അന്ന് ബാറ്റിങ് കൊണ്ട് ഞെട്ടിച്ചു; ഇപ്പോൾ കോഹ്ലിയുടെ വിക്കറ്റ് എടുത്ത് വീണ്ടും ഞെട്ടിച്ചു, 50 ലക്ഷം നൽകി ഡൽഹി സ്വന്തമാക്കിയ ഇരുപതുകാരൻ

Edited byഅനുഷ ഗംഗാധരൻ | Samayam Malayalam | Updated: 11 Apr 2025, 11:40 am

Samayam Malayalamവിപ്രജ് നിഗം വിരാട് കോഹ്ലിയോടൊപ്പം

ഡൽഹി: ഐപിഎൽ പതിനെട്ടാം സീസണിലെ ഇരുപത്തിനാലാമത് മത്സരമായിരുന്നു കഴിഞ്ഞ ദിവസം ചിന്നസ്വാമി സ്റ്റേഡിയത്തിൽ നടന്നത്. ഈ സീസണിൽ ഇതുവരെ തോൽവി രുചിക്കാത്ത ഡൽഹി ക്യാപിറ്റൽസ് റോയൽ ചലഞ്ചേഴ്‌സ് ബാംഗ്‌ളുരിനെയാണ് നേരിട്ടത്. ഈ മത്സരത്തