1 month ago
2
Authored by: നിഷാദ് അമീന്|Samayam Malayalam•8 Dec 2025, 11:09 p.m. IST
IPL 2026: മിനി താര ലേലത്തിലൂടെ ടീമിനെ ശക്തിപ്പെടുത്താന് ചെന്നൈ സൂപ്പര് കിങ്സ് (Chennai Super Kings). ലേലത്തിലൂടെ ഒഴിവുകള് എങ്ങനെ നികത്തുന്നു എന്നത് സിഎസ്കെയുടെ ഭാവി നിര്ണയിക്കും. സഞ്ജു സാംസണിനെ (Sanju Samson) ടീമിലെത്തിച്ചത് ഇതിന്റെ തുടക്കമാണ്.
ഹൈലൈറ്റ്:
- മികച്ച വിദേശ ഓള്റൗണ്ടറെ വേണം
- മാച്ച് ഫിനിഷര്, സ്പിന്നര് ഒഴിവുകള്
- ഒരു അന്താഷ്ട്ര പേസര് കൂടി ആവശ്യം
സഞ്ജു സാംസണ്(ഫോട്ടോസ്- Agencies)മൂന്നാം ഏകദിനത്തില് ദക്ഷിണാഫ്രിക്കയെ വീഴ്ത്തി ഇന്ത്യ; നിര്ണായകമായത് ഈ ഘടകങ്ങള്
അഞ്ച് തവണ ചാമ്പ്യന്മാരായ സിഎസ്കെ ഇത്തവണ കഠിനമായി ചില തീരുമാനങ്ങള് എടുത്തിട്ടുണ്ടെന്ന് വ്യക്തമാണ്. ടോപ് സ്പിന്നര് രവീന്ദ്ര ജഡേജയേയും ഓള്റൗണ്ടര് സാം കറനെയും വിട്ടുകൊടുത്ത് സഞ്ജുവിനെ വാങ്ങിയത് പുതിയ യുഗത്തിനായി പുനര്വിചിന്തനം നടത്താന് തയ്യാറാണെന്ന് തെളിയിക്കുന്നു.
നാല് വിദേശികള് ഉള്പ്പെടെ 16 കളിക്കാര് ഇപ്പോള് സിഎസ്കെയിലുണ്ട്. ജഡേജയുടെയും കറന്റെയും വിടവ് നികത്താനുണ്ട്. ഓള്റൗണ്ട് ഡെപ്ത് വര്ധിപ്പിക്കാനും ലോവര് ഓര്ഡര് ബാറ്റിങ് ശക്തിപ്പെടുത്താനും ബൗളിങ് വൈവിധ്യം ശക്തമാക്കാനും ലേലത്തില് ശ്രദ്ധിക്കേണ്ടി വരും.
IND vs SA T20: സഞ്ജുവിനെ ആ സ്ഥാനത്ത് കാണാന് ആഗ്രഹമുണ്ട്; ആദ്യ ടി20ക്ക് തൊട്ടുമുമ്പ് മുന് ഇന്ത്യന് താരത്തിന്റെ വമ്പന് പ്രഖ്യാപനംലേലത്തിന് മുമ്പുള്ള സിഎസ്കെ സാധ്യതാ ഇലവന്:
- ആയുഷ് മാത്രെ
- സഞ്ജു സാംസണ്
- റുതുരാജ് ഗെയ്ക്വാദ്
- ഡെവാള്ഡ് ബ്രെവിസ്
- ശിവം ദുബെ
- എംഎസ് ധോണി
- നഥാന് എല്ലിസ്
- നൂര് അഹമ്മദ്
- ഖലീല് അഹമ്മദ്
- അന്ഷുല് കംബോജ്
- മുകേഷ് ചൗധരി
SMAT 2025: സഞ്ജുവിന് 141.59 സ്ട്രൈക്ക് റേറ്റ്, അഞ്ച് കളിയില് 160; മുഷ്താഖ് അലി ട്രോഫിയില് മിന്നിച്ച് ടി20 പരമ്പരയ്ക്ക്, ഇത് സുവര്ണാവസരംലേലത്തില് മികച്ച വിദേശ ഓള്റൗണ്ടറെ വാങ്ങാനായിരിക്കും സിഎസ്കെയുടെ പ്രധാന ശ്രദ്ധ. ധോണിയെ പിന്തുണയ്ക്കാന് കഴിയുന്ന ഒരു ഫിനിഷറെയും ആവശ്യമാണ്. ഡേവിഡ് മില്ലറും ലിയാം ലിവിങ്സ്റ്റണുമാണ് ലേലത്തില് ലഭ്യമാവുന്നവരില് ഈ സ്ഥാനത്തേക്കുള്ള പ്രധാന ചോയ്സ്. ലിവിങ്സ്റ്റണ് പാര്ട്ട് ടൈം സ്പിന്നര് കൂടിയാണ് എന്നതിനാല് ആവശ്യക്കാരേറും.
അശ്വിന് വിരമിക്കുകയും ജഡേജ കൂട്മാറുകയും ചെയ്തതോടെ മികച്ച സ്പിന്നര് അനിവാര്യമായി. ഇന്ത്യന് സ്പിന്നര്മാരില് രാഹുല് ഛാഹര്, രവി ബിഷ്ണോയ്, ശ്രീലങ്കയുടെ വനിന്ദു ഹസരംഗ, മഹീഷ് തീക്ഷണ എന്നിവര് ലേലത്തിലുണ്ടാവും.
നഥാന് എല്ലിസ് കൂടെയുണ്ടെങ്കിലും ഒരു അന്താഷ്ട്ര പേസറെ കൂടി ആവശ്യമുണ്ട്. ബാക്കപ്പ് ഇന്ത്യന് ബാറ്റ്സ്മാന്മാരെയും സിഎസ്കെ ഒരുക്കിനിര്ത്തേണ്ടതുണ്ട്. ലേലത്തില് ലഭ്യമായ താരങ്ങളില് ആ സ്ഥാനത്തേക്ക് പ്രധാനി വെങ്കടേഷ് അയ്യരാണ്. എന്നാല് അയ്യര്ക്ക് നല്കേണ്ട തുക കൂടുതലായാല് ബുദ്ധിമുട്ടാവും. വിദേശികളില് മുമ്പനായി കമറൂണ് ഗ്രീന് ഉണ്ട്. ഇത്തവണ ലേലത്തില് ഏറ്റവും ഉയര്ന്ന തുക പ്രതീക്ഷിക്കുന്ന താരമാണദ്ദേഹം.
രചയിതാവിനെക്കുറിച്ച്നിഷാദ് അമീന്17 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. നിലവിൽ സമയം മലയാളത്തില് സ്പോർട്സ് ലേഖനങ്ങൾ എഴുതുന്നു.... കൂടുതൽ വായിക്കുക
English (US) ·