1 week ago
2
ഐപിഎല് ആവേശത്തിനായി കാത്തിരിക്കുകയാണ് ക്രിക്കറ്റ് ആരാധകര്. മാര്ച്ച് 28നാണ് ഐപിഎല് തുടങ്ങുന്നത്. പുതിയ സീസണില് കിരീടം ലക്ഷ്യമിട്ടാണ് ടീമുകളെല്ലാം എത്തുന്നത്. മുംബെെ ഇന്ത്യന്സും ഇക്കുറി കപ്പിനായി കടുത്ത പോരാട്ടം കാഴ്ച്ച വെക്കുമെന്ന് ഉറപ്പാണ്. മുംബെെ ഇന്ത്യന്സിനായി കളത്തിലിറങ്ങുന്ന വിദേശ താരങ്ങള് ആരൊക്കെയായിരിക്കും? മുന് മുംബെെ താരമായ ഹര്ഭജന് സിങ് പ്രവചിക്കുന്നത് ഇങ്ങനെയാണ്.
ഹൈലൈറ്റ്:
- കിരീടം ലക്ഷ്യമിട്ടാണ് മുംബെെ ഇന്ത്യന്സ് എത്തുന്നത്
- പ്ലെയിങ് ഇലവനിലെ വിദേശ താരങ്ങളെ പ്രവചിച്ച് ഹര്ഭജന്
- ഐപിഎല്ലില് മുംബെെ ഇന്ത്യന്സ് താരമായിരുന്നു അദ്ദേഹം
മുംബെെ ഇന്ത്യന്സ്(ഫോട്ടോസ്- Getty Images)
IPL 2026: ഹെെദരാബാദിൽ ഹെഡ്, സിഎസ്കെയിലോ? ഈ സീസണിലെ ഓരോ ടീമിലേയും സിക്സർ വേട്ടക്കാരിലെ ഒന്നാമനെ പ്രവചിക്കാംബോളര്മാരുടെ കാര്യമെടുത്താല് ട്രെന്റ് ബോള്ട്ട്, അല്ലാഹ് ഗസന്ഫര് എന്നിവര് കളിക്കുമെന്നാണ് ഹര്ഭജന് പറയുന്നത്. നാലാമത്തെ താരത്തിന്റെ കാര്യത്തില് ഹര്ഭജന് ഉറപ്പു പറയുന്നില്ല. വില് ജാക്സ് അല്ലെങ്കില് ഷെര്ഫെയ്ന് റൂതര്ഫോര്ഡ് എന്നിവരില് ആരെങ്കിലും ഒരാളായിരിക്കും നാലാമത്തെ ഓപ്ഷനെന്നാണ് ഹര്ഭജന് സിങ്ങിന്റെ അഭിപ്രായം.
റൂതര്ഫോര്ഡിനെ കളിപ്പിക്കണോ അതോ വില് ജാക്ക്സിനെ കളിപ്പിക്കണോ എന്നത് മൈതാനത്തിന്റെ സ്വഭാവം കണക്കിലെടുത്താണ് തീരുമാനിക്കേണ്ടതെന്ന് ഹര്ഭജന് അഭിപ്രായപ്പെടുന്നു. ഉദാഹരണത്തിന് ചെന്നെെ പോലുള്ള മൈതാനങ്ങളിലാണ് കളിയെങ്കില് വില് ജാക്ക്സിനെ കളിപ്പിക്കാനാണ് ഹര്ഭജന് താല്പ്പര്യപ്പെടുന്നത്. വില് ജാക്ക്സിന് കുറച്ച് ഓവറുകള് പന്തെറിയാന് കഴിയും എന്നതാണ് ഇതിന് കാരണമായി ഹര്ഭജന് ചൂണ്ടിക്കാട്ടുന്നത്.
സിഎസ്കെയിൽ ധോണിയുടെ പവർ എന്താണെന്ന് പറഞ്ഞ് ബദരീനാഥ്
ഇക്കൂട്ടത്തില് വില് ജാക്ക്സ് കഴിഞ്ഞ സീസണില് മുംബെെ ഇന്ത്യന്സിലുണ്ടായിരുന്ന താരമാണ്. റൂതര്ഫോര്ഡിനെ ഗുജറാത്ത് ടൈറ്റന്സില് നിന്നാണ് മുംബെെ ട്രേഡിലൂടെ ടീമിലെത്തിച്ചത്. ഇപ്പോള് പറഞ്ഞവരല്ലാതെ മുംബെെ ഇന്ത്യന്സിലുള്ള വിദേശ താരങള് കോര്ബിന് ബോഷ്, മിച്ചല് സാന്റ്നര് എന്നിവരാണ്. ഇവര് രണ്ട് പേരും കളിക്കാന് അധികം സാധ്യതയില്ലെന്നാണ് ഹര്ഭജന് സിങ്ങിന്റെ അഭിപ്രായം.
