KKR vs PBKS: തിരിച്ചടിക്കുമോ മുൻ ചാമ്പ്യന്മാർ; ഈഡൻ ഗാർഡനിൽ പ്രതികാര പോരാട്ടം; ഇരു ടീമുകളും നേരിടുന്ന പ്രധാനവെല്ലുവിളികൾ നോക്കാം

Edited byഅനുഷ ഗംഗാധരൻ | Samayam Malayalam | Updated: 25 Apr 2025, 11:28 am

കൊൽക്കത്ത: ഇന്ത്യൻ പ്രീമിയർ ലീഗ് 2025ൽ റിവഞ്ച് ഘട്ടത്തിൽ അടുത്തതായി ഏറ്റുമുട്ടുന്നത് പഞ്ചാബ് കിങ്ങും കൊൽക്കത്ത നൈറ്റ് റൈഡേഴ്‌സുമാണ്. ഇരുവരും ഇതിനു മുൻപ് ഈ സീസണിൽ ഏറ്റുമുട്ടിയപ്പോൾ നാടകീയ നിമിഷങ്ങളായിരുന്നു കളത്തിൽ അരങ്ങേറിയത്. ബൗളർമാർ നിറഞ്ഞാടിയ ഈ മത്സരത്തിൽ പഞ്ചാബിനായിരുന്നു ജയം.
രാജസ്ഥാന് പിഴച്ചത് താരലേലം തന്നെ; നിലനിർത്തിയവർ വമ്പൻ ഫ്ലോപ്പ്, വിട്ടയച്ചവർ കിടിലൻ ഫോമിൽമത്സരം കൊൽക്കത്ത സ്വന്തമാക്കുമെന്നും ജയം അനായാസമാകുമെന്നും കാണികൾ വിധി എഴുതിയ മത്സരത്തിൽ സംഭവിച്ചത് മറ്റൊന്നായിരുന്നു. പഞ്ചാബിന്റെ ബൗളർമാർ മികച്ച പ്രകടനം പുറത്തെടുത്തപ്പോൾ കെകെആർ 95 റൺസിന്‌ ഓൾ ഔട്ടുകയായിരുന്നു. പഞ്ചാബിന്റെ ഹോം ഗ്രൗണ്ടിൽ നേരിട്ട ആ തോൽവിക്ക് സ്വന്തം ഹോം ഗ്രൗണ്ടിൽ മറുപടി നൽകും എന്ന് ഉറപ്പിച്ചാകും കെകെആർ മത്സരത്തിന് ഇറങ്ങുക.
കഴിഞ്ഞ സീസണിൽ കിരീടം നേടിയ കൊൽക്കത്ത ഈ സീസണിൽ ടേബിളിൽ ഏഴാം സ്ഥാനത്താണ്. തുടർന്നുള്ള മത്സരങ്ങളിൽ ജയിച്ചാൽ മാത്രമേ പ്ലേ ഓഫ് സാധ്യത നിലനിൽക്കുകയുള്ളൂ. അതേസമയം പഞ്ചാബ് ടേബിളിൽ അഞ്ചാം സ്ഥാനത്താണ്. ഈ മത്സരത്തിൽ ജയിക്കാൻ സാധിച്ചാൽ നാലാം സ്ഥാനത്തേക്ക് ടീമിന് മുന്നേറാൻ സാധിക്കും. അതുകൊണ്ട് ഇരുവർക്കും അതി നിർണായകമായ മത്സരമാണ് വരൻ പോകുന്നത്. പഞ്ചാബ് കിങ്‌സ് - കൊൽക്കത്ത നൈറ്റ് റൈഡേഴ്‌സ് മത്സരത്തിൽ ഇരു ടീമുകളും നേരിടുന്ന പ്രധാനവെല്ലുവിളികളും പ്ലേയിങ് ഇലവൻ സാധ്യതയും പരിശോധിക്കാം.

പഞ്ചാബ് കിങ്‌സ് നേരിടുന്ന വെല്ലുവിളികൾ

111 റൺസിന്‌ ഓൾ ഔട്ട് ആക്കിയ കെകെആറിന്റെ ബൗളർമാരെ തന്നെയാണ് പഞ്ചാബ് ഭയക്കേണ്ടത്. ഇവരെ നേരിടാനുള്ള തന്ത്രങ്ങൾ പഞ്ചാബ് കണ്ടെത്തിയേ മതിയാകു. കഴിഞ്ഞ മത്സരത്തിൽ പഞ്ചാബിനെ എറിഞ്ഞിട്ടത്തിൽ സുപ്രധാന പങ്കുവഹിച്ച ഹർഷിത് റാണയെയും വരുൺ ചക്രവർത്തിയെയും സുനിൽ നരൈനെയും പഞ്ചാബ് പ്രത്യേകം ശ്രദ്ധിക്കേണ്ടതുണ്ട്.

കൊൽക്കത്ത നൈറ്റ് റൈഡേഴ്‌സ് നേരിടുന്ന വെല്ലുവിളികൾ

ജയം ഉറപ്പിച്ച മത്സരം കൈവിട്ടുപോയത് പഞ്ചാബിന്റെ ബൗളർമാരുടെ പ്രകടനത്തെ തുടർന്നാണ്. അതുകൊണ്ട് കൊൽക്കത്തയും ഭയക്കേണ്ടത് ബൗളർമാരെയാണ്. വിക്കറ്റ് നഷ്ടപ്പെടുത്താതെ ഏറെ നേരം ക്രീസിൽ നിൽക്കാൻ സാധിച്ചാൽ സ്കോർ ഉയർത്താൻ സാധിക്കും. പഞ്ചാബിന്റെ ബൗളർ യുസ്വേന്ദ്ര ചഹാലാണ് കഴിഞ്ഞ തവണ കെകെആറിനെ തകർത്തതിൽ മുഖ്യ പങ്കുവഹിച്ചത്

കൊൽക്കത്ത നൈറ്റ് റൈഡേഴ്‌സ് സാധ്യത പ്ലേയിങ് ഇലവൻ: റഹ്മാനുള്ള ഗുർബാസ്(w), സുനിൽ നരെയ്ൻ, അജിങ്ക്യ രഹാനെ(സി), വെങ്കിടേഷ് അയ്യർ, റിങ്കു സിംഗ്, മൊയിൻ അലി, ആന്ദ്രെ റസൽ, രമൺദീപ് സിംഗ്, ഹർഷിത് റാണ, വൈഭവ് അറോറ, വരുൺ ചക്രവർത്തി

പഞ്ചാബ് കിങ്‌സ് സാധ്യത പ്ലേയിങ് ഇലവൻ: പ്രഭ്‌സിമ്രാൻ സിംഗ്, പ്രിയാൻഷ് ആര്യ, ശ്രേയസ് അയ്യർ(c), ജോഷ് ഇംഗ്ലിസ്(w), നെഹാൽ വധേര, ശശാങ്ക് സിംഗ്, മാർക്കസ് സ്റ്റോയിനിസ്, മാർക്കോ ജാൻസൻ, സേവ്യർ ബാർട്ട്‌ലെറ്റ്, അർഷ്ദീപ് സിംഗ്, യുസ്‌വേന്ദ്ര ചാഹൽ

ഏപ്രിൽ 26 രാത്രി 7 30 ന് കൊൽക്കത്തയുടെ ഹോം ഗ്രൗണ്ടായ ഈഡൻ ഗാർഡനിൽ വെച്ചാണ് മത്സരം നടക്കുക.