IPL 2026: മുംബെെ ഇന്ന് കെകെആറിനെതിരേ, ഹിറ്റ്മാനെ കാത്ത് അഞ്ച് വമ്പൻ റെക്കോഡുകൾ, ദെെവത്തിന്റെ പോരാളികൾ തോറ്റ് തുടങ്ങുമോ?

ഇന്ത്യൻ പ്രീമിയർ ലീഗിന്റെ 19ാം സീസണിലെ രണ്ടാം മത്സരത്തിൽ മുംബെെ ഇന്ത്യൻസ് ഇന്ന് കൊൽക്കത്ത നെെറ്റ് റെെഡേഴ്സിനെ നേരിടാൻ പോവുകയാണ്. അഞ്ച് തവണ ചാമ്പ്യന്മാരായ മുംബെെയും മൂന്ന് തവണ ചാമ്പ്യന്മാരായ കെകെആറും നേർത്തുനേർ എത്തുമ്പോൾ മികച്ചൊരു പോരാട്ടം പ്രതീക്ഷിക്കാം. മുംബെെയുടെ ഹോം ഗ്രൗണ്ടായ വാംഖഡെ സ്റ്റേഡിയത്തിലാണ് നിർണ്ണായക പോരാട്ടം നടക്കുന്നത്.മുംബെെ തോറ്റ് തുടങ്ങുന്ന നിരയാണെന്നാണ് കഴിഞ്ഞ കുറച്ച് സീസണുകളിലായുള്ള പ്രകടനം വിലയിരുത്തുമ്പോൾ വ്യക്തമാകുന്നത്. ഇത്തവണയും ആ ചരിത്രം ആവർത്തിക്കുമെന്ന് തന്നെയാണ് പ്രതീക്ഷിക്കപ്പെടുന്നത്. എന്തായാലും മുംബെെ ഇന്ത്യൻസ് മുൻ നായകനും സൂപ്പർ താരവുമായ രോഹിത് ശർമ ഇത്തവണത്തെ ഐപിഎല്ലിലൂടെ ചില വമ്പൻ റെക്കോഡുകൾ നോട്ടമിടുന്നുണ്ട്. ഇത് എന്തൊക്കെയാണെന്ന് പരിശോധിക്കാം.

ഒന്നാമത്തെ റെക്കോഡ് കാത്തിരിക്കുന്നത് സിക്സറിലാണ്. ഐപിഎല്ലിൽ 350 സിക്സർ നേടുന്ന രണ്ടാമത്തെ താരമെന്ന നേട്ടത്തിലേക്കെത്താൻ രോഹിത്തിന് മുന്നിൽ അവസരമുണ്ട്. 267 ഇന്നിങ്സ് ബാറ്റ് ചെയ്ത രോഹിത്ത് 302 സിക്സുകളാണ് ഇതുവരെ നേടിയത്. 48 സിക്സുകൾ കൂടി നേടിയാൽ ചരിത്ര റെക്കോഡിലെ രണ്ടാമനാവാൻ രോഹിത്തിനാവും. കെകെആറിനെതിരായ മത്സരത്തിലൂടെ ഈ കുതിപ്പ് തുടങ്ങാൻ രോഹിത്തിന് സാധിക്കുമെന്ന് തന്നെയാണ് കരുതപ്പെടുന്നത്.

