IPL 2026: രാജസ്ഥാനെതിരേ ആദ്യമായി കളിക്കുന്നു, പക്ഷെ വെെകാരിക പ്രശ്നമില്ല; കാരണം വെളിപ്പെടുത്തി സഞ്ജു സാംസൺ

ഇന്ത്യൻ പ്രീമിയർ ലീഗിന്റെ 2026 സീസൺ ഈ മാസം 28ന് ആരംഭിക്കാൻ പോവുകയാണ്. ഇത്തവണ നിലവിലെ ചാമ്പ്യന്മാരായ റോയൽ ചലഞ്ചേഴ്സ് ബംഗളൂരുവും സൺറെെസേഴ്സ് ഹെെദരാബാദും തമ്മിലുള്ള മത്സരത്തോടെയാണ് പോരാട്ടം ആരംഭിക്കുന്നത്. സഞ്ജു സംസൺ രാജസ്ഥാൻ റോയൽസ് വിട്ട ശേഷം കളിക്കുന്ന ആദ്യത്തെ ഐപിഎൽ ടൂർണമെന്റാണ് ഇത്തവണ നടക്കാൻ പോകുന്നത്.രാജസ്ഥാൻ വിട്ട സഞ്ജു സാംസൺ ഇത്തവണ സിഎസ്കെയ്ക്കൊപ്പമാണ്. ഇത്തവണ സിഎസ്കെയുടെ ആദ്യ മത്സരം രാജസ്ഥാനെതിരേയാണെന്നതാണ് എടുത്തു പറയേണ്ട കാര്യം. തന്നെ വളർത്തിയ രാജസ്ഥാനെതിരേ ആദ്യമായി കളിക്കാനിറങ്ങുമ്പോൾ വെെകാരിക പ്രശ് നം ഉണ്ടാകുമോയെന്നതാണ് ആരാധകർ ഉറ്റുനോക്കുന്നത്. ഇപ്പോഴിതാ ഇതിനെക്കുറിച്ച് സഞ്ജു തന്നെ തുറന്ന് പറഞ്ഞിരിക്കുകയാണ്.

രാജസ്ഥാനെതിരേ കളിക്കുമ്പോൾ തനിക്ക് വെെകാരിക പ്രശ്നം ഇല്ലെന്നാണ് സഞ്ജു സാംസൺ തുറന്ന് പറഞ്ഞിരിക്കുന്നത്. 'ഇത് ആദ്യമായാണ് ഞാൻ രാജസ്ഥാൻ റോയൽസിനെതിരേ കളിക്കുന്നത്. എന്നാൽ അതിന്റെ വെെകാരിക പ്രശ്നങ്ങൾ എനിക്കില്ല. രാജസ്ഥാനിൽ എന്റെ സമയം കഴിഞ്ഞുവെന്ന് തോന്നിയതിനാലാണ് ടീം വിട്ടത്. ഇപ്പോൾ അവർക്കെതിരേ കളിക്കാൻ ഇറങ്ങുമ്പോൾ ഏറ്റവും മികച്ച പ്രകടനം പുറത്തെടുക്കാനാവും ഞാൻ ശ്രമിക്കുക' പിടിഐയോട് സംസാരിക്കവെ സഞ്ജു സാംസൺ പറഞ്ഞു.

2013ൽ രാജസ്ഥാൻ റോയൽസിലേക്കെത്തിയ താരമാണ് രാജസ്ഥാൻ. ക്യാപ്റ്റൻ സ്ഥാനത്തേക്കെത്തിയ ശേഷം രാജസ്ഥാനെ ഫെെനലിലേക്കെത്തിക്കാനും സഞ്ജുവിന് സാധിച്ചു. തികച്ചും അപ്രതീക്ഷിതമായാണ് സഞ്ജു രാജസ്ഥാൻ റോയൽസ് വിട്ടത്. ഇതിന് പിന്നിൽ പല കാരണങ്ങളും ഉണ്ടെങ്കിലും സഞ്ജു ഇപ്പോൾ രാജസ്ഥാന്റെ ഭാഗമല്ലെന്നതാണ് വസ്തുത. ഇനി സിഎസ്കെയ്ക്കൊപ്പം സഞ്ജുവിന്റെ യാത്ര എങ്ങനെയാവുമെന്നതാണ് കണ്ടറിയേണ്ടത്.
സഞ്ജു രാജസ്ഥാൻ റോയൽസ് വിട്ടു, പക്ഷെ ഈ റെക്കോഡുകൾ എന്നും ശേഷിക്കും? തകർക്കാൻ സാധ്യതയില്ലാത്ത മൂന്ന് വമ്പൻ നേട്ടങ്ങളിതാ
സഞ്ജു കരിയറിന്റെ ഏറ്റവും മികച്ച കാലത്തിലൂടെയാണ് ഇപ്പോൾ കടന്ന് പോകുന്നത്. ടി20 ലോകകപ്പിൽ തകർത്തടിച്ച് ടൂർണമെന്റിലെ താരമായ സഞ്ജു ഇപ്പോൾ എംഎസ് ധോണിയെന്ന ഇതിഹാസത്തോടൊപ്പം ഡ്രസിങ് റൂം പങ്കിടാനുള്ള തയ്യാറെടുപ്പിലാണ്. ടി20 ലോകകപ്പിലെ ഗംഭീര പ്രകടനത്തിന് കേരള സർക്കാർ ഏർപ്പെടുത്തിയ പുരസ്കാരം സ്വീകരിക്കാനെത്തിയ സഞ്ജു തന്റെ പുത്തൻ പ്രതീക്ഷകൾ പങ്കുവെച്ചാണ് മടങ്ങിയത്.

