IPL 2026: ഡേവിഡ് മില്ലർ ചെയ്തത് തെറ്റ്; അവസാന ഓവറിന് മുമ്പ് തന്നെ പിഴവ് കാട്ടി; ചൂണ്ടിക്കാട്ടി ആകാശ് ചോപ്ര

ഇന്ത്യൻ പ്രീമിയർ ലീഗിന്റെ 2026 സീസണിലെ ആവേശകരമായ മത്സരത്തിൽ ഡൽഹി ക്യാപിറ്റൽസിനെ 1 റൺസിന് ഗുജറാത്ത് ടെെറ്റൻസ് തോൽപ്പിച്ചിരിക്കുകയാണ്. അവസാന ഓവറിലെ അവസാന പന്തിലേക്ക് നീണ്ട ത്രില്ലറിനൊടുവിലാണ് ഡൽഹിയെ ഗുജറാത്ത് തോൽപ്പിച്ചത്. ഡൽഹിയുടെ തോൽവിക്ക് പിന്നാലെ ഡേവിഡ് മില്ലർ കാട്ടിയ വലിയൊരു പിഴവാണ് കൂടുതൽ ചർച്ചാ വിഷയമായത്.അവസാന ഓവറിൽ 2 പന്തിൽ 2 റൺസ് ജയിക്കാൻ വേണ്ടപ്പോൾ ഡേവിഡ് മില്ലർ അഞ്ചാം പന്തിൽ സിംഗിൾ അവസരം ലഭിച്ചിട്ടും അത് മുതലാക്കിയില്ല. അവസാന പന്തിൽ രണ്ട് റൺസ് നേടി ജയിക്കാമെന്ന മില്ലറുടെ കണക്കുകൂട്ടൽ പാളിയപ്പോൾ ഒരു റൺസിന് ഡൽഹി തോറ്റു. ഇപ്പോഴിതാ ഡേവിഡ് മില്ലർ കാട്ടിയത് വലിയ മണ്ടത്തരമാണെന്നും അവസാന ഓവറിന് മുമ്പ് തന്നെ അവൻ പിഴവ് കാട്ടിയെന്നും ചൂണ്ടിക്കാട്ടിയിരിക്കുകയാണ് മുൻ‌ ഇന്ത്യൻ ഓപ്പണറായ ആകാശ് ചോപ്ര.

അവസാന ഓവറിൽ ഡേവിഡ് മില്ലർ വിപ്രജ് നിഗത്തിനെ സ്ട്രെെക്ക് എടുക്കാൻ അനുവദിച്ചതാണ് മണ്ടത്തരമായതെന്നാണ് ആകാശ് ചോപ്ര ചൂണ്ടിക്കാട്ടിയത്. '420 റൺസിനോടടുത്ത് ആകെ ഈ മത്സരത്തിൽ സ്കോർ ചെയ്തു. രണ്ട് ടീമും തമ്മിലുള്ള വ്യത്യാസം 1 റൺസും ഒരു തീരുമാനവും മാത്രമാണ്. അല്ലായിരുന്നെങ്കിൽ മത്സരം മറ്റൊരു തരത്തിൽ ആയേനെ. അവസാന ഓവറിലെ പ്രസിദ്ധിന്റെ ബൗളിങ് അത്രത്തോളം മികച്ചതായിരുന്നില്ല. ആദ്യ പന്ത് തന്നെ ബൗണ്ടറി വഴങ്ങി. പിന്നീട് 106 മീറ്റർ സിക്സർ.

എന്നാൽ അവസാന രണ്ട് പന്തിനെ മനോഹരമായി എറിയാൻ പ്രസിദ്ധിന് സാധിച്ചു. രണ്ട് പന്തിൽ രണ്ട് റൺസ് ജയിക്കാൻ വേണ്ടപ്പോൾ സിംഗിൾ എടുക്കാനുള്ള അവസരം മില്ലർക്ക് മുന്നിലുണ്ടായിരുന്നു. എന്നാൽ ഇത് വേണ്ടെന്നുവെച്ച മില്ലർ എന്തുകൊണ്ടാണ് 19ാം ഓവറിലെ അവസാന പന്തിൽ സിംഗിളെടുത്ത് വിപ്രജിന് സ്ട്രെെക്ക് കെെമാറിയത്. അവസാന പന്തിൽ ജോസ് ബട്ലറുടെ ഗംഭീര ത്രോയിൽ കുൽദീപ് റണ്ണൗട്ടായി. ഗുജറാത്ത് സീസണിലെ ആദ്യ ജയവും നേടി'- ആകാശ് ചോപ്ര പറഞ്ഞു.
IPL 2026: ശുഭ്മാൻ ​ഗില്ലിന്റെ കിടിലൻ തിരിച്ചുവരവ്, ജിടിക്കായി മറ്റൊരു താരവും നേടാത്ത റെക്കോഡ്; എലെെറ്റ് ക്ലബ്ബിലും പേര് ചേർത്തു
ഡേവിഡ് മില്ലർ അവസാന ഓവറിൽ ടീമിനെ ജയിപ്പിക്കാമെന്ന വലിയ പ്രതീക്ഷയിലായിരുന്നു. വെടിക്കെട്ട് പ്രകടനത്തോടെ രണ്ട് പന്തിൽ രണ്ട് റൺസ് എന്ന നിലയിലേക്ക് വിജയലക്ഷ്യത്തെ എത്തിക്കാൻ മില്ലർക്ക് സാധിച്ചിരുന്നു. പക്ഷെ അവസാന പന്തിൽ രണ്ട് റൺസ് നേടാമെന്ന കണക്കുകൂട്ടൽ പാളി. ഇതിനെ പിഴവാണെന്ന് പറയാനാവില്ല.
IPL 2026: വെെഭവ് സൂര്യവംശി മുംബെെ ഇന്ത്യൻസിലേക്കോ? മുൻ സെലക്ടറുടെ എക്സ് പോസ്റ്റിൽ‌ ഞെട്ടി ആരാധകർ; സംഭവം ഇങ്ങനെ
അത്രയും മികച്ച ഫോമിൽ നിൽക്കുന്ന മില്ലറെ സംബന്ധിച്ച് ആ സ്കോർ നേടാൻ സാധിക്കുന്നതായിരുന്നു. ദൗർഭാഗ്യവശാൽ അതിന് സാധിക്കാതെ പോയി എന്നതാണ് എടുത്തു പറയേണ്ടത്. ക്രിക്കറ്റിൽ ഇത്തരം സംഭവങ്ങൾ സ്വാഭാവികമാണ്. ഡേവിഡ് മില്ലർ ഇതിന് മുമ്പ് പല തവണ ഒറ്റക്ക് കളി ജയിപ്പിച്ചിട്ടുള്ള താരമാണ്. അതുകൊണ്ടുതന്നെ ഇത്തരമൊരു തീരുമാനം മില്ലർ എടുത്തതിനെ തെറ്റ് പറയാൻ സാധിക്കില്ല. എന്തായാലും ഭാഗ്യം ഗുജറാത്തിനൊപ്പം നിന്നില്ല. അതുകൊണ്ടുതന്നെ സീസണിലെ ആശ്വാസ ജയം ഗുജറാത്തിന് നേടാനായി.