അത്യുന്നതങ്ങളില്‍ കോഹ്‌ലി, ലോകത്ത് ഒന്നാമന്‍; പഞ്ചാബിനെ തകര്‍ത്ത് ആര്‍സിബിയുടെ കുതിപ്പ്

Authored byനിഷാദ് അമീന്‍ | Samayam Malayalam | Updated: 20 Apr 2025, 8:25 pm

രജത് പാട്ടിദാര്‍ ആണ് ക്യാപ്റ്റനെങ്കിലും റോയല്‍ ചാലഞ്ചേഴ്‌സ് ബെംഗളൂരു (Royal Challengers Bengaluru) എന്നാല്‍ വിരാട് കോഹ്‌ലി (Virat Kohli) യാണ്. പ്രഥമ ഐപിഎല്‍ മുതല്‍ ഫ്രാഞ്ചൈസിക്കൊപ്പമുള്ള സൂപ്പര്‍ താരം കുറച്ചുകാലമായി നായകസ്ഥാനം ഏറ്റെടുക്കാന്‍ തയ്യാറല്ലെങ്കിലും ടീമിനെ മുന്നില്‍ നിന്ന് നയിക്കുന്നു. പഞ്ചാബ് കിങ്‌സിനെതിരെ ഇന്ന് ഏഴ് വിക്കറ്റിന്റെ തകര്‍പ്പന്‍ ജയം നേടിയപ്പോള്‍ കോഹ്‌ലിയുടെ റെക്കോഡ് പ്രകടനം നിര്‍ണായകമായി. ഐപിഎല്ലില്‍ ഏറ്റവും കൂടുതല്‍ 50+ സ്‌കോറുകള്‍ നേടിയ കളിക്കാരനെന്ന റെക്കോഡ് ഇന്നത്തെ മാച്ചിലൂടെ കോഹ്‌ലി സ്വന്തം പേരില്‍ എഴുതിച്ചേര്‍ത്തു. 67 ഫിഫ്റ്റി പ്ലസ് സ്‌കോറുകള്‍ നേടുന്ന ലോകത്തിലെ ആദ്യ കളിക്കാരനായി. ഡേവിഡ് വാര്‍ണറുടെ 66 50+ സ്‌കോറുകള്‍ എന്ന റെക്കോഡ് കോഹ്‌ലിക്ക് വഴി മാറി.


ഐപിഎല്‍ 2025 സീസണിലെ തന്റെ നാലാമത്തെ അര്‍ധസെഞ്ചുറി നേടിയാണ് കോഹ്‌ലി ചരിത്രം സൃഷ്ടിച്ചത്. 43 പന്തുകളില്‍ ഈ നാഴികക്കല്ല് പിന്നിട്ട കോഹ്‌ലി 54 പന്തില്‍ 73* റണ്‍സ് നേടി വിജയംവരെ ക്രീസില്‍ തുടര്‍ന്നു. ഐപിഎല്ലില്‍ കോഹ്ലിയുടെ പേരില്‍ 59 അര്‍ധ സെഞ്ചുറികളും എട്ട് സെഞ്ചുറികളുമുണ്ട്.

https://www.instagram.com/reel/DIq5Dn-NCEK/https://www.instagram.com/reel/DIq5Dn-NCEK/
രജത് പാട്ടിദാര്‍ ആണ് ക്യാപ്റ്റനെങ്കിലും റോയല്‍ ചാലഞ്ചേഴ്‌സ് ബെംഗളൂരു എന്നാല്‍ വിരാട് കോഹ്‌ലിയാണ്. പ്രഥമ ഐപിഎല്‍ മുതല്‍ ഫ്രാഞ്ചൈസിക്കൊപ്പമുള്ള സൂപ്പര്‍ താരം കുറച്ചുകാലമായി നായകസ്ഥാനം ഏറ്റെടുക്കാന്‍ തയ്യാറല്ലെങ്കിലും ടീമിനെ മുന്നില്‍ നിന്ന് നയിക്കുന്നു. പഞ്ചാബ് കിങ്‌സിനെതിരെ ഇന്ന് ഏഴ് വിക്കറ്റിന്റെ തകര്‍പ്പന്‍ ജയം നേടിയപ്പോള്‍ കോഹ്‌ലിയുടെ റെക്കോഡ് പ്രകടനം നിര്‍ണായകമായി.

ഐപിഎല്ലില്‍ ഏറ്റവും കൂടുതല്‍ 50+ സ്‌കോറുകള്‍ നേടിയ കളിക്കാരനെന്ന റെക്കോഡ് ഇന്നത്തെ മാച്ചിലൂടെ കോഹ്‌ലി സ്വന്തം പേരില്‍ എഴുതിച്ചേര്‍ത്തു. 67 ഫിഫ്റ്റി പ്ലസ് സ്‌കോറുകള്‍ നേടുന്ന ലോകത്തിലെ ആദ്യ കളിക്കാരനായി. ഡേവിഡ് വാര്‍ണറുടെ 66 50+ സ്‌കോറുകള്‍ എന്ന റെക്കോഡ് കോഹ്‌ലിക്ക് വഴി മാറി.

