IPL 2026: രാജസ്ഥാന്റെ ഉടമ മാറി, റിയാൻ പരാ​ഗിന്റെ ക്യാപ്റ്റൻസി തെറിക്കുമോ? നയിക്കാൻ ജയ്സ്വാൾ തയ്യാർ, ടീമിന്റെ നീക്കം ഇതാവും

ഇന്ത്യൻ പ്രീമിയർ ലീഗിന്റെ 2026 സീസൺ ആരംഭിക്കാനിരിക്കെ രണ്ട് ടീമുകളുടെ ഉടമകൾ മാറിയിരിക്കുകയാണ്. രാജസ്ഥാൻ റോയൽസിനും റോയൽ ചലഞ്ചേഴ്സ് ബംഗളൂരുവിനുമാണ് പുതിയ ഉടമകൾ എത്തിയിരിക്കുന്നത്. കൽ സൊമാനിയുടെ നേതൃത്വത്തിലുള്ള കൺസോർഷ്യം 1.63 ബില്യൺ ഡോളറിനാണ് (15,300 കോടി ഇന്ത്യൻ രൂപ) രാജസ്ഥാൻ റോയൽസിനെ സ്വന്തമാക്കിയത്. മനോജ് ബദാലെയുടെ ഉടമസ്ഥതയിലുള്ള എമർജിങ് മീഡിയ ഗ്രൂപ്പിൽ നിന്നാണ് പുതിയ ഉടമകളിലേക്ക് രാജസ്ഥാനെത്തിയത്. 2021 മുതൽ കൽ സൊമാനിക്ക് രാജസ്ഥാനിൽ നിക്ഷേപം ഉണ്ടായിരുന്നു. ഇപ്പോൾ ടീമിന്റെ പ്രധാന ഉടമസ്ഥതയിലേക്ക് കൽ സൊമാനി എത്തുകയായിരുന്നു. രാജസ്ഥാന്റെ ഉടമസ്ഥാവകാശം വരുന്ന സീസണിലാവും കൽ സൊമാനിക്ക് ലഭിക്കുക. ഈ സീസണിൽ പഴയ ഉടമകൾക്ക് കീഴിൽത്തന്നെയാണ് രാജസ്ഥാൻ ഇറങ്ങുക. ഇത്തവണ സഞ്ജു സാംസൺ കളമൊഴിഞ്ഞതോടെ റിയാൻ പരാഗിന് കീഴിലാണ് രാജസ്ഥാൻ കളിക്കാൻ ഇറങ്ങുന്നത്.

റിയാൻ പരാഗിനെ രാജസ്ഥാൻ റോയൽസ് ക്യാപ്റ്റനാക്കിയതിൽ പല കോണിൽ നിന്നും വിമർശനം ഉയർന്നിരുന്നു. രാജസ്ഥാൻ റോയൽസിന്റെ ഉടമകളും പരാഗും തമ്മിലുള്ള ബന്ധമാണ് രാജസ്ഥാൻ നായകസ്ഥാനത്തേക്ക് പരാഗിനെ കൊണ്ടുവന്നതെന്ന് പറയാം. എന്നാൽ ഇപ്പോൾ രാജസ്ഥാന്റെ ഉടമ മാറിയതോടെ വരുന്ന സീസണിൽ‌ പരാഗിനെ നായകസ്ഥാനത്ത് നിന്ന് മാറ്റാനുള്ള സാധ്യതകളാണ് ആരാധകർ ചർച്ച ചെയ്യുന്നത്.