'വളരെ സന്തോഷമുള്ള നിമിഷത്തിലൂടെയാണ് കടന്ന് പോകുന്നത്. ഐപിഎല്ലിൽ ഇത്തവണ ഞാൻ പുതിയൊരു ടീമിനൊപ്പമാണ്. ഇപ്പോൾ പൂർണ്ണമായും മനസ് അവരോടൊപ്പമാണ്. വളരെ വിഷമത്തോടെയാണ് ഞാൻ നാട്ടിൽ നിന്ന് പോയത്. ഇത്രയും പിന്തുണയും പ്രാർത്ഥനയുമെല്ലാം നൽകിയിട്ടും അവർക്ക് മുന്നിൽ മികച്ച പ്രകടനം നടത്താൻ സാധിക്കാത്തതിന്റെ നിരാശയുണ്ടായിരുന്നു. എന്നാൽ അതിലും വലുതാണ് ദെെവം കരുതിവെച്ചത്. അതിൽ സന്തോഷം. സിനിമയിൽ പറയുന്നതുപോലെ ഇത് നമ്മുടെ വിജയമാണ്.
IPL 2026: ഈ ക്യാപ്റ്റന്മാർ സീസൺ തികച്ചേക്കില്ല, മോശം ഫോമിലെങ്കിൽ പാതി വഴിയിൽ പുറത്താവും; വെല്ലുവിളി നേരിടുന്ന നായകന്മാരിതാ
മഹി ഭായിയുമായി നേരിട്ട് പലപ്പോഴും സംസാരിച്ചിട്ടുണ്ട്. എന്നാൽ ഇതാദ്യമായാണ് ഒരു ടീമിൽ രണ്ട് മാസത്തോളം ഒരുമിച്ച് കളിക്കാൻ പോകുന്നത്. ഇതിന്റെ ആവേശത്തിലാണ് ഞാനുള്ളത്. നേരിട്ട് കാണുമ്പോൾ പലപ്പോഴും പല നിർദേശങ്ങളും അദ്ദേഹം നൽകിയിട്ടുണ്ട്. എന്നാൽ ധോണിയുടെ മത്സരത്തോടുള്ള സമീപനവും മുന്നൊരുക്കവുമെല്ലാം നേരിട്ട് കണ്ട് മനസിലാക്കാനുള്ള അവസരമാണ് വരാനിരിക്കുന്നത്' എന്നാണ് സഞ്ജു പറയുന്നത്.

ധോണിയുടെ കടുത്ത ആരാധകനാണ് സഞ്ജുവെന്നത് എല്ലാവർക്കും അറിയാവുന്ന കാര്യമാണ്. ഇപ്പോൾ ഒരുമിച്ച് കളിക്കാൻ പോകുന്നതിന്റെ സന്തോഷത്തിലാണ് സഞ്ജു. എന്നാൽ സിഎസ്കെയിൽ അടുത്ത തലയും വാലുമൊന്നും ആകാൻ താനില്ലെന്നാണ് സഞ്ജു പറയുന്നത്. 'എവിടേയും തലയും വാലുമൊന്നുമാകാൻ ഞാനില്ല. ഇതുവരെയുള്ളതുപോലെ തുടരാനാണ് ആഗ്രഹിക്കുന്നത്. എങ്ങനെ വിളിക്കണം എന്നത് ആരാധകരുടെ ഇഷ്ടമല്ലേ. അതവർ ചെയ്യട്ടെ' എന്നാണ് സഞ്ജു സാംസൺ പറഞ്ഞത്.

എന്തായാലും പ്രതീക്ഷകളുടെ വലിയ ഭാരം തോളിലേറ്റിയാണ് സഞ്ജു ഇത്തവണ ഇറങ്ങുന്നത്. രാജസ്ഥാനൊപ്പം മിന്നിച്ച അതേ മികവ് സിഎസ്കെ ജഴ്സിയിലും ആവർത്തിക്കാൻ സഞ്ജു സാംസണ് സാധിക്കേണ്ടതായുണ്ട്. മലയാളി താരത്തിന് അത് സാധിക്കുമോയെന്നത് കാത്തിരുന്ന് കണ്ടറിയാം.