അടുത്ത മത്സരത്തിൽ സഞ്ജു ഉണ്ടാകും? ആരാധകരെ ആവേശത്തിലാക്കി സഞ്ജുവിന്റെ പരിക്കിനെ കുറിച്ച് നിർണായക സൂചന നൽകി റോയൽസ്;

Authored byഅനുഷ ഗംഗാധരൻ | Samayam Malayalam | Updated: 15 May 2025, 2:53 pm

മലയാളി വിക്കറ്റ് കീപ്പർ ബാറ്റർ സഞ്ജു സാംസൺ ഇന്ത്യൻ പ്രീമിയർ ലീഗ് 2025 പുനരാരംഭിക്കുമ്പോൾ രാജസ്ഥാൻ റോയൽസിന് (ആർആർ ) വേണ്ടി കളിക്കാൻ മൈതാനത്ത് ഇറങ്ങുമോ എന്നതാണ് ഇപ്പോൾ ആരാധകർ ഉയർത്തുന്ന ചോദ്യം. ഈ സീസണിൽ സൂപ്പർ ഓവറിലേക്ക് വരെ നീങ്ങിയ ഡൽഹി ക്യാപിറ്റൽസ് - രാജസ്ഥാൻ റോയൽസ് മത്സരം നടക്കുമ്പോൾ ആദ്യം ബാറ്റിങ്ങിനിറങ്ങിയ രാജസ്ഥാന് വേണ്ടി കിടിലൻ പ്രകടനം നടത്തുമ്പോൾ ആയിരുന്നു സഞ്ജുവിന് പരിക്കേൽക്കുന്നത്.
സഞ്ജുവിന്റെ രാജസ്ഥാന് കനത്ത തിരിച്ചടി; സൂപ്പർ താരത്തിന് പരിക്ക്, ടീമിൽ നിർണായക മാറ്റം ഉടൻ
ഐപിഎൽ 2025 സീസണിൽ നിന്ന് രാജസ്ഥാൻ റോയൽസ് പുറത്തായതിന്റെ ഒരു പ്രധാന കാരണം സഞ്ജുവിന്റെ പരിക്കായിരുന്നു. പരിക്ക് കാരണം പിന്നീടുള്ള ഒരു മത്സരത്തിലും സഞ്ജുവിന് ഇറങ്ങാൻ സാധിച്ചില്ല. അതേസമയം ഐപിഎൽ 2025 പുനരാരംഭിക്കും എന്ന വാർത്ത പുറത്തുവന്നതോടെ ടീമുകൾ പരിശീലനം നടത്തുന്ന ദൃശ്യങ്ങള്‍ അതാത് ഫ്രാഞ്ചൈസികൾ തങ്ങളുടെ സോഷ്യൽ മീഡിയയിലെ ഒഫീഷ്യൽ പേജുകളിലൂടെ പുറത്തുവിട്ടിരുന്നു.

ഇത്തരത്തിൽ രാജസ്ഥാൻ റോയൽസ് നായകൻ പരിശീലന ക്യാമ്പിൽ തിരിച്ചെത്തിയ ഫോട്ടോ രാജസ്ഥാൻ റോയൽസും പുറത്തുവിട്ടു. ഈ ഫോട്ടോ സഞ്ജു സാംസണും ഷെയർ ചെയ്തു. ഇതോടെ താരം ഇനി ഈ സീസണിൽ അവശേഷിക്കുന്ന മത്സരങ്ങളിൽ കളിക്കും എന്ന് ആരാധകരും ഉറപ്പിച്ചു. ഇപ്പോഴിതാ സഞ്ജു സാംസണിന്റെ ഫിറ്റ്നെസിനെ കുറിച്ച് സുപ്രധാന അറിയിപ്പ് പുറത്തുവിട്ടിരിക്കുകയാണ് രാജസ്ഥാൻ റോയൽസ്. സഞ്ജു സാംസൺ നെറ്റ്സിൽ ബാറ്റ് ചെയുന്ന ഒരു വീഡിയോ റോയൽസ് പുറത്തുവിട്ടിരുന്നു. രാജസ്ഥാൻ റോയൽസിന്റെ നായകൻ സഞ്ജു സാംസണിന്റെ ബാറ്റിങ് വീഡിയോ കണ്ട ഏവരും ഒരുപോലെ പറഞ്ഞത് സഞ്ജു തന്റെ ഫിറ്റ്നെസ് തിരിച്ചെടുത്തു എന്നാണ്.
https://www.instagram.com/reel/DJqiZAosnN9/?utm_source=ig_web_copy_link&igsh=MzRlODBiNWFlZA==https://www.instagram.com/reel/DJqiZAosnN9/?utm_source=ig_web_copy_link&igsh=MzRlODBiNWFlZA==

