IPL 2026: രാജസ്ഥാൻ ടീമിൽ പരാ​ഗ് രാജാവ്, ക്യാപ്റ്റനായത് എങ്ങനെയെന്ന് എല്ലാവർക്കും അറിയാം; പരിഹസിച്ച് ക്രിസ് ശ്രീകാന്ത്

ഇന്ത്യൻ പ്രീമിയർ ലീഗിന്റെ 2026 സീസൺ ആരംഭിക്കാനായുള്ള കാത്തിരിപ്പ് അവസാനിക്കാൻ പോവുകയാണ്. 28ന് നിലവിലെ ചാമ്പ്യന്മാരായ റോയൽ ചലഞ്ചേഴ്സ് ബംഗളൂരുവും മുൻ ചാമ്പ്യന്മാരായ സൺറെെസേഴ്സ് ഹെെദരാബാദും തമ്മിലുള്ള പോരാട്ടത്തോടെയാണ് ഇത്തവണത്തെ ഐപിഎൽ സീസൺ ആരംഭിക്കുന്നത്. ഇത്തവണ എല്ലാ ടീമുകളും ഒന്നിനൊന്ന് ശക്തമായതിനാൽ പോരാട്ടം കടുക്കുമെന്ന കാര്യം ഉറപ്പാണ്.ഇത്തവണ എല്ലാവരും ആകാംക്ഷയോടെ ഉറ്റുനോക്കുന്ന ടീമുകളിലൊന്ന് രാജസ്ഥാൻ റോയൽസാണ്. സഞ്ജു സാംസൺ കൂടുമാറിയതിന് ശേഷം കളിക്കുന്ന ആദ്യ സീസണിൽ രാജസ്ഥാന്റെ പ്രകടനം എങ്ങനെയാവുമെന്നതാണ് ആരാധകർ ഉറ്റുനോക്കുന്നത്. സഞ്ജുവിന് പകരം റിയാൻ പരാഗിനെ രാജസ്ഥാൻ ക്യാപ്റ്റനായി പ്രഖ്യാപിച്ചിട്ടുണ്ട്. ദ്രുവ് ജുറേൽ, യശ്വസി ജയ്സ്വാൾ, രവീന്ദ്ര ജഡേജ എന്നിവരെയെല്ലാം മറികടന്നാണ് പരാഗിനെ രാജസ്ഥാൻ ക്യാപ്റ്റനാക്കിയത്.

ഇപ്പോഴിതാ രാജസ്ഥാൻ ടീമിനെ പരിഹസിച്ച് രംഗത്തെത്തിയിരിക്കുകയാണ് ക്രിസ് ശ്രീകാന്ത്. പരാഗ് എങ്ങനെയാണ് രാജസ്ഥാന്റെ ക്യാപ്റ്റനായതെന്ന് എല്ലാവർക്കും അറിയാമെന്നാണ് ശ്രീകാന്തിന്റെ പരിഹാസം. 'റിയാൻ പരാഗ് എങ്ങനെയാണ് രാജസ്ഥാന്റെ ക്യാപ്റ്റനായതെന്നത് എല്ലാവർക്കും അറിയാവുന്ന കാര്യമാണ്. അവനെ രാജാവിനെപ്പോലെയാണ് രാജസ്ഥാൻ റോയൽസ് കാണുന്നത്. അവസാന സീസൺ പരാഗിനെ സംബന്ധിച്ച് ഒട്ടും മികച്ചതായിരുന്നില്ല.

