IPL 2026: സിഎസ്കെയുടെ തോൽവിക്ക് പിന്നിൽ റുതുരാജിന്റെ ഭയം, അതിന് കാരണം സഞ്ജു സാംസൺ; മെെക്കൽ വോൺ പറയുന്നു

ഇന്ത്യൻ പ്രീമിയർ ലീഗിന്റെ 2026 സീസൺ ആവേശകരമായി മുന്നോട്ട് പോവുകയാണ്. ആദ്യ രണ്ട് മത്സരങ്ങൾ കഴിയുമ്പോൾ ഏറ്റവും നിരാശപ്പെടുത്തുന്ന ടീം ചെന്നെെ സൂപ്പർ കിങ്സാണ്. അഞ്ച് തവണ ചാമ്പ്യന്മാരായ സിഎസ്കെ ഇത്തവണ വലിയ പ്രതീക്ഷയോടെയാണ് ഇറങ്ങിയത്. മിനി താരലേലത്തിലടക്കം മികച്ച നീക്കം നടത്തിയ സിഎസ്കെയ്ക്ക് പക്ഷെ കളത്തിൽ ഈ മികവ് കാട്ടാൻ സാധിക്കുന്നില്ല. ആദ്യ രണ്ട് മത്സരത്തിലും തോൽവി നേരിട്ട സിഎസ്കെയ്ക്ക് ഇനി മുന്നോട്ട് പോക്ക് വളരെ പ്രയാസമായിരിക്കുകയാണ്. സിഎസ്കെയ്ക്ക് പിഴക്കുന്നത് എവിടെയാണെന്ന ചോദ്യമാണ് ഇപ്പോൾ ഉയർന്ന് കേൾക്കുന്നത്. സിഎസ്കെയുടെ തോൽവിക്ക് കൂടുതൽ വിമർശനം കേൾക്കുന്നത് ക്യാപ്റ്റനായ റുതുരാജ് ഗെയ്ക് വാദിനാണ്. മോശം ക്യാപ്റ്റൻസിയുടെ പേരിൽ റുതുരാജിനെതിരേ വലിയ വിമർശനം ഉയരുമ്പോൾ സിഎസ്കെയിലെ പ്രധാന പ്രശ്നം ചൂണ്ടിക്കാട്ടിയിരിക്കുകയാണ് മെെക്കൽ വോൺ.

റുതുരാജ് ഗെയ്ക് വാദിന് സഞ്ജു സാംസണിൽ നിന്ന് നേരിടുന്ന സമ്മർദ്ദം തിരിച്ചടിയാകുന്നുണ്ടെന്നാണ് മെെക്കൽ വോൺ ക്രിക്ക് ബസിൽ സംസാരിക്കവെ പറഞ്ഞത്. റുതുരാജ് സിഎസ്കെയുടെ ക്യാപ്റ്റനായി ഈ സീസണിലും തുടരുമെന്ന് ടീം മാനേജ്മെന്റ് നേരത്തെ തന്നെ അറിയിച്ചതാണ്. എന്നാൽ സഞ്ജു സാംസൺ സിഎസ്കെയിലേക്കെത്തിയതോടെ റുതുരാജിന്റെ നായകസ്ഥാനത്തിന് ഭീഷണി ഉയരുകയാണ്.

സഞ്ജു രാജസ്ഥാൻ റോയൽസിനെ ഫെെനൽ കളിപ്പിച്ച ക്യാപ്റ്റനാണ്. ടീമിനെ മുന്നിൽ നിന്ന് നയിക്കാനും തന്ത്രപരമായി മുന്നോട്ട് പോകാനും സഞ്ജുവിന് അറിയാം. ഇതുകൊണ്ടുതന്നെ സഞ്ജു സാംസണ‍െ ക്യാപ്റ്റനാക്കുന്നത് സിഎസ്കെയുടെ പരിഗണനയിലുള്ള കാര്യമാണ്. ഇതിന്റെ സമ്മർദ്ദം റുതുരാജിനെ കാര്യമായി ബാധിക്കുന്നുണ്ടെന്നാണ് മെെക്കൽ വോൺ പറയുന്നത്.
IPL 2026: സ്ഥിരതകാട്ടാതെ സഞ്ജു, വേട്ടയാടുന്നത് ആ പഴയ പ്രശ്നം, യുവരാജ് സിങ്ങിന്റെ ഉപദേശവും ഫലിച്ചില്ലേ? സിഎസ്കെയ്ക്ക് ആശങ്ക
സിഎസ്കെയുടെ ടീം കരുത്ത് ശക്തമാണ്. പക്ഷെ ഒത്തിണക്കത്തോടെ കളിക്കാൻ അവർക്ക് സാധിക്കുന്നില്ലെന്നതാണ് വസ്തുത. സിഎസ്കെയുടെ നിരയിൽ മികച്ചൊരു നേതൃത്വത്തിന്റെ കുറവുണ്ട്. എംഎസ് ധോണിയുടെ അഭാവത്തിൽ പരിശീലകൻ സ്റ്റീഫൻ ഫ്ളമിങ്ങിനും കാര്യമായൊന്നും ചെയ്യാൻ സാധിക്കുന്നില്ല. മികച്ച പദ്ധതികളുടെ അഭാവം സിഎസ്കെയ്ക്കുണ്ടെന്ന് തന്നെ പറയാം.