മെയ് 18ന് പഞ്ചാബിനെതിരെ നടക്കുന്ന മത്സരത്തിൽ പ്ലേയിങ് ഇലവനിൽ സഞ്ജു ഉണ്ടാകും എന്ന ഉറപ്പാണ് ഇതോടെ ആരാധകർക്ക് ലഭിച്ചിരിക്കുന്നത്.

ഡൽഹി ക്യാപിറ്റൽസിനെതിരായ മത്സരത്തിനിടെ സഞ്ജുവിന് വാരിയെല്ലിന് പരിക്കേറ്റിരുന്നു. ഇതോടെയാണ് സഞ്ജുവിന് റോയൽസിന്റെ പ്ലേയിങ് ഇലവനിൽ നിന്ന് പുറത്തിരിക്കേണ്ടി വന്നത്. അതേസമയം ഇന്ത്യ പാക് സംഘർഷത്തെ തുടർന്ന് ടൂർണമെന്റ് ഒരു ആഴ്ചത്തേക്ക് സസ്‌പെൻഡ് ചെയ്തതോടെ പരിക്കിൽ നിന്ന് മുക്തനായി പരിശീലനം ആരംഭിക്കാനുള്ള സമയം മിക്ക താരങ്ങൾക്കും ലഭിച്ചിരുന്നു. ഇത് സഞ്ജുവിനും ഗുണം ചെയ്‌തു.

എന്നാൽ സഞ്ജു തിരിച്ചെത്തിയാലും ഇനി ഈ സീസണിൽ കാര്യമായ ചലങ്ങൾ സൃഷ്ടിക്കാൻ രാജസ്ഥാൻ റോയൽസിന് സാധിക്കില്ല. നിലവിൽ ആറ് പോയിന്റുമായി ഐപിഎൽ പോയിന്റ് ടേബിളിൽ ഒൻപതാം സ്ഥാനത്താണ് റോയൽസ്. ഐപിഎൽ 2025 ൽ നിന്ന് റോയൽസ് പുറത്താവുകയും ചെയ്തു.

അതേസമയം ഇന്ത്യ പാക് സംഘർഷത്തെ തുടർന്ന് നിർത്തിവെച്ച ഐപിഎൽ 2025 മെയ് 17 ന് പുനരാരംഭിക്കും. റോയൽ ചലഞ്ചേഴ്സ് ബെംഗളൂരു (ആർസിബി) - കൊൽക്കത്ത നൈറ്റ് റൈഡേഴ്സ് (കെകെആർ) മത്സരമാണ് 17 ന് നടക്കുക. ബെംഗളൂരിന്റെ ഹോംഗ്രൗണ്ടിൽ വെച്ചാണ് മത്സരം നടക്കുക. ആർസിബി 11 മത്സരങ്ങളിൽ നിന്ന് 8 വിജയങ്ങൾ നേടി രണ്ടാം സ്ഥാനത്താണ്. കെകെആറിനെതിരെ ജയിച്ചാൽ ഒന്നാം സ്ഥാനത്തേക്ക് ആർസിബി ഉയരും.

ഗുജറാത്ത് ടൈറ്റൻസ് ആണ് നിലവിൽ ഒന്നാം സ്ഥാനത്താണ്. ഐപിഎൽ 2022 ചാമ്പ്യന്മാർക്ക് 8 വിജയങ്ങളും 16 പോയിന്റുമുണ്ട്. ഐപിഎല്ലിന്റെ ശേഷിക്കുന്ന സീസണിൽ അവരുടെ മികച്ച ഫോം ബാറ്റ്സ്മാൻ ആയ ജോസ് ബട്ട്ലറുടെ സേവനം ഗുജറാത്തിന് നഷ്ടമായേക്കാം. അതേസമയം ജൂൺ 3 നാണ് ഐപിഎൽ 2025 സീസണിന്റെ ഫൈനൽ മത്സരം നടക്കുക.