റിയാൻ പരാഗ് ബാറ്റ്സ്മാനെന്ന നിലയിലും ക്യാപ്റ്റനെന്ന നിലയിലും മികച്ച റെക്കോഡുള്ള താരമല്ല. രാജസ്ഥാനിൽ യശ്വസി ജയ്സ്വാളും രവീന്ദ്ര ജഡേജയും ദ്രുവ് ജുറേലും ഷിംറോൻ ഹെറ്റ്മെയറുമെല്ലാം ഉണ്ടായിട്ടും ഇവരെയെല്ലാം മറികടന്നാണ് പരാഗിനെ രാജസ്ഥാൻ നായകനാക്കിയത്. പുതിയ ഉടമകൾ വന്നതോടെ രാജസ്ഥാന്റെ ക്യാപ്റ്റൻ സ്ഥാനത്തേക്ക് അൽപ്പം കൂടി താരമൂല്യമുള്ള താരം എത്താൻ സാധ്യതയുണ്ട്.
IPL 2026: സഞ്ജു വന്നതോടെ റുതുരാജിന്റെ വില പോയോ? സിഎസ്കെ ക്യാപ്റ്റന് വേണ്ട പരി​ഗണനയില്ലേ, ചെപ്പോക്കിൽ സംഭവിച്ചത് ഇതാണ്
യശ്വസി ജയ്സ്വാൾ നിലവിൽ‌ മികച്ച റെക്കോഡുള്ള താരമാണ്. ക്യാപ്റ്റൻ സ്ഥാനത്തേക്കെത്താൻ യോഗ്യതയുള്ള താരമാണ് ജയ്സ്വാളെന്ന് പറയാം. അടുത്ത സീസണിൽ‌ ഒരു സീനിയർ സൂപ്പർ താരത്തെ ടീമിലെത്തിക്കാനോ അല്ലാത്ത പക്ഷം ജയ്സ്വാളിനെ നായകസ്ഥാനത്തേക്ക് കൊണ്ടുവരാനോ പുതിയ ഉടമകൾ ശ്രമിക്കാനുള്ള സാധ്യതകൾ ഏറെയാണ്.

ഈ സീസണിലെ പരാഗിന്റെ പ്രകടനം ഇതിൽ നിർണ്ണായകമാവും. തകർപ്പൻ ബാറ്റിങ് പ്രകടനം നടത്തുകയും രാജസ്ഥാനെ പ്ലേ ഓഫിലേക്കെങ്കിലും എത്തിക്കാനായാൽ പരാഗിനെ നിലനിർത്താനുള്ള സാധ്യതകളുണ്ട്. അല്ലാത്ത പക്ഷം പുതിയ ക്യാപ്റ്റനെക്കുറിച്ച് ടീം ഉടമകൾ ചിന്തിച്ചേക്കും. പരാഗിന് ആഭ്യന്തര ക്രിക്കറ്റിൽ ക്യാപ്റ്റനായുള്ള അനുഭവസമ്പത്തുണ്ട്.
IPL 2026: സഞ്ജു മാത്രമല്ല, ഐപിഎല്ലിൽ തിളങ്ങാൻ ഈ രണ്ട് മലയാളികളും; പ്ലേയിങ് ഇലവനിൽ ഇവർക്ക് സീറ്റുറപ്പ്, പ്രതീക്ഷയോടെ ആരാധകർ
അവസാന സീസണിൽ സഞ്ജു സാംസണിന്റെ അഭാവത്തിൽ റിയാൻ പരാഗ് രാജസ്ഥാന്റെ നായകനായിരുന്നു. എന്നാൽ മികച്ച പ്രകടനം കാഴ്ചവെക്കാൻ ക്യാപ്റ്റനെന്ന നിലയിൽ പരാഗിന് സാധിക്കാതെ പോയി. ഈ സാഹചര്യത്തിൽ ഇത്തവണത്തെ പരാഗിന്റെ പ്രകടനം എങ്ങനെയാവുമെന്നതാണ് കണ്ടറിയേണ്ടത്. വെെഭവ് സൂര്യവംശി, യശ്വസി ജയ്സ്വാൾ എന്നിവരുടെ പ്രകടനം ഇത്തവണ രാജസ്ഥാനെ സംബന്ധിച്ച് വളരെ നിർണ്ണായകമാണ്.

വലിയ പ്രതീക്ഷയോടെ ടീമിലെത്തിച്ച സാം കറൻ പരിക്കേറ്റ് പുറത്തായത് രാജസ്ഥാന് തിരിച്ചടിയാണ്. മികച്ച പേസ് ഓൾറൗണ്ടറുടെ അഭാവത്തെ എങ്ങനെയാവും രാജസ്ഥാൻ മറികടക്കുകയെന്നതാണ് കാത്തിരുന്ന് കാണേണ്ടത്. എന്തായാലും ക്യാപ്റ്റനെന്ന നിലയിൽ പരാഗിന് കാര്യങ്ങൾ എളുപ്പമാവില്ലെന്ന കാര്യം ഉറപ്പാണ്.