ഇതിന് പരിഹാരം കാണാൻ സാങ്കേതികമായും സിഎസ്കെ മെച്ചപ്പെടേണ്ടതായുണ്ട്. എന്നാൽ റുതുരാജിന് കീഴിൽ സിഎസ്കെയ്ക്ക് തകർപ്പൻ തിരിച്ചുവരവ് നടത്താൻ സാധിക്കുമെന്ന പ്രതീക്ഷ ഇനിയില്ലെന്ന് തന്നെ പറയാം. സഞ്ജു സാംസണെ പെട്ടെന്ന് നായകസ്ഥാനത്തേക്ക് കൊണ്ടുവരാൻ സിഎസ്കെ തയ്യാറായേക്കില്ല. എന്തായാലും ഈ സീസണിന് ശേഷം മാത്രമാവും സിഎസ്കെ അത്തരമൊരു നീക്കത്തിലേക്ക് കടക്കുക.

IPL 2026: ഭയന്നത് സംഭവിച്ചു, ചെപ്പോക്കിൽ നിരാശപ്പെടുത്തി സഞ്ജു; പഞ്ചാബിനോടും ഒറ്റ സംഖ്യയിൽ പുറത്തായി; തിരിച്ചുവരവ് പ്രതീക്ഷയിൽ ആരാധകർ

അതുകൊണ്ടുതന്നെ സിഎസ്കെയ്ക്ക് മുന്നോട്ടുള്ള മത്സരങ്ങളിൽ എങ്ങനെ തിരിച്ചുവരാൻ സാധിക്കുമെന്നതാണ് കാത്തിരുന്ന് കാണേണ്ടത്. സിഎസ്കെയുടെ ബൗളിങ് നിരയിലാണ് വലിയ പ്രശ്നങ്ങളുള്ളത്. മതീഷ പതിരാനയെ കെെവിട്ടതും പകരം കൊണ്ടുവന്ന നതാൻ ഇല്ലിസിന് പരിക്കേറ്റതും സിഎസ്കെയെ പ്രതികൂലമായി ബാധിച്ച കാര്യമാണ്. സ്റ്റീഫൻ ഫ്ളമിങ് ന്യൂസീലൻഡ് താരങ്ങളെ സിഎസ്കെ നിരയിൽ കൊണ്ടുവരുന്നത് തിരിച്ചടിയായി മാറുകയാണ്.

സിഎസ്കെയുടെ യുവതാരനിര ഇത്തവണ കാര്യമായ പ്രകടനം പുറത്തെടുക്കാത്തതും ടീമിനെ പിന്നോട്ടടിക്കുകയാണ്. 14.2 കോടിക്ക് ടീമിലേക്കെത്തിച്ച കാർത്തിക് ശർമയും പ്രശാന്ത് വീറും വലിയൊരു ഇംപാക്ട് സൃഷ്ടിക്കുന്നില്ല. സിഎസ്കെയുടെ തുറുപ്പുചീട്ട് എല്ലാ സീസണിലും സ്പിന്നർമാരാണ്. എന്നാൽ‌ ആദ്യ രണ്ട് മത്സരത്തിലും സ്പിന്നർമാർ മികവ് കാട്ടാത്തത് സിഎസ്കെയെ പ്രതികൂലമായി ബാധിക്കുന്നുണ്ട്.