ഐപിഎല്ലിൽ 7500 റൺസ് ക്ലബ്ബിലേക്കെത്തുന്ന രണ്ടാമത്തെ താരമാകാനുള്ള അവസരവും രോഹിത്തിന് മുന്നിലുണ്ട്. 7046 റൺസാണ് നിലവിൽ രോഹിത്തിന്റെ സമ്പാദ്യം. 454 റൺസ് നേടിയാൽ ഈ ക്ലബ്ബിലേക്കെത്താൻ രോഹിത്തിന് സാധിക്കും. 8661 റൺസുമായി വിരാട് കോഹ്ലിയാണ് മുന്നിലുള്ളത്. ആദ്യ മത്സരത്തിൽ സൺറെെസേഴ്സ് ഹെെദരാബാദിനെതിരേ കിടിലൻ അർധ സെഞ്ചുറിയോടെ തുടങ്ങാൻ കോഹ്ലിക്ക് സാധിച്ചിട്ടുണ്ട്.
IPL 2026: ആറ് തവണയും ജയിച്ചു, പക്ഷെ ഇത്തവണ ഹെെദരാബാദ് തോറ്റു; വില്ലനായത് ഇഷാന്റെ ക്യാപ്റ്റൻസിയോ? ഈ പിഴവുകൾ തിരിച്ചടിയായി
ഐപിഎല്ലിൽ 50 അർധ സെഞ്ചുറികൾ എന്ന നേട്ടവും രോഹിത്തിനെ കാത്തിരിക്കുന്നു. നിലവിൽ 49 ഫിഫ്റ്റികളാണ് രോഹിത് ഐപിഎല്ലിൽ നേടിയിട്ടുള്ളത്. മൂന്ന് താരങ്ങളാണ് ഈ റെക്കോഡിൽ രോഹിത്തിന് മുന്നിലുള്ളത്. വിരാട് കോഹ്ലി 63 ഫിഫ്റ്റികളോടെ തലപ്പത്ത് നിൽക്കുമ്പോൾ ഡേവിഡ് വാർണർ 62 ഫിഫ്റ്റികളും ശിഖർ ധവാൻ 51 ഫിഫ്റ്റികളും നേടി രണ്ടും മൂന്ന് സ്ഥാനങ്ങളിലാണുള്ളത്.

ഐപിഎല്ലിലെ ബൗണ്ടറികളിലും രോഹിത്തിനെ കാത്ത് റെക്കോഡുണ്ട്. 700 ബൗണ്ടറികൾ നേടുന്ന മൂന്നാമത്തെ താരമെന്ന നേട്ടമാണ് രോഹിത്തിനെ കാത്തിരിക്കുന്നത്. 771 ബൗണ്ടറികളാണ് വിരാട് കോഹ്ലിയാണ് ഈ റെക്കോഡിൽ തലപ്പത്തുള്ളത്. 768 ബൗണ്ടറികളോടെ ശിഖർ ധവാൻ രണ്ടാം സ്ഥാനത്തുണ്ട്. 640 ബൗണ്ടറികളാണ് നിലവിൽ രോഹിത്തിന്റെ പേരിലുള്ളത്. നെറ്റ്സിൽ മികച്ച പ്രകടനം നടത്തിയ രോഹിത് വലിയ പ്രതീക്ഷയാണ് നൽകുന്നത്.
IPL 2026: ഇത് ശക്തിമാനോ സൂപ്പർമാനോ? പറക്കും ക്യാച്ചുമായി ഫിൽ സാൾട്ട്; ഒന്നല്ല രണ്ടെണ്ണം, വണ്ടറടിച്ച് ആരാധകർ
ഒരു ടീമിനായി 6000 റൺസ് നേടുന്ന താരമെന്ന നേട്ടവും രോഹിത്തിനെ കാത്തിരിക്കുകയാണ്. മുൻ ഡക്കാൻ ചാർജേഴ്സ് താരമായ രോഹിത് മുംബെെ ഇന്ത്യൻസിലേക്കെത്തിയതോടെയാണ് തലവര മാറിയത്. 5876 റൺസാണ് മുംബെെക്കൊപ്പം രോഹിത് നേടിയത്. 124 റൺസ് നേടിയാൽ മുംബെെക്കൊപ്പം 6000 റൺസ് എന്ന നേട്ടത്തിലെത്താൻ രോഹിത്തിന് സാധിക്കും. ആർസിബിക്കായി 8661 റൺസ് നേടിയ വിരാട് കോഹ്ലിയാണ് ഈ റെക്കോഡിലും തലപ്പത്തുള്ളത്.