IPL 2026: സഞ്ജു മുതൽ ​ശ്രേയസ് വരെ, കെകെആർ കെെവിട്ടു കളഞ്ഞ സൂപ്പർ താരങ്ങളെ അറിയാമോ? വിമർശനവുമായി ആരാധകർ

ഇന്ത്യൻ പ്രീമിയർ ലീഗിന്റെ 2026 സീസൺ ആവേശകരമായി പുരോഗമിക്കുമ്പോൾ ഏറ്റവും നിരാശപ്പെടുത്തുന്ന ടീം കൊൽക്കത്ത നെെറ്റ് റെെഡേഴ്സാണ്. മൂന്ന് തവണ ചാമ്പ്യന്മാരായ കെകെആറിന് ഇത്തവണ തൊട്ടതെല്ലാം പിഴക്കുകയാണ്. അഞ്ച് മത്സരത്തിൽ നാലിലും തോറ്റ കെകെആറിന് ആശ്വസിക്കാൻ ഒരു പോയിന്റ് മാത്രമാണുള്ളത്. അത് മഴയെത്തുടർന്ന് മത്സരം ഉപേക്ഷിച്ചതിനാൽ കിട്ടിയതാണ്.ഇപ്പോൾ പോയിന്റ് പട്ടികയിൽ അവസാന സ്ഥാനത്താണ് കെകെആറുള്ളത്. അതുകൊണ്ടുതന്നെ ടീമിനെതിരേ വിമർശനവും ശക്തമാണ്. ടീമിലെ സൂപ്പർ താരങ്ങളായ കാമറൂൺ ഗ്രീനും റിങ്കു സിങ്ങും ക്യാപ്റ്റൻ അജിൻക്യ രഹാനെയുമൊന്നും ഫോമിലേക്കെത്താത്തതാണ് ഇത്തവണ കെകെആറിനെ പിന്നോട്ടടിക്കുന്നത്. എന്നാൽ കെകെആർ തകർന്നടിയുമ്പോൾ ടീം മാനേജ്മെന്റിനെതിരേയാണ് ആരാധകർ വിമർശനം ഉയർത്തുന്നത്.

2024ൽ ശ്രേയസ് അയ്യരുടെ ക്യാപ്റ്റൻസിക്ക് കീഴിൽ കപ്പ് നേടിയ കെകെആർ ഇപ്പോൾ ഇങ്ങനെ തകർന്നിട്ടുണ്ടെങ്കിൽ അതിന് കാരണം ടീം മാനേജ്മെന്റിന്റെ ദുർവാശിയാണെന്നാണ് ആരാധകർ ചൂണ്ടിക്കാട്ടുന്നത്. ഇപ്പോൾ ലോക ക്രിക്കറ്റിൽ കെെയടി നേടുന്ന പല താരങ്ങളും ഒരിക്കൽ കെകെആറിന്റെ ഭാഗമായിരുന്നു. ഇവരുടെ പ്രതിഭ മനസിലാക്കാതെ ടീം മാനേജ്മെന്റെടുത്ത തീരുമാനങ്ങൾക്കെതിരേയാണ് വലിയ വിമർശനം ഉയരുന്നത്.