സഞ്ജുവിന് ഒളിമ്പിക്‌സ് മെഡല്‍ നേടാന്‍ സുവര്‍ണാവസരം...! 2028 ഒളിമ്പിക്‌സില്‍ ടി20 ക്രിക്കറ്റും; ഉള്‍പ്പെടുത്തിയത് 128 വര്‍ഷങ്ങള്‍ക്ക് ശേഷം
ഐപിഎല്‍ 2025 സീസണിലെ തന്റെ നാലാമത്തെ അര്‍ധസെഞ്ചുറി നേടിയാണ് കോഹ്‌ലി ചരിത്രം സൃഷ്ടിച്ചത്. 43 പന്തുകളില്‍ ഈ നാഴികക്കല്ല് പിന്നിട്ട കോഹ്‌ലി 54 പന്തില്‍ 73* റണ്‍സ് നേടി വിജയംവരെ ക്രീസില്‍ തുടര്‍ന്നു. ഐപിഎല്ലില്‍ കോഹ്ലിയുടെ പേരില്‍ 59 അര്‍ധ സെഞ്ചുറികളും എട്ട് സെഞ്ചുറികളുമുണ്ട്.

158 റണ്‍സ് വിജയലക്ഷ്യം പിന്തുടര്‍ന്ന് ബാറ്റിങ് ആരംഭിച്ച കോഹ്ലി അനായാസമാണ് മുന്നോട്ടുനീങ്ങിയത്. കുറഞ്ഞ റണ്‍റേറ്റ് മതിയെന്നതിനാല്‍ റിസ്‌കി ഷോട്ടുകള്‍ക്ക് മുതിര്‍ന്നില്ല. ഫിലിപ് സാള്‍ട്ട്, ദേവ്ദത്ത് പടിക്കല്‍, രജത് പാട്ടിദാര്‍ എന്നിവരുടെ വിക്കറ്റുകള്‍ മാത്രം നഷ്ടപ്പെടുത്തി ആര്‍സിബി ജയിച്ചുകയറി.

ആദ്യ ഓവറില്‍ ഫിലിപ് സാള്‍ട്ടിനെ 1 (3) നഷ്ടമായെങ്കിലും തുടര്‍ന്നെത്തിയ ദേവ്ദത്ത് പടിക്കല്‍ കോഹ്‌ലിക്കൊപ്പം സ്‌കോര്‍ ബോര്‍ഡ് ചലിപ്പിച്ചു. 12.3 ഓവറില്‍ ടീം സ്‌കോര്‍ 109ല്‍ എത്തിയ ശേഷമാണ് ദേവദത്ത് പുറത്തായത്. 35 പന്തില്‍ 61 റണ്‍സെടുത്തു. നാല് സിക്‌സറുകളും അഞ്ച് ബൗണ്ടറികളും പായിച്ചു. ശേഷമെത്തിയ രജക് പാട്ടിദാര്‍ 13 പന്തില്‍ 12 റണ്‍സുമായി മടങ്ങിയെങ്കിലും ജിതേഷ് ശര്‍മ 11 (8) പുറത്താവാതെ നിന്നു. ഏഴ് പന്തുകള്‍ ശേഷിക്കെ ഏഴ് വിക്കറ്റ് വിജയവും കൊയ്തു.

ഹാര്‍ദിക് പാണ്ഡ്യയുടെ ബാറ്റിന്റെ പ്രശ്‌നമെന്ത്? അമ്പയര്‍ തടഞ്ഞുനിര്‍ത്തി പരിശോധിക്കാനുള്ള കാരണമിതാണ്
ടോസ് നഷ്ടപ്പെട്ട് ബാറ്റ് ചെയ്ത പഞ്ചാബിന് ആര്‍സിബിയുടെ ചിട്ടയായ ബൗളിങിന് മുന്നില്‍ ചെറിയ സ്‌കോര്‍ ആണ് നേടാന്‍ കഴിഞ്ഞത്. 20 ഓവര്‍ ബാറ്റ് ചെയ്തിട്ടും ആറ് വിക്കറ്റിന് 157 റണ്‍സേ ലഭിച്ചുള്ളൂ.

പ്രഭ്‌സിംറാന്‍ സിങ് 33 (17), ശശാങ്ക് സിങ് 31* (33), മാര്‍ക്കോ ജാന്‍സന്‍ 25* (20), പ്രിയാന്‍ഷ് ആര്യ 22 (15) എന്നിവരാണ് കൂടുതല്‍ റണ്‍സ് നേടിയവര്‍. ശ്രേയസ് അയ്യര്‍ ആറ് റണ്‍സിനും നെഹല്‍ വധേര അഞ്ച് റണ്‍സും മാര്‍ക്കസ് സ്റ്റോയിനിസ് ഒരു റണ്‍സിനും പുറത്തായി.

ആര്‍സിബിക്ക് വേണ്ടി ക്രുണാല്‍ പാണ്ഡ്യ, സുയാഷ് ശര്‍മ എന്നിവര്‍ രണ്ട് വിക്കറ്റ് വീതം വീഴ്ത്തി.