​IPL 2026: സിഎസ്കെ പ്ലേ ഓഫിലെത്തില്ലേ? കഴിഞ്ഞില്ലെങ്കിൽ റുതുരാജിനെ മാറ്റണം, സഞ്ജുവിനെ ക്യാപ്റ്റനാക്കണം; മൂന്ന് കാരണങ്ങളിതാ

ഇന്ത്യൻ പ്രീമിയർ ലീഗിന്റെ 2026 സീസണിലെ ചെന്നെെ സൂപ്പർ കിങ്സിന്റെ പ്ലേ ഓഫ് വിധി ഇന്നറിയാം. ചെന്നെെ സൂപ്പർ കിങ്സ് ഇന്ന് നടക്കുന്ന മത്സരത്തിൽ സൺറെെസേഴ്സ് ഹെെദരാബാദിനോട് തോറ്റാൽ ടീം പ്ലേ ഓഫ് കാണാതെ പുറത്താകും. ജയിച്ചാൽ പ്ലേ ഓഫ് പ്രതീക്ഷ നിലനിർത്തി കാത്തിരിക്കാം. ഇന്നത്തെ മത്സരം സിഎസ്കെയെ സംബന്ധിച്ച് ജീവൻ മരണ പോരാട്ടമാണ്.സിഎസ്കെയുടെ ക്യാപ്റ്റൻ റുതുരാജ് ഗെയ്ക് വാദിന്റെ വിധി തീരുമാനിക്കപ്പെടുന്ന മത്സരം കൂടിയായിരുന്നു ഇത്. സിഎസ്കെയ്ക്ക് ഇത്തവണ പ്ലേ ഓഫിലേക്കെത്താൻ സാധിക്കാതെ പോയാൽ താരത്തെ നായകസ്ഥാനത്ത് നിന്ന് മാറ്റാൻ സാധ്യത കൂടുതലാണ്. എന്തുകൊണ്ടാണ് സിഎസ്കെയ്ക്ക് പ്ലേ ഓഫില്ലെങ്കിൽ റുതുരാജിനെ മാറ്റി പകരം സഞ്ജു സാംസണെ സിഎസ്കെ നായകനാക്കേണ്ടത്?. കാരണങ്ങൾ പരിശോധിക്കാം.

ഒന്നാമത്തെ കാര്യം നായകനെന്ന നിലയിൽ മികവ് കാട്ടാൻ റുതുരാജിന് ആവശ്യത്തിന് സമയം ലഭിച്ച് കഴിഞ്ഞു. 2024 സീസണിലാണ് സീസണിലാണ് റുതുരാജ് സിഎസ്കെയുടെ നായകനാവുന്നത്. അഞ്ചാം സ്ഥാനത്തായ സിഎസ്കെയ്ക്ക് പ്ലേ ഓഫ് യോഗ്യത നേടിയെടുക്കാൻ സാധിച്ചില്ല. 2025 സീസൺ സിഎസ്കെ തീർത്തും നിരാശപ്പെടുത്തി. 14 മത്സരത്തിൽ നാല് മത്സരം മാത്രം ജയിച്ച മഞ്ഞപ്പട പോയിന്റ് പട്ടികയിൽ അവസാന സ്ഥാനത്തായിരുന്നു.

