2 months ago
3
Authored by: നിഷാദ് അമീന്|Samayam Malayalam•10 Nov 2025, 12:26 am
IPL 2026: സഞ്ജു സാംസണ് (Sanju Samson) സിഎസ്കെയില് ചേരുമ്പോള് പകരം രണ്ട് കളിക്കാരെ രാജസ്ഥാന് റോയല്സിന് (Rajasthan Royals) വിട്ടുനല്കും. രവീന്ദ്ര ജഡേജയെ കൂടാതെ ഡെവാള്ഡ് ബ്രെവിസിനെയാണ് ചോദിച്ചതെങ്കിലും മറ്റൊരു താരത്തെ നല്കിയേക്കും.
ഹൈലൈറ്റ്:
- സഞ്ജു സാംസണ് ആര്ആര് വിടും
- ജഡേജ സിഎസ്കെയില് തിരിച്ചെത്തും
- രണ്ട് സിഎസ്കെ താരങ്ങള് ആര്ആറിലേക്ക്
(ഫോട്ടോസ്- Agencies)മൂന്നാം ടി20യിലും നിരാശപ്പെടുത്തി ശുഭ്മാൻ ഗിൽ; സഞ്ജുവിൻ്റെ സ്ഥാനം ബെഞ്ചിൽ
സഞ്ജുവും രവീന്ദ്ര ജഡേജയും 18 കോടി രൂപയുടെ കരാറുള്ള താരങ്ങളാണ്. അതിനാല് പരസ്പര കൈമാറ്റത്തിന് പ്രയാസമില്ല. എന്നാല്, സഞ്ജുവിനെ നല്കുമ്പോള് പകരം ജഡേജയുടെ കൂടി ബ്രെവിസിനെയും വേണമെന്ന ആവശ്യമാണ് പ്ലെയര് ട്രേഡ് വഴിമുട്ടിച്ചത്. എന്നാല്, ബ്രെവിസിന് പകരം സാം കുറനെ സ്വീകരിക്കാന് രാജസ്ഥാന് സന്നദ്ധമായെന്നാണ് റിപോര്ട്ട്. കഴിഞ്ഞ വര്ഷത്തെ ലേലത്തില് സിഎസ്കെ 2.4 കോടി രൂപയ്ക്കാണ് സാം കറനുമായി കരാറൊപ്പിട്ടത്.
രാജസ്ഥാന് റോയല്സില് തുടരാന് താല്പര്യമില്ലാത്ത സഞ്ജുവിനെ ഏറ്റെടുക്കാന് ഡിസി, കെകെആര് തുടങ്ങിയ ഫ്രാഞ്ചൈസികള് രംഗത്തുണ്ടായിരുന്നു. പകരം വലിയ താരങ്ങളെ വേണമെന്ന രാജസ്ഥാന്റെ നിലപാട് പ്ലെയര് ട്രേഡ് സംബന്ധിച്ച ചര്ച്ചകള് നീണ്ടുപോവുന്നതിന് ഇടയാക്കി. രാജസ്ഥാന് ആവശ്യപ്പെട്ട താരങ്ങളെ വിട്ടുനല്കാന് ഈ ഫ്രാഞ്ചൈസികള്ക്ക് താല്പര്യമുണ്ടായിരുന്നില്ല.
IPL 2026: സഞ്ജുവിനായി പിടിവലി...! പകരം രണ്ട് താരമെന്ന ആവശ്യം 'ഡീല് ബ്രേക്കര്' ആയേക്കും; സിഎസ്കെ നീക്കത്തിന്റെ ഭാവി ഇങ്ങനെസഞ്ജുവിന് വേണ്ടി രവീന്ദ്ര ജഡേജയുമായുള്ള 13 വര്ഷത്തെ ബന്ധം സിഎസ്കെ അവസാനിപ്പിക്കുകയാണ്. ഇന്ത്യയുടെ സ്റ്റാര് ഓള്റൗണ്ടര്ക്ക് പകരം വിക്കറ്റ് കീപ്പര് ബാറ്ററെ സിഎസ്കെ സ്വീകരിക്കും. സഞ്ജുവിന് സിഎസ്കെയില് ക്യാപ്റ്റന് സ്ഥാനം ലഭിക്കുമെന്നാണ് പ്രതീക്ഷ. കഴിഞ്ഞ സീസണില് റുതുരാജ് ഗെയ്ക്വാദ് ആണ് ടീമിനെ നയിച്ചത്. റുതുരാജിന് പരിക്കേറ്റപ്പോള് എംഎസ് ധോണി താല്ക്കാലിക ചുമതല വഹിച്ചു.
