​IPL 2026: രഘുവംശിക്ക് സെഞ്ചുറി, വരുണിനെ തല്ലിക്കൂട്ടി; മികവ് കാട്ടാതെ രഹാനെ, കെകെആർ ഇൻഡ്രാ സ്ക്വാഡ് പോരാട്ടത്തിൽ റൺമല

ഇന്ത്യൻ പ്രീമിയർ ലീഗിന്റെ 2026 സീസൺ ആരംഭിക്കാൻ പോവുകയാണ്. ഇതിന് മുന്നോടിയായുള്ള പടയൊരുക്കങ്ങളിലേക്ക് ടീമുകൾ കടന്ന് കഴിഞ്ഞു. ഇപ്പോൾ ഇൻഡ്രാ സ്ക്വാഡ് മത്സരങ്ങൾ നടത്തുകയാണ്. മൂന്ന് തവണ ചാമ്പ്യന്മാരായ കൊൽക്കത്ത നെെറ്റ് റെെഡേഴ്സിന്റെ ഇൻഡ്രാ സ്ക്വാഡ് മത്സരത്തിൽ തകർപ്പൻ പ്രകടനത്തോടെ താരങ്ങൾ തിളങ്ങിയിരിക്കുകയാണ്.ഇത്തവണ ശക്തമായ തിരിച്ചുവരവ് നടത്താൻ പദ്ധതിയിടുന്ന അജിൻക്യ രഹാനെയും സംഘവും കിടിലൻ പ്രകടനത്തോടെയാണ് പ്രതീക്ഷ നിലനിർ‌ത്തിയത്. അൻകൃഷ് രഘുവംശി സെഞ്ചുറിയോടെ തിളങ്ങിയെന്നതാണ് എടുത്തു പറയേണ്ടത്. ഗോൾഡൻ നെെറ്റ്സ്, പർപ്പിൾ നെെറ്റ്സ് എന്നിങ്ങനെ രണ്ട് ടീമുകളായി തിരിഞ്ഞാണ് കെകെആർ മത്സരിച്ചത്.

പർപ്പിൾ നെെറ്റ്സിനെ കെകെആർ നായകനായ അജിൻക്യ രഹാനെയും ഗോൾഡൻ നെെറ്റ്സിനെ റിങ്കു സിങ്ങുമാണ് നയിച്ചത്. ഗോൾഡൻ നെെറ്റ്സ് മുന്നോട്ടുവെച്ച 219 റൺസ് വിജയലക്ഷ്യത്തെ പർപ്പിൾ നെെറ്റ്സ് നാല് വിക്കറ്റ് നഷ്ടത്തിൽ മറികടന്നു എന്നതാണ് എടുത്തു പറയേണ്ടത്. രഘുവംശി പർപ്പിൾ ടീമിനായി മൂന്നാം നമ്പറിലാണ് ബാറ്റ് ചെയ്യാനെത്തിയത്. 55 പന്തിൽ 103 റൺസാണ് രഘുവംശി നേടിയത്. 9 ഫോറും 5 സിക്സും ഉൾപ്പെടെയാണ് രഘുവംശി ഈഡ‍ൻ ഗാർഡൻസിൽ കത്തിക്കയറിയത്.

കെകെആർ നായകൻ അജിൻക്യ രഹാനെക്ക് മികവ് കാട്ടാൻ സാധിച്ചില്ല. ഓപ്പണറായി ഇറങ്ങിയ രഹാനെ നാല് പന്തിൽ 2 റൺസാണ് നേടിയത്. ഫിൻ അലൻ 11 പന്തിൽ 23 റൺസെടുത്ത് പുറത്തായി. സീനിയർ താരം മനീഷ് പാണ്ഡെ 11 റൺസെടുത്ത് പുറത്തായി. രമൺദീപ് സിങ് 18 പന്തിൽ 20 റൺസ് നേടിയപ്പോൾ അനുകുൽ റോയിക്ക് 17 പന്തിൽ 28 റൺസാണ് സ്വന്തമാക്കാനായത്.
IPL 2026: ഇന്ത്യൻ ടീമിലെ സുഹൃത്തുക്കൾ, പക്ഷെ ഐപിഎല്ലിൽ തമ്മിലടിച്ചു! സഞ്ജുവിനോടും കൊമ്പുകോർത്തു, ഇത്തവണ ആവർത്തിക്കുമോ?
ബൗളർമാരുടെ പ്രകടനം കെകെആറിന് ആശങ്കയുണ്ടാക്കുന്നതാണ്. കെകെആറിന്റെ സ്റ്റാർ സ്പിന്നർ വരുൺ ചക്രവർത്തിക്ക് കാര്യമായ പ്രകടനം നടത്താൻ സാധിച്ചില്ല. മൂന്ന് ഓവറിൽ 37 റൺസാണ് വരുൺ വിട്ടുകൊടുത്തത്. 12.33 എന്ന മോശം ഇക്കോണമിയിലാണ് താരം പന്തെറിഞ്ഞത്. ടി20 ലോകകപ്പിലും വരുണിന്റെ ഇക്കോണമി വളരെ മോശമായിരുന്നു. ഇത്തവണ വരുൺ മോശം പ്രകടനം നടത്തിയാൽ കെകെആറിനെ അത് പ്രതികൂലമായി ബാധിക്കാൻ സാധ്യത കൂടുതലാണ്.

യുവ പേസ് ബൗളർ കാർത്തിക് ത്യാഗി ഭേദപ്പെട്ട പ്രകടനം കാഴ്ചവെച്ചു. നാല് ഓവറിൽ 30 റൺസ് വിട്ടുകൊടുത്ത് മൂന്ന് വിക്കറ്റുകളാണ് ത്യാഗി വീഴ്ത്തിയത്. വെെഭവ് അറോറ രണ്ട് വിക്കറ്റുകളും നേടി. ഹർഷിത് റാണയുടെ അഭാവം ഇത്തവണ കെകെആറിനുണ്ട്. സ്റ്റാർ പേസർക്ക് പരിക്കിനെത്തുടർന്നാണ് ഈ സീസൺ നഷ്ടമാകുന്നത്. ഇത് കെകെആറിനെ പ്രതികൂലമായി ബാധിക്കാൻ സാധ്യതകളേറെയാണ്.

രോഹിത്തും കോഹ്ലിയും ഏകദിന ലോകകപ്പിനുണ്ടാവില്ലേ? സീറ്റുറപ്പിക്കാതെ ബിസിസിഐ, ഐപിഎല്ലിന് ശേഷം നിർണ്ണായക തീരുമാനം

സിംബാബ് വെക്കാരൻ ബ്ലെസിങ് മുസറാബാനി ഒരു വിക്കറ്റ് നേടി. സർത്തക് രഞ്ജൻ 16 പന്തിൽ 37 റൺസ് നേടി. ഇത്തവണത്തെ സീസണിൽ‌ തകർപ്പൻ തിരിച്ചുവരവാണ് കെകെആർ ആഗ്രഹിക്കുന്നത്. ബാറ്റിങ്ങിലും ബൗളിങ്ങിലും ഭേദപ്പെട്ട താരനിരയാണ് കെകെആറിനുള്ളത്. എന്നാൽ ഇവരിൽ ആരൊക്കെ ഫോമിലേക്കെത്തുമെന്നതാണ് കാത്തിരുന്ന് കണ്ടറിയേണ്ടത്.