മുംബെെ ഇന്ത്യന്സ് നായകന് ഹാര്ദിക് പാണ്ഡ്യക്ക് ചില ഉപദേശവും ഹര്ഭജന് സിങ് നല്കുന്നുണ്ട്. ഹാര്ദിക് ടി20 ലോകകപ്പില് കാഴ്ച്ച വെച്ചത് പോലെ മികച്ച പ്രകടനം നടത്തണം. നായകനെപ്പോലെ മുന്നില് നിന്ന് നയിക്കാന് ഹാര്ദിക് പാണ്ഡ്യക്ക് കഴിയണമെന്നും അങ്ങനെ സംഭവിച്ചാല് ബാക്കി താരങ്ങളെല്ലാം അത് പിന്തുടരുമെന്നുമാണ് ഹര്ഭജന് സിങ് പറഞ്ഞത്. നേരത്തെ മുംബെെ ഇന്ത്യന്സ് നിരയില് നിര്ണായക സാന്നിധ്യമായിരുന്ന താരമാണ് ഹര്ഭജന്. 
IPL 2026: ഐപിഎല്ലില് സിക്സടിച്ച് കൂട്ടുക സഞ്ജുവല്ല, അത് മറ്റൊരു താരം; മുന് സിഎസ്കെ താരത്തിന്റെ പ്രവചനം ഇങ്ങനെ
കഴിഞ്ഞ സീസണ് ഐപിഎല്ലില് നാലാം സ്ഥാനത്താണ് മുംബെെ ഇന്ത്യന്സ് ഫിനിഷ് ചെയ്തത്. എലിമിനേറ്ററില് ഗുജറാത്ത് ടൈറ്റന്സിനെ തോല്പിച്ച മുംബെെ ഇന്ത്യന്സ്, പക്ഷേ രണ്ടാം ക്വാളിഫയറില് പഞ്ചാബ് കിങ്സിനോട് പരാജയപ്പെടുകയായിരുന്നു. മാര്ച്ച് 29ന് കൊല്ക്കത്ത നൈറ്റ് റൈഡേഴ്സിനെതിരെയാണ് മുംബെെ ഇന്ത്യന്സിന്റെ ഈ സീസണിലെ ആദ്യ മത്സരം. മുംബെെ വാംഖഡെ സ്റ്റേഡിയത്തില് വെച്ചാണ് ഈ മത്സരം നടക്കുക.
രചയിതാവിനെക്കുറിച്ച്സൈഫുദ്ധീൻ ടി എംസമയം മലയാളത്തില് സീനിയര് ഡിജിറ്റല് കണ്ടന്റ് പ്രൊഡ്യൂസറാണ് സൈഫുദ്ധീന് ടി എം. കാലിക്കറ്റ് യൂണിവേഴ്സിറ്റിയിൽ നിന്ന് ഫങ്ഷണല് ഇംഗ്ലീഷില് ബിരുദവും ജേണലിസത്തില് ബിരുദാനന്തര ബിരുദവും പൂര്ത്തിയാക്കി. സുപ്രഭാതം ദിനപത്രത്തില് ട്രൈനിയായി മാധ്യമപ്രവര്ത്തനം ആരംഭിച്ചു. സ്പോര്ട്സ് മലയാളം ഓണ്ലൈന് പോര്ട്ടലില് സബ് എഡിറ്ററായി ജോലി ചെയ്തു. പിന്നീട് ബൈറ്റ്ഡാന്സ്, ടൈംസ് ഇന്റര്നെറ്റ്, ഷെയര്ചാറ്റ് തുടങ്ങിയ സ്ഥാപനങ്ങളിലെ കണ്ടന്റ് ഓപ്പറേഷന് ഡിപ്പാര്ട്ട്മെന്റുകളില് പ്രവര്ത്തിച്ചു. ഹ്യൂമര്, ടെക്നോളജി, ഓട്ടോമൊബൈല്, ഗെയിമിങ് തുടങ്ങിയ മേഖലകള് കൈകാര്യം ചെയ്തു. 2024 മുതല് ടൈംസ് ഇന്റര്നെറ്റില് നിന്നുള്ള സമയം മലയാളത്തിന്റെ ഭാഗമായി. ഗള്ഫ്, വിദേശം, കായികം, തുടങ്ങിയ മേഖലകളില് ലേഖനങ്ങള് എഴുതുന്നതിനൊപ്പം വീഡിയോ അവതരിപ്പിക്കുകയും ചെയ്യുന്നു.... കൂടുതൽ വായിക്കുക
English (US) ·