എന്നാൽ അതിന് മുമ്പുള്ള സീസണിൽ ശ്രദ്ധേയ പ്രകടനം നടത്തി. എന്നാൽ കഴിഞ്ഞവർഷം കാര്യമായൊന്നും ചെയ്യാൻ അവന് സാധിച്ചില്ല'. ശ്രീകാന്ത് പറഞ്ഞു. ആഭ്യന്തര ക്രിക്കറ്റിലടക്കം ക്യാപ്റ്റനായുള്ള അനുഭവസമ്പത്ത് റിയാൻ പരാഗിനുണ്ട്. എന്നാൽ വലിയ സ്ഥിരത അവകാശപ്പെടാൻ പരാഗിന് സാധിക്കില്ല. അവസാന സീസണിൽ സഞ്ജുവിന്റെ അഭാവത്തിൽ പരാഗാണ് രാജസ്ഥാനെ നയിച്ചത്. ടീമിനെ പ്രതീക്ഷക്കൊത്ത് ഉയർത്തിക്കൊണ്ടുവരാൻ പരാഗിന് കഴിഞ്ഞിരുന്നില്ല.
ആറിൽ അ‍ഞ്ച് തോൽവി, കറ്റാലയെ പുറത്താക്കി കേരള ബ്ലാസ്റ്റേഴ്സ്, പുതിയ പരിശീലകനായി ആഷ്ലി എത്തുന്നു; ഇനി കളി മാറും
തന്റേതായ ദിവസം കത്തിക്കയറുമെന്നത് മാറ്റി നിർത്തിയാൽ പരാഗിനെ വിശ്വസ്തനായി കാണാനാവില്ല. 166.52 പ്രഹര ശേഷിയിൽ‌ 393 റൺസാണ് അവസാന സീസണിൽ പരാഗ് നേടിയത്. 2017 മുതൽ രാജസ്ഥാന്റെ സജീവ താരമാണ് പരാഗ്. മോശം ഫോമിലും രാജസ്ഥാൻ പരാഗിന് അവസരം നൽകി. 84 മത്സരത്തിൽ നിന്ന് 1566 റൺസാണ് പരാഗ് നേടിയത്. ഇത്തവണ നായകസ്ഥാനം കൂടിയെത്തുമ്പോൾ പരാഗിന് കാര്യങ്ങൾ എളുപ്പമാവുമോയെന്നതാണ് കണ്ടറിയേണ്ടത്. സഞ്ജു സാംസണിന്റെ വിടവ് നികത്തുക പരാഗിനെ സംബന്ധിച്ച് പ്രയാസമായിരിക്കും.

എന്നാൽ രാജസ്ഥാന്റെ ടീം കരുത്ത് ഇത്തവണ മോശമല്ല. സഞ്ജു പോയെങ്കിലും ആ വിടവ് നികത്താൻ വെെഭവ് സൂര്യവംശിയുടെ ബാറ്റിങ്ങിലൂടെ സാധിക്കുമെന്നാണ് ടീം പ്രതീക്ഷിക്കുന്നത്. എന്നാൽ രാജസ്ഥാന്റെ നായകസ്ഥാനത്ത് യശ്വസി ജയ്സ്വാളിനും റിയാൻ പരാഗിനുമെല്ലാം നോട്ടമുണ്ടായിരുന്നു. ഇവരെയെല്ലാം മറികടന്ന് പരാഗ് നായകനായത് രാജസ്ഥാൻ ടീം മാനേജ്മെന്റിന്റെ വ്യക്തിപരമായ താൽപര്യങ്ങൾക്കൊണ്ടാണ്.

IPL 2026: സിഎസ്കെ ആരാധകർക്ക് സഞ്ജുവിന്റെ ഉറപ്പ്, മലയാളി താരം പറഞ്ഞത് ഒരു കാര്യം; ആർപ്പുവിളിച്ച് കാണികൾ

അതുകൊണ്ടുതന്നെ പല താരങ്ങൾക്കും ഈ തീരുമാനത്തിൽ അതൃപ്തിയുണ്ട്. ഇത് ടീമിനെ പ്രതികൂലമായി ബാധിക്കാനുള്ള സാധ്യതകൾ തള്ളിക്കളയാനാവില്ല. കുമാർ സങ്കക്കാരയെന്ന പരിശീലകനിൽ രാജസ്ഥാന് വലിയ പ്രതീക്ഷയുണ്ട്. ഇത്തവണത്തെ മികച്ച ടീമിനെ ഒത്തിണക്കത്തിലൂടെ കൊണ്ടുപോകാനും കിരീടത്തിലേക്കെത്തിക്കാനും സങ്കക്കാരക്ക് സാധിക്കുമോയെന്നതാണ് കാത്തിരുന്ന് കണ്ടറിയേണ്ടത്. എന്തായാലും രാജസ്ഥാന് ഈ സീസണിൽ വലിയ പ്രതീക്ഷയാണുള്ളത്.