ഈ സീസണിലും പ്ലേ ഓഫിൽ എത്താൻ ടീമിന് സാധിച്ചില്ലെങ്കിൽ ക്യാപ്റ്റന് അതിന്റെ ഉത്തരവാദിത്തമുണ്ടെന്ന് നിസംശയം പറയാം. അതുകൊണ്ടുതന്നെ ഇനി നായകനെന്ന നിലയിൽ റുതുരാജിനെ വിശ്വസിച്ച് മുന്നോട്ട് പോകുന്നതിൽ കാര്യമില്ല. ടീമിനെ പഴയ മികവിലേക്ക് തിരിച്ചെത്താൻ നായകസ്ഥാനത്ത് നിന്ന് റുതുരാജിനെ മാറ്റേണ്ടതായുണ്ട്.
IPL 2026: രാജസ്ഥാൻ പ്ലേ ഓഫിൽ കടക്കരുത്, ഈ ടീം അത് അർഹിക്കുന്നില്ല; കാരണം പറഞ്ഞ് ക്യാപ്റ്റൻ റിയാൻ പരാ​ഗ്
രണ്ടാമത്തെ കാര്യം നായകനെന്ന ഉത്തരവാദിത്തം താരത്തിന്റെ ബാറ്റിങ്ങിനെ ബാധിക്കുന്നുണ്ടെന്നതാണ്. 31 മത്സരങ്ങൾ സിഎസ്കെയെ നയിച്ച റുതുരാജിന് 14 ജയവും 17 തോൽവിയുമാണ് നേരിട്ടത്. 45.16 ആണ് ടീമിന്റെ വിജയ ശതമാനം. നായകസ്ഥാനത്തെ സമ്മർദ്ദം ഇത്തവണ റുതുരാജിനെ കാര്യമായി ബാധിച്ചിട്ടുണ്ട്. ഓപ്പണർ റോളിൽ കളിക്കുന്ന റുതുരാജിന് ഈ സീസണിൽ മികച്ച പ്രകടനം നടത്താൻ സാധിച്ചിട്ടില്ല.

2021ലും 2023ലും സിഎസ്കെ കപ്പ് നേടിയപ്പോൾ 635, 590 എന്നിങ്ങനെ മികച്ച സ്കോറുകൾ നേടാൻ റുതുരാജിന് സാധിച്ചു. 2024ൽ 583 റൺസ് നേടി റൺവേട്ടക്കാരിൽ റുതുരാജ് രണ്ടാമനായി. എന്നാൽ 2025ൽ അഞ്ച് മത്സരത്തിൽ നിന്ന് 122 റൺസാണ് താരത്തിന് നേടാനായത്. പിന്നീട് പരിക്ക് ബാധിച്ചതിനാൽ കളിക്കാനായില്ല. ഈ സീസണിൽ 12 മത്സരത്തിൽ നിന്ന് 306 റൺസാണ് റുതുരാജ് നേടിയത്. നായകന്റെ സമ്മർദ്ദം താരത്തിന്റെ പ്രകടനത്തെ പിന്നോട്ടടിക്കുന്നുണ്ടെന്ന് വ്യക്തം.

IPL 2026: ഋഷഭിന് ഏകദിന ടീമിലെ സീറ്റ് മാത്രമല്ല, ടെസ്റ്റ് ടീമിലെ ആ സ്ഥാനവും പോയേക്കും; ഐപിഎല്ലിലെ ഫ്ളോപ്പ് ഷോ തിരിച്ചടിയായി

മൂന്നാമത്തെ കാര്യം സഞ്ജു സാംസൺ അവസരത്തിനായി കാത്തിരിക്കുകയാണെന്നതാണ്. രാജസ്ഥാൻ റോയൽസിനെ ഫെെനലിലെത്തിച്ച നായകനാണ് സഞ്ജു. ആഭ്യന്തര ക്രിക്കറ്റിലും മികവ് കാട്ടാൻ നായകനെന്ന നിലയിൽ സഞ്ജുവിന് സാധിച്ചിട്ടുണ്ട്.

ഇത്തരത്തിലുള്ള സഞ്ജു നായകസ്ഥാനത്തേക്കെത്താനായി കാത്തിരിക്കുമ്പോൾ മികവ് തെളിയിക്കാത്ത റുതുരാജിന് തുടർ അവസരം നൽകുന്നത് ടീമിന് ഗുണം ചെയ്തേക്കില്ല. അതുകൊണ്ടുതന്നെ ടീമിന്റെ ഭാവി വിലയിരുത്തി സഞ്ജുവിനെ നായകസ്ഥാനത്തേക്ക് കൊണ്ടുവരേണ്ടതാണ്.