IPL 2026: ഷര്‍ദുലിനെ കൂറ്റന്‍ സിക്സറിന് തൂക്കി, പിന്നാലെ കളിയാക്കി രോഹിത് ശര്‍മ പറഞ്ഞതെന്ത്? വൈറലായി വീഡിയോ

2026 ഐപിഎൽ സീസണ് മുന്നോടിയായി മുംബൈ ആരാധകർക്ക് ആവേശം പകർന്ന് രോഹിത് ശർമ ടീമിനൊപ്പം ചേർന്നിരുന്നു. രോഹിത് ടീമിനൊപ്പം ചേരുന്നതിന്റെയും പരിശീലനം നടത്തുന്നതിന്റെയും വീഡിയോ ദൃശ്യങ്ങൾ മുംബൈ ഇന്ത്യൻസ് സമൂഹ മാധ്യമങ്ങളിൽ പങ്കുവെച്ചിട്ടുണ്ട്. നെറ്റ്സില്‍ മികച്ച ടച്ചിലാണ് രോഹിത് ശര്‍മ കളിക്കുന്നത് എന്നാണ് പുറത്ത് വരുന്ന സൂചന. രോഹിത് പരിശീലനം നടത്തുന്ന ഒരു വീഡിയോ ഏറെ വൈറലായി മാറിയിരിക്കുകയാണ്. ഷര്‍ദുല്‍ താക്കൂറിനെ രോഹിത് ശര്‍മ കളിയാക്കുന്ന ദൃശ്യങ്ങളാണ് വൈറലായിട്ടുള്ളത്. മുംബെെ ഇന്ത്യന്‍സ് ഓൾ റൗണ്ടർ ഷര്‍ദുല്‍ താക്കൂറിനെതിരെ കൂറ്റൻ സിക്സർ അടിച്ചതിന് ശേഷം രോഹിത് ശര്‍മ താരവുമായി തമാശ പങ്കിടുന്ന ദൃശ്യങ്ങളാണ് ആരാധകർ ഏറ്റെടുത്തിരിക്കുന്നത്. രോഹിത് ശര്‍മ പറഞ്ഞത് എന്താണെന്ന് അറിയാനാണ് ആരാധകരുടെ ആകാംക്ഷ. സ്റ്റാൻ്റ്സിൽ ഇരുന്നു ക്യാച്ച് ചെയ്യൂ എന്നാണ് രോഹിത് കളിയാക്കി കൊണ്ട് പറഞ്ഞത്. സാധാരണയായി ബോളർമാർ പന്തറിഞ്ഞതിനുശേഷം ബാറ്റർമാർ ഉയർത്തിയടിക്കുകയാണെങ്കിൽ 'ക്യാച്ച് ഇറ്റ്' എന്ന് ഫീല്‍ഡറോട് വിളിച്ച് പറയാറുണ്ട്. ഇതിനെയാണ് രോഹിത് ശർമ അത് സ്റ്റാൻഡിൽ ഇരുന്നു ക്യാച്ച് ചെയ്യൂ എന്ന തരത്തിൽ കളിയാക്കിയത്.
Kerala Blasters: ബ്ലാസ്റ്റേഴ്സ് പിന്തിരിഞ്ഞോടില്ല, അക്രമണത്തിന്‍റെ മൂര്‍ച്ച കൂട്ടാന്‍ അവനെത്തി; റാഞ്ചിയത് മോഹന്‍ ബഗാന്‍ താരത്തെ
സിക്സ് അടിച്ചതിന്റെ ആവേശമായിരുന്നു ആ സമയത്ത് രോഹിത് ശര്‍മ പുറത്തുകാണിച്ചത്. തക്കസമയത്ത് ദൃശ്യങ്ങൾ പകർത്തിയ മുംബൈ ടീം അത് സോഷ്യല്‍ മീഡിയയില്‍ പങ്കുവെക്കുകയും ചെയ്തു. കഴിഞ്ഞ സീസണിൽ ലഖ്നൗ സൂപ്പർ ജയന്‍റ്സ് താരമായിരുന്നു ഷർദുൽ താക്കൂർ. പുതിയ സീസണ് മുന്നോടിയായി രണ്ടുകോടി രൂപക്ക് ഷർദൂലിനെ മുംബൈ ട്രേഡിലൂടെ സ്വന്തമാക്കുകയായിരുന്നു. ഇതുവരെ 105 മത്സരങ്ങൾ ഐപിഎല്ലില്‍ കളിച്ച ഷർദുല്‍ 9.40 ഇക്കണോമിയിൽ 107 വിക്കറ്റുകളാണ് വീഴ്ത്തിയിട്ടുള്ളത്. സമീപകാലത്ത് മെച്ചപ്പെട്ട ബാറ്റിങ് പ്രകടനവും താക്കൂർ കാഴ്ചവെക്കുന്നുണ്ട്.

2026 ഐസിസി ടി20 ലോകകപ്പിന്‍റെ ബ്രാൻഡ് അംബാസഡർ ആയിരുന്ന രോഹിത് ശർമ ലോകകപ്പ് വേദികളിൽ സജീവ സാന്നിധ്യം ആയിരുന്നു. ഇന്ത്യ ടീമിന്റെ ഫൈനൽ കാണാൻ അഹമ്മദാബാദിൽ എത്തിയിരുന്ന രോഹിത് പിന്നീട് മാലിദ്വീപിൽ കുടുംബത്തോടൊപ്പം വെക്കേഷൻ ചെലവഴിച്ചതിനുശേഷം ആണ് മുംബൈ ഇന്ത്യൻസ് ഒപ്പം ചേർന്നത്. മാര്‍ച്ച് 29ന് കൊല്‍ക്കത്ത നൈറ്റ് റൈഡേഴ്സിനെയാണ് ഈ സീസണിലെ ആദ്യ മത്സരത്തില്‍ മുംബെെ നേരിടുക.
CSK IPL 2026: മത്സരം സഞ്ജുവും റുതുരാജും തമ്മില്‍, ഇക്കുറി ആരായിരിക്കും ചെന്നെെയുടെ സൂപ്പര്‍ സ്റ്റാര്‍? റണ്‍വേട്ടയില്‍ ചേട്ടന്‍ മുന്നിലെത്തുമോ?
2025 ഐപിഎൽ സീസണിൽ 15 ഇന്നിങ്സുകളിൽ നിന്ന് 418 റൺസ് നേടിയ രോഹിത് ശർമയായിരുന്നു മുംബൈയുടെ രണ്ടാമത്തെ മികച്ച റൺവേട്ടക്കാരൻ. സീസണിൽ നാലാം സ്ഥാനത്ത് ഫിനിഷ് ചെയ്ത് പ്ലേ ഓഫിൽ എത്തിയ മുംബൈയ്ക്ക് രണ്ടാം ക്വാളിഫയറിൽ കാലിടറുകയായിരുന്നു. രോഹിത് ശര്‍മ ടീമിനൊപ്പം ചേർന്നതോടെ മുംബൈ ടീം മാനേജ്മെന്റ് ആരാധകരും വലിയ ആവേശത്തിലാണ്. പുതിയ സീസണില്‍ കപ്പടിക്കാൻ കഴിയുമെന്ന് തന്നെയാണ് മുംബൈ ടീമിന്റെയും ആരാധകരുടെയും പ്രതീക്ഷ.