐപിഎല് 2026 റിട്ടന്ഷന് ലിസ്റ്റ് തയ്യാര്. ലേലത്തിന് മുമ്പായി നിലനിര്ത്തിയതും റിലീസ് ചെയ്തതുമായ കളിക്കാരുടെ പട്ടിക പുറത്തുവിട്ടു.
ചെന്നൈ സൂപ്പര് കിങ്സിന്റെ ഐപിഎല് 2026 റിട്ടന്ഷന് പട്ടിക തയ്യാര്(ഫോട്ടോസ്- Agencies)രവീന്ദ്ര ജഡേജയെ സിഎസ്കെ സഞ്ജു സാംസണിന് പകരമായി രാജസ്ഥാന് റോയല്സിന് കൈമാറി. ഇതോടൊപ്പം ഇംഗ്ലീഷ് ഓള്റൗണ്ടര് സാം കുറനെയും രാജസ്ഥാന് റോയല്സിലേക്ക് മാറ്റി. രാഹുല് ത്രിപാഠി, ദീപക് ഹൂഡ, വിജയ് ശങ്കര്, ഷെയ്ക് റഷീദ് എന്നിവരെയും നിലനിര്ത്തിയില്ല. കഴിഞ്ഞ സീസണില് ടീമിനൊപ്പമുണ്ടായിരുന്ന രവിചന്ദ്രന് അശ്വിന് ഐപിഎല്ലില് റിട്ടയര് ചെയ്തതിനാല് റിട്ടന്ഷന് ലിസ്റ്റില് നിന്ന് ഒഴിവായി.
സെഞ്ചുറിയടിച്ച് റുതുരാജ്; ഇന്ത്യന് എ ടീമിന് തകര്പ്പന് വിജയം
റിലീസ് ചെയ്ത കളിക്കാര്
റിലീസ് ചെയ്ത കളിക്കാര്
രവീന്ദ്ര ജഡേജ (ആര്ആറിലേക്ക് ട്രേഡ് ചെയ്തു), സാം കുറാന് (ആര്ആറിലേക്ക് ട്രേഡ് ചെയ്തു), ഡെവണ് കോണ്വേ, രാഹുല് ത്രിപാഠി, രച്ചിന് രവീന്ദ്ര, ദീപക് ഹൂഡ, വിജയ് ശങ്കര്, ജാമി ഓവര്ട്ടണ്, മതീഷ പതിരണ, രവിചന്ദ്രന് അശ്വിന് (റിട്ട.), ഷെയ്ക് റഷീദ്.
സിഎസ്കെ നിലനിര്ത്തിയ കളിക്കാര്
ആന്ദ്രേ സിദ്ധാര്ത്ഥ്, ആയുഷ് മാത്രേ, ഡെവാള്ഡ് ബ്രെവിസ്, രാമകൃഷ്ണ ഘോഷ്, ശിവം ദുബെ, എംഎസ് ധോണി (വിക്കറ്റ് കീപ്പര്), ഉര്വില് പട്ടേല് (വിക്കറ്റ് കീപ്പര്), അന്ഷുല് കംബോജ്, ഖലീല് അഹമ്മദ്, മുകേഷ് ചൗധരി, നഥാന് എല്ലിസ്, നൂര് അഹമ്മദ്, ശ്രേയസ് ഗോപാല്. ട്രേഡ്- സഞ്ജു സാംസണ് (ആര്ആര്).
IPL 2026: സഞ്ജു-ജഡേജ പ്ലെയര് ട്രേഡിന് പിന്നില് മറ്റൊരു സൂപ്പര് താരം; വിരമിക്കലിന് തൊട്ടുമുമ്പുള്ള സുപ്രധാന നീക്കം, ക്യാപ്റ്റന്സി ഉറപ്പെന്ന് കൈഫ്ഐപിഎല് നിലനിര്ത്തല് സമയപരിധി ഇന്ന് (നവംബര് 15 ശനി) ഇന്ത്യന് സമയം വൈകുന്നേരം 5 മണിക്ക് അവസാനിച്ചു. റിലീസുകളുടെയും നിലനിര്ത്തലുകളുടെയും കാര്യത്തില് വലിയ മാറ്റങ്ങള്ക്ക് വിധേയമാവുന്ന സിഎസ്കെയുടെ താരങ്ങളെ അറിയാന് ആകാംക്ഷയോടെ കാത്തിരിക്കുകയായിരുന്നു ആരാധകര്.
സിഎസ്കെയക്ക് ഐപിഎല്ലിലെ ഏറ്റവും മേശം സീസണ് ആയിരുന്നു 2025. അതിനാല് ചില അഴിച്ചുപണികള് പ്രതീക്ഷിച്ചിരുന്നു. ടോപ് ഓര്ഡര് ബാറ്റിങ് ശക്തിപ്പെടുത്തുന്നതിന് സഞ്ജു സാംസണിനെ ട്രേഡ് ചെയ്തു. ഇതിനായി ചരിത്രത്തിലെ ഏറ്റവും വലിയ വ്യാപാര കരാറുകളില് ഒപ്പുവച്ചു. സഞ്ജുവിന് പകരം രവീന്ദ്ര ജഡേജയേയും സാം കറനെയും ആര്ആറിന് കൈമാറുകയും ചെയ്തു.
IPL 2026: ആരാധകര് ഹാപ്പി, പക്ഷെ സഞ്ജു സിഎസ്കെയിലെത്തിയത് ഈ മൂന്ന് പേര്ക്ക് ഭീഷണി? കാരണങ്ങള് ഇതാകഴിഞ്ഞ തവണ തീര്ത്തും നിരാശപ്പെടുത്തിയ ശ്രീലങ്കന് സ്പിന്നര് മതീഷ പതിരണയെ സിഎസ്കെ വിട്ടയക്കുമെന്ന് നേരത്തേ പ്രതീക്ഷിച്ചിരുന്നു. രച്ചിന് രവീന്ദ്ര, ഡെവണ് കോണ്വേ തുടങ്ങി 2025ല് നിറംമങ്ങിയ താരങ്ങളില് ഏറെയും ഒഴിവാക്കപ്പെട്ടു.
ആര്ആര് ചോദിച്ചിട്ടും വിട്ടുനല്കാതിരുന്ന ഡെവാള്ഡ് ബ്രെവിസ്, മികച്ച ഫോമിലുള്ള ശിവം ദുബെ, സൂപ്പര് താരം എംഎസ് ധോണി തുടങ്ങിയവര് പുതിയ സീസണിലും സിഎസ്കെയക്ക് വേണ്ടി കളിക്കുമെന്ന് ഉറപ്പായി.
രചയിതാവിനെക്കുറിച്ച്നിഷാദ് അമീന്17 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. നിലവിൽ സമയം മലയാളത്തില് സ്പോർട്സ് ലേഖനങ്ങൾ എഴുതുന്നു.... കൂടുതൽ വായിക്കുക
English (US) ·