2 months ago
2
Authored by: നിഷാദ് അമീന്|Samayam Malayalam•17 Nov 2025, 10:24 pm
IPL 2026: ഐപിഎല് 2026ന് മുന്നോടിയായി 18 കോടി രൂപ ശമ്പളത്തിന് രാജസ്ഥാന് റോയല്സില് (Rajasthan Royals) നിന്ന് ചെന്നൈ സൂപ്പര് കിങ്സില് (Chennai Super Kings) ചേര്ന്നതോടെ സഞ്ജു സാംസണ് (Sanju Samson) ചരിത്രം സൃഷ്ടിച്ചു. കാമറൂണ് ഗ്രീനിന്റെ ഐപിഎല് റെക്കോഡ് അദ്ദേഹം തകര്ത്തു.
സഞ്ജു സാംസണും എംഎസ് ധോണിയും(ഫോട്ടോസ്- Agencies)സഞ്ജുവിനെ കൈമാറാന് രാജസ്ഥാന് മുന്നോട്ടുവച്ച നിബന്ധനകള് കാരണം എല്ലാവര്ക്കും പിന്മാറേണ്ടി വന്നു. ആദ്യ ശ്രമം നടത്തിയ ശേഷം പിന്മാറേണ്ടി വന്ന ചെന്നൈ സൂപ്പര് കിങ്സ് ( Chennai Super Kings ) ഒടുവില് രണ്ട് താരങ്ങളെ വിട്ടുനല്കാന് തയ്യാറായി സഞ്ജുവിനായുള്ള പ്ലെയര് ട്രേഡ് സാധ്യമാക്കി. റിട്ടന്ഷന് സമയപരിധി അവസാനിക്കാന് മണിക്കൂറുകള് ശേഷിക്കെയാണ് കരാര് അന്തിമമാക്കിയത്.
സെഞ്ചുറിയടിച്ച് റുതുരാജ്; ഇന്ത്യന് എ ടീമിന് തകര്പ്പന് വിജയം
രാജസ്ഥാന് റോയല്സില് ലഭിച്ചിരുന്ന 18 കോടി രൂപ പ്രതിഫലം തന്നെ സിഎസ്കെയിലും സഞ്ജുവിന് ലഭിക്കും. എന്നാല്, രവീന്ദ്ര ജഡേജയുടെ ശമ്പളം വെട്ടിക്കുറച്ചു. 18 കോടിയുടെ റിട്ടന്ഷന് താരമായിരുന്ന രവീന്ദ്ര ജഡേജയെ 14 കോടി രൂപയ്ക്കാണ് രാജസ്ഥാന് വാങ്ങിയത്. ഇതോടൊപ്പം സാം കറനെയും സിഎസ്കെ രാജസ്ഥാന് നല്കി.
ഐപിഎല് ചരിത്രത്തില് ഏറ്റവും ഉയര്ന്ന തുകയ്ക്ക് ട്രേഡ് ചെയ്യപ്പെടുന്ന താരമെന്ന റെക്കോഡ് ഇതോടെ സഞ്ജുവിന്റെ പേരിലായി. കാമറൂണ് ഗ്രീനിന്റെ ഐപിഎല് റെക്കോഡ് ആണ് തകര്ന്നത്. 2024ല് മുംബൈ ഇന്ത്യന്സില് നിന്ന് റോയല് ചലഞ്ചേഴ്സ് ബെംഗളൂരുവിലേക്ക് (ആര്സിബി) 17.5 കോടി രൂപ ശമ്പളത്തിന് ട്രേഡ് ചെയ്യപ്പെട്ട ഗ്രീനിന്റെ പേരിലായിരുന്നു ഇതുവരെയുള്ള റെക്കോഡ്. 18 കോടി രൂപ ശമ്പളത്തില് ട്രേഡ് ചെയ്യപ്പെടുന്ന ആദ്യ താരമാണ് സഞ്ജു.
