IPL 2026: ഫിറ്റ്നസ് വീണ്ടെടുത്ത് എംഎസ് ധോണി, ഹെെദരാബാദിനെതിരേ കളിച്ചേക്കും; സഞ്ജുവിന് കീപ്പർ സ്ഥാനം നഷ്ടമായേക്കും

ഇന്ത്യൻ പ്രീമിയർ ലീഗിന്റെ 2026 സീസൺ പുരോഗമിക്കവെ സിഎസ്കെ ആരാധകർക്ക് സന്തോഷ വാർത്ത. മുൻ നായകനും സൂപ്പർ താരവുമായ എംഎസ് ധോണി ഫിറ്റ്നസ് വീണ്ടെടുത്തുവെന്ന റിപ്പോർട്ടാണ് മഞ്ഞപ്പടക്ക് കരുത്താവുന്നത്. ലഭിക്കുന്ന റിപ്പോർട്ട് പ്രകാരം സൺറെെസേഴ്സ് ഹെെദാരാബദിനെതിരേ ശനിയാഴ്ച നടക്കുന്ന മത്സരത്തിൽ കളിക്കാൻ ധോണിക്ക് സാധിക്കും.എന്നാൽ ഇക്കാര്യത്തിൽ അന്തിമ തീരുമാനം നാളെയാവും തീരുമാനിക്കുക. ഇപ്പോൾ ധോണിക്ക് പൂർണ്ണ ഫിറ്റ്നസ് നേടാനായിട്ടുണ്ടെങ്കിലും ടീമിന്റെ മറ്റ് അന്തിമ തീരുമാനമാണ് കണ്ടറിയേണ്ടത്. ഇക്കാര്യത്തിൽ ടീം മാനേജ്മെന്റിന്റെ തീരുമാനത്തേക്കാൾ ധോണിയുടെ തീരുമാനമാണ് നിർണ്ണായകം. ശനിയാഴ്ച ഹെെദരാബാദിനെതിരേ കളിക്കാൻ ധോണി തയ്യാറാവുമോയെന്നതാണ് കണ്ടറിയേണ്ടത്.

കൊൽക്കത്ത നെെറ്റ് റെെഡേഴ്സിനെതിരായ അവസാന മത്സരത്തിൽ ധോണി കളിക്കുമെന്ന റിപ്പോർട്ടുണ്ടായിരുന്നെങ്കിലും അദ്ദേഹം കളിച്ചിരുന്നില്ല. എന്നാൽ ഹെെദരാബാദിനെതിരേ ധോണി തിരിച്ചെത്താനാണ് സാധ്യത കൂടുതൽ. പക്ഷെ ധോണി മടങ്ങിയെത്തുമ്പോൾ ആരെ പുറത്തിരുത്തുമെന്നതാണ് പ്രധാനപ്പെട്ട ചോദ്യം. മൂന്ന് മത്സരങ്ങളിൽ തുടർച്ചയായി തോറ്റ ശേഷം സിഎസ്കെ ഇപ്പോൾ വിജയ വഴിയിലേക്ക് എത്തിയിട്ടുണ്ട്.