ക്യാപ്റ്റന് സ്ഥാനത്തുനിന്ന് കുറച്ച് കാലമായി ധോണി മാറിനില്ക്കുകയാണ്. ഐപിഎല് 2026ല് ധോണി കളിക്കുമെന്ന് സിഎസ്കെ ഔദ്യോഗികമായി സ്ഥിരീകരിച്ചിട്ടുണ്ട്. അന്താരാഷ്ട്ര ക്രിക്കറ്റില് നിന്ന് അഞ്ച് വര്ഷങ്ങള്ക്ക് മുമ്പാണ് അദ്ദേഹം വിരമിച്ചത്. അതില് അണ് ക്യാപ്ഡ് പ്ലെയര് ആയി കഴിഞ്ഞ സീസണിലെ അതേ പ്രതിഫലം തന്നെ തുടര്ന്നും നല്കിയേക്കും.
INDA vs SAA: സഞ്ജുവിന് പുതിയ ഭീഷണി; കിടിലന് പ്രകടനങ്ങള് ആവര്ത്തിച്ച് വിക്കറ്റ് കീപ്പര്; ഇന്ത്യക്ക് ലീഡ് രണ്ട് ഫ്രാഞ്ചൈസികളും മൂന്ന് കളിക്കാരുമായി സംസാരിച്ചതായും വ്യാപാര കരാറിനെക്കുറിച്ചുള്ള താല്പ്പര്യ പ്രകടനം ഐപിഎല് ഗവേണിംഗ് കൗണ്സിലിന് സമര്പ്പിച്ചതായും റിപോര്ട്ട് വെളിപ്പെടുത്തി. എല്ലാ കളിക്കാരില് നിന്നും രേഖാമൂലമുള്ള അനുമതി ലഭിച്ചുകഴിഞ്ഞാല് ടീമുകള്ക്ക് കരാറുമായി മുന്നോട്ട് പോകാം. നവംബര് 25-ന് നിലനിര്ത്തല് സമയപരിധി അവസാനിക്കുന്നതിന് മുമ്പ് കരാറിന്റെ സ്ഥിരീകരണം ഉണ്ടായേക്കും.രാജസ്ഥാനിലേക്ക് മാറുന്നത് സംബന്ധിച്ച് സിഎസ്കെ ജഡേജയോട് നേരത്തേ ആശയ വിനിമയം നടത്തിയതായി റിപോര്ട്ടുണ്ടായിരുന്നു. ജഡേജയുടെ ആദ്യ ഐപിഎല് ടീമാണ് രാജസ്ഥാന്. ഇവിടേക്കാണ് താരം മടങ്ങിയെത്തുന്നത്. അഞ്ച് തവണ ഐപിഎല് നേടിയ ടീമിനെ വിട്ട് പ്രഥമ ഐപിഎല് ചാമ്പ്യന്മാരായ രാജസ്ഥാനിലേക്ക് ജഡേജ എത്തുകയാണ്. സിഎസ്കെയുടെ അഞ്ച് കിരീട നേട്ടങ്ങളില് നാലിലും ജഡേജ പങ്കാളിയായിട്ടുണ്ട്.
രചയിതാവിനെക്കുറിച്ച്നിഷാദ് അമീന്17 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. നിലവിൽ സമയം മലയാളത്തില് സ്പോർട്സ് ലേഖനങ്ങൾ എഴുതുന്നു.... കൂടുതൽ വായിക്കുക
English (US) ·