IPL 2026: സഞ്ജുവിനെ തഴഞ്ഞു; ക്യാപ്റ്റനെ പ്രഖ്യാപിച്ച് ചെന്നൈ സൂപ്പര് കിങ്സ്2024ല് ഗുജറാത്ത് ടൈറ്റന്സില് നിന്ന് മുംബൈ ഇന്ത്യന്സിലേക്ക് ട്രേഡ് ചെയ്യപ്പെട്ട ഹാര്ദിക് പാണ്ഡ്യയാണ് പട്ടികയില് മൂന്നാം സ്ഥാനത്ത്. 15 കോടി രൂപയായിരുന്നു പ്രതിഫല കരാര്. രവീന്ദ്ര ജഡേജ (14 കോടി രൂപ), ഷാര്ദുല് താക്കൂര് (10.75 കോടി രൂപ) എന്നിവരാണ് തുടര്ന്നുള്ള സ്ഥാനങ്ങളില്.
ഐപിഎല് ചരിത്രത്തില് സിഎസ്കെ ട്രേഡ് വഴി സ്വന്തമാക്കുന്ന രണ്ടാമത്തെ കളിക്കാരനാണ് സഞ്ജു. അഞ്ച് തവണ ചാമ്പ്യന്മാരായ സിഎസ്കെ വിക്കറ്റ് കീപ്പര് ബാറ്റ്സ്മാന് റോബിന് ഉത്തപ്പയെ മാത്രമാണ് ഇതിന് മുമ്പ് ട്രേഡ് വഴി സ്വീകരിച്ചത്.
IND vs SA: ചതിച്ചത് പിച്ചോ? സച്ചിനും കോഹ്ലിയും ഇറങ്ങിയാലും രക്ഷപ്പെടില്ല, ടെസ്റ്റിന് മരണമെന്ന് ഹര്ഭജന്; ഇന്ത്യന് ടീമിനെ പഴിച്ച് ഗാംഗുലിപരിക്ക് കാരണം 2025 ഐപിഎല് മെഗാ ലേലത്തില് പങ്കെടുക്കാതിരുന്ന ഗ്രീന് വരുന്ന ഡിസംബര് 16 ന് നടക്കുന്ന 2026 ലെ മിനി ലേലത്തില് ഉള്പ്പെട്ടേക്കും. ഇത്തവണ ലേലത്തില് ഏറ്റവും ഉയര്ന്ന പ്രതിഫലം ലഭിക്കുന്ന താരമായിരിക്കും ഗ്രീന് എന്നാണ് പ്രതീക്ഷിക്കപ്പെടുന്നത്. ഐപിഎല് ചരിത്രത്തില് ഏറ്റവും ഉയര്ന്ന പ്രതിഫലത്തിന് കരാര് ചെയ്യപ്പെട്ട താരം ഋഷഭ് പന്ത് (27 കോടി രൂപ) ആണ്.
സിഎസ്കെയില് ചേര്ന്ന ശേഷം സഞ്ജു ഇന്സ്റ്റാഗ്രാമില് ഒറ്റവാക്കിലുള്ള പോസ്റ്റ് പങ്കിട്ടു. 'വണക്കം' എന്ന് കുറിച്ച ശേഷം സിഎസ്കെയോടുള്ള ഇഷ്ടം അറിയിച്ച് മഞ്ഞ ഹാര്ട്ട് ഇമോജിയും നല്കി. രണ്ട് ദിവസം കൊണ്ട് 17.5 ലക്ഷത്തോളം ലൈക്കാണ് ഈ പോസ്റ്റിന് ലഭിച്ചത്.
രചയിതാവിനെക്കുറിച്ച്നിഷാദ് അമീന്17 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. നിലവിൽ സമയം മലയാളത്തില് സ്പോർട്സ് ലേഖനങ്ങൾ എഴുതുന്നു.... കൂടുതൽ വായിക്കുക
English (US) ·