അവസാനം കളിച്ച രണ്ട് മത്സരത്തിലും ജയിക്കാൻ സിഎസ്കെയ്ക്ക് സാധിച്ചു. ഈ സാഹചര്യത്തിൽ ധോണിയെ ടീമിലേക്ക് കൊണ്ടുവരുന്നത് സിഎസ്കെയ്ക്ക് എത്രത്തോളം ഗുണം ചെയ്യുമെന്നതാണ് കണ്ടറിയേണ്ടത്. ഓപ്പണിങ്ങിൽ സഞ്ജു സാംസണും ക്യാപ്റ്റൻ റുതുരാജ് ഗെയ്ക് വാദും കളിക്കുമ്പോൾ മൂന്നാം നമ്പറിൽ ആയുഷ് മാത്രെയും നാലാം നമ്പറിൽ ഡെവാൾഡ് ബ്രെവിസും അഞ്ചാം നമ്പറിൽ സർഫറാസ് ഖാനും ആറാം നമ്പറിൽ ശിവം ദുബെയും കളിക്കുമ്പോൾ ഏഴാം നമ്പറിൽ ജാമി ഓവർട്ടനും കളിക്കുന്നു.
IPL 2026: ഫിഫ്റ്റിക്ക് രണ്ട് റൺസകലെ സഞ്ജു പുറത്ത്, കാർത്തിക് ത്യാ​ഗി കുടുക്കിയത് എങ്ങനെ? ഫലം കണ്ട തന്ത്രം ഇതാണ്
പേസ് ഓൾറൗണ്ടറെന്ന നിലയിൽ ജാമി ഓവർട്ടനെ പുറത്തിരുത്താൻ സാധിക്കില്ല. അങ്ങനെ വരുമ്പോൾ സിഎസ്കെ ആരെ പുറത്തിരുത്തുമെന്നതാണ് കാത്തിരുന്ന് കാണേണ്ടത്. നിലവിലെ സാധ്യത പ്രകാരം സർഫറാസ് ഖാനെയാവും സിഎസ്കെ പുറത്തിരുത്തുക. വലിയ ഇംപാക്ട് സൃഷ്ടിക്കുന്നില്ലെങ്കിലും മധ്യനിരയിൽ നിർണ്ണായക പ്രകടനം നടത്താൻ സർഫറാസിന് സാധിക്കുന്നുണ്ട്. ഫീൽഡറെന്ന നിലയിലും സർഫറാസ് മികവ് കാട്ടുന്നു.

ധോണി പ്ലേയിങ് 11ലേക്ക് തിരിച്ചെത്തിയാൽ സഞ്ജു സാംസണ് വിക്കറ്റ് കീപ്പർ റോളിൽ നിന്ന് മാറിക്കൊടുക്കേണ്ടതായി വരും. ധോണിയുടെ സാന്നിധ്യം സിഎസ്കെ ക്യാപ്റ്റൻ റുതുരാജ് ഗെയ്ക് വാദിന് വലിയ ആത്മവിശ്വാസം നൽകുന്ന കാര്യമാണ്. എന്നാൽ ധോണി സിഎസ്കെയുടെ പ്ലേയിങ് 11ലേക്കെത്തുമ്പോൾ എത്രത്തോളം ബാറ്റിങ് മികവ് കാട്ടാൻ സാധിക്കുമെന്നതാണ് കണ്ടറിയേണ്ടത്.

IPL 2026: ഓപ്പണിങ്ങിൽ തിളങ്ങാനാവാതെ റുതുരാജ്, വീണ്ടും ഫ്ളോപ്പായി; റോൾ മാറേണ്ടത് അത്യാവശ്യം, കണക്കുകൾ നിരാശപ്പെടുത്തും

കഴിഞ്ഞ സീസണിലെപ്പോലെ ആരാധകരെ ആവേശത്തിലാക്കാൻ മാത്രമായാണ് ധോണി കളത്തിലേക്കെത്തുന്നതെങ്കിൽ അത് ടീമിന് തിരിച്ചടിയായി മാറാനാണ് സാധ്യത. ധോണി കളിക്കാനെത്തുന്നത് ആരാധകരുടെ ആവേശം ഉയർത്തുമെന്നുറപ്പാണെങ്കിലും ടീമിന്റെ വിജയത്തിനെ ഇത് എത്രമാത്രം സ്വാധീനിക്കുമെന്നതാണ് കണ്ടറിയേണ്ടത്.

സിഎസ്കെയുടെ ബൗളിങ് നിര താളം കണ്ടെത്തിയതാണ് ടീം തിരിച്ചുവരവ് നടത്താൻ കാരണമായത്. വരുന്ന മത്സരങ്ങളിലും ബൗളർമാർ ഇതേ മികവ് തുടരേണ്ടത് സിഎസ്കെയെ സംബന്ധിച്ച് വളരെ പ്രധാനപ്പെട്ട കാര്യമാണ്. എന്തായാലും സിഎസ്കെ വിജയം തുടരുമെന്നും ധോണി കസറുമെന്നും പ്രതീക്ഷിക്കുകയാണ് ആരാധകർ.