സഞ്ജു സാംസണെ ആദ്യം ടീമിലെടുത്തത് കെകെആറാണ്. എന്നാൽ ഒരു മത്സരം പോലും കളിപ്പിക്കാതെ ഒഴിവാക്കി. ഇന്ന് സഞ്ജു മികച്ച ടി20 താരങ്ങളിലൊരാളും ക്യാപ്റ്റന്മാരിലൊരാളുമാണ്. നിലവിലെ ഇന്ത്യൻ ടി20 ക്യാപ്റ്റനും മുംബെെ ഇന്ത്യൻസ് താരവുമായ സൂര്യകുമാർ യാദവും കെകെആറിനൊപ്പമാണ് കളിച്ച് വളർന്നത്. എന്നാൽ കെകെആർ സൂര്യയെ കെെവിട്ടതിന് ശേഷം മുംബെെയിലേക്കെത്തിയ സൂര്യ പിന്നീട് ടി20യിലെ കിടിലൻ താരമായി മാറി.
ISL 2026: പടിക്കൽ കലമുടച്ച് കേരള ബ്ലാസ്റ്റേഴ്സ്, നോർത്ത് ഈസ്റ്റ് യുണെെറ്റഡിനോട് സമനിലക്കുരുക്ക്; കൊച്ചിയിൽ അവസാന നിമിഷം കാലിടറി
നിലവിലെ ഇന്ത്യയുടെ ടെസ്റ്റ്, ഏകദിന നായകനായ ശുഭ്മാൻ ഗില്ലും ഒരു കാലത്ത് കെകെആറിലുണ്ടായിരുന്നു. കെകെആർ ഓപ്പണർ റോളിൽ കളിച്ചിരുന്ന ഗില്ലിനെ ടീം ഒഴിവാക്കുകയായിരുന്നു. ഇപ്പോൾ ഗുജറാത്ത് ടെെറ്റൻസിന്റെ നായകനാണ് ശുഭ്മാൻ ഗിൽ. കൂടാതെ ഐപിഎല്ലിൽ ഗംഭീര റെക്കോഡുള്ള താരങ്ങളിലൊരാളുമാണ് ഗിൽ. യൂനിവേഴ്സൽ ബോസ് ക്രിസ് ഗെയ്ലിനെയടക്കം വിട്ടുകളഞ്ഞവരാണ് കെകെആർ.

എന്നാൽ ആരാധകർ കെകെആറിനെ കൂടുതൽ വിമർശിക്കുന്നത് ശ്രേയസ് അയ്യരെ വിട്ടുകളഞ്ഞതിനാണ്. 2024ൽ ടീമിനെ കിരീടത്തിലേക്കെത്തിച്ചിട്ടും ശ്രേയസിനെ നിലനിർത്താതെ കെകെആർ ഒഴിവാക്കിയതാണ് എല്ലാവരേയും അത്ഭുതപ്പെടുത്തിയത്. തന്നോട് വേണ്ടത്ര ആലോചനകളില്ലാതെയാണ് കെകെആർ ടീം മാനേജ്മെന്റ് ഇത്തരമൊരു തീരുമാനം എടുത്തതെന്ന് ശ്രേയസ് അയ്യർ വെളിപ്പെടുത്തുകയും ചെയ്തിരുന്നു.
IPL 2026: കരുത്തുകാട്ടി ബൗളർമാർ, മികവ് കാട്ടി വിരാട് കോഹ്ലി; ലഖ്നൗവിനെ അനായാസം തകർത്ത് ആർസിബി മുന്നോട്ട്

അജിൻക്യ രഹാനെയെപ്പോലൊരു താരത്തെ നായകനായി മുന്നോട്ട് പോകുന്നത് കെകെആർ കാട്ടുന്ന വലിയ മണ്ടത്തരമാണ്. രഹാനെ ഐപിഎല്ലിൽ മോശം റെക്കോഡുള്ള ക്യാപ്റ്റനാണ്. രഹാനെയെ വിശ്വസിച്ച് മുന്നോട്ട് പോയാൽ കെകെആറിന് തിരിച്ചുവരവ് സാധ്യമാകില്ലെന്നാണ് ആരാധകർ പറയുന്നത്.

കെകെആർ ഇത്തവണ വലിയ പ്രതീക്ഷവെച്ച പല താരങ്ങൾക്കും കാര്യമായ പ്രകടനം നടത്താൻ സാധിക്കാത്തതാണ് തിരിച്ചടിയായി മാറുന്നത്. ഇവർ ഫോമിലേക്ക് മടങ്ങിയെത്തുമെന്ന് ഇപ്പോൾ പറയാനും സാധിക്കാത്ത അവസ്ഥയാണ്. എന്തായാലും കെകെആർ പിന്നോട്ട് പോകുമ്പോൾ കൂടുതൽ വിമർശനവും ടീം മാനേജ്മെന്റിനെതിരേയാണ് ആരാധകർ ഉയർത്തുന്നതെന്ന് പറയാം.