IPL 2026: ധോണിക്ക് പരിക്കോ? പരിശീലനത്തിന് ശേഷം ക്ഷീണിതനായി, നടക്കാൻ പോലും പ്രയാസപ്പെട്ടു; പ്രായം പ്രശ്നമെന്ന് ആരാധകർ

ഇന്ത്യൻ പ്രീമിയർ ലീഗിന്റെ 2026 സീസൺ ആരംഭിക്കാൻ ഇനി ഏഴ് ദിവസമാണ് ബാക്കിയുള്ളത്. അവസാന ഘട്ട പടയൊരുക്കത്തിലേക്ക് ടീമുകൾ കടന്നിരിക്കുകയാണെന്ന് പറയാം. എല്ലാ ടീമുകളുടേയും പരിശീലന ക്യാംപ് ആവേശകരമായി പുരോഗമിക്കവെ സിഎസ്കെയ്ക്ക് തലവേദന ഉയർത്തി ഒരു പരിക്കിന്റെ റിപ്പോർട്ട് പുറത്തുവരികയാണ്. മുൻ സിഎസ്കെ ക്യാപ്റ്റനും ഇതിഹാസവുമായ എംഎസ് ധോണിക്ക് പരിക്കേറ്റുവെന്നാണ് റിപ്പോർട്ടുള്ളത്. ധോണി പരിശീലനത്തിന് ശേഷം നടന്ന് പോകാൻ പോലും പ്രയാസപ്പെടുന്ന വീഡിയോ വ്യാപകമായി പ്രചരിക്കുകയാണ്. ധോണിക്ക് പരിക്കേറ്റുവെന്നും ഈ സീസണിൽ കളിക്കാൻ സാധിക്കില്ലെന്നുമുള്ള ആശങ്കയാണ് ഇപ്പോൾ ഉയരുന്നത്. എന്നാൽ ഇക്കാര്യത്തിൽ സിഎസ്കെ ഔദ്യോഗികമായി പ്രതികരിച്ചിട്ടില്ല.

ധോണി തന്റെ പരിശീലനത്തിന് ശേഷം തന്റെ കിറ്റുമായി ഗ്രൗണ്ടിൽ നിന്ന് പുറത്തേക്ക് പോകുമ്പോൾ വളരെ ക്ഷീണിതനായാണ് കാണപ്പെട്ടത്. പടിയിൽ നിന്ന് കിറ്റ് മറ്റൊരാൾ ഉയർത്തിക്കൊടുക്കുന്നതും വീഡിയോയിലുണ്ട്. ആരാധകരിലാരോ പകർത്തിയ വീഡിയോയാണ് ഇപ്പോൾ വ്യാപകമായി പ്രചരിക്കുന്നത്. ചെന്നെെ സൂപ്പർ കിങ്സിനെ സംബന്ധിച്ച് ധോണിയുടെ സാന്നിധ്യം വളരെ പ്രധാനപ്പെട്ടതാണ്.

ധോണി മികച്ച രീതിയിൽ പരിശീലനം ചെയ്യുന്നതാണ് കാണാൻ സാധിക്കുന്നത്. നെറ്റ്സിൽ മികച്ച ഷോട്ടുകളടക്കം കളിച്ച് കെെയടി നേടാൻ ധോണിക്ക് സാധിച്ചു. എന്നാൽ പ്രായം ധോണിയെ തളർത്തുന്നുണ്ടെന്നതാണ് വസ്തുത. മികച്ച പ്രകടനം പുറത്തെടുക്കാൻ ഇനി ധോണിക്ക് സാധിക്കുമെന്ന് കരുതാനാവില്ല. ധോണി വിക്കറ്റ് കീപ്പർ റോളിൽ ഇത്തവണ കളിക്കുമെന്നാണ് റിപ്പോർട്ട്.
IPL 2026: ഇന്ത്യൻ ടീമിലെ സുഹൃത്തുക്കൾ, പക്ഷെ ഐപിഎല്ലിൽ തമ്മിലടിച്ചു! സഞ്ജുവിനോടും കൊമ്പുകോർത്തു, ഇത്തവണ ആവർത്തിക്കുമോ?
ബാറ്റിങ്ങിൽ സാഹചര്യം നോക്കി മാത്രമാവും ധോണി കളിക്കുകയെന്ന് വേണം കരുതാൻ. ഇത്തവണ താരസമ്പന്നമായ താരനിര സിഎസ്കെയ്ക്കുണ്ട്. അതുകൊണ്ടുതന്നെ ധോണി ബാറ്റിങ്ങിനിറങ്ങാതിരിക്കുന്നതാണ് നല്ലത്. ധോണിക്ക് പഴയതുപോലെ കാമിയോ കാഴ്ചവെക്കാൻ ഇനി സാധിക്കുമെന്ന് കരുതാനാവില്ല. ധോണിയെ പ്രായം തളർത്തുന്നുണ്ടെന്ന് നിസംശയം പറയാം. പഴയ ഫിറ്റ്നസ് ഇപ്പോൾ ധോണിക്കില്ലെന്ന് അദ്ദേഹത്തിന്റെ ശരീര ഭാഷയിൽത്തന്നെയുണ്ട്.

ഈ സാഹചര്യത്തിൽ ധോണി വിക്കറ്റ് കീപ്പർ റോളിൽ മാത്രം കളിക്കുന്നതാണ് നല്ലത്. ഇംപാക്ട് പ്ലയറായി വിക്കറ്റ് കീപ്പറായി കളിക്കുകയും ബാറ്റിങ്ങിന് പകരം ആരെയെങ്കിലും ഇറക്കുന്നതാണ് സിഎസ്കെയ്ക്ക് ഗുണം ചെയ്യുക. സിഎസ്കെയും ധോണിയും ഇത്തരമൊരു നീക്കം തന്നെയാവും നടത്തുക. ഈ സീസണോടെ ധോണി വിരമിക്കൽ പ്രഖ്യാപിക്കുമെന്ന് ഏറെക്കുറെ ഉറപ്പാണ്.

രോഹിത്തും കോഹ്ലിയും ഏകദിന ലോകകപ്പിനുണ്ടാവില്ലേ? സീറ്റുറപ്പിക്കാതെ ബിസിസിഐ, ഐപിഎല്ലിന് ശേഷം നിർണ്ണായക തീരുമാനം

ധോണി ഈ സീസണിലെ എല്ലാ മത്സരങ്ങളും കളിക്കാൻ സാധ്യത കുറവാണെന്ന് തന്നെ പറയാം. നിലവിലെ ധോണിയുടെ ഫിറ്റ്നസ് നോക്കുമ്പോൾ എല്ലാ മത്സരത്തിലും വിക്കറ്റ് കീപ്പറായി കളിക്കുകയെന്നതും ധോണിയെ സംബന്ധിച്ച് പ്രയാസമാണ്. സഞ്ജു സാംസൺ‌, ഉർവിൽ പട്ടേൽ എന്നിവരെല്ലാം സിഎസ്കെയുടെ വിക്കറ്റ് കീപ്പർ റോളിൽ കളിക്കാനുണ്ട്.

അതുകൊണ്ടുതന്നെ ധോണിയുടെ അഭാവം ടീമിന്റെ പ്രകടനത്തെ ബാധിക്കാൻ സാധ്യതയില്ല. ധോണി ടീമിന് ആത്മവിശ്വാസം നൽകി ടീമിന് ഒപ്പം ഉണ്ടാകുമെന്ന കാര്യം ഉറപ്പാണ്. വിരമിച്ചാലും പരിശീലക റോളിൽ സിഎസ്കെയിൽ തുടരുമെന്ന കാര്യം നേരത്തെ തന്നെ ധോണി വ്യക്തമാക്കിയിട്ടുള്ളതാണ്. എന്തായാലും ധോണിയുടേയും സിഎസ്കെയുടേയും നീക്കങ്ങൾ എങ്ങനെയാവുമെന്നത് കാത്തിരുന്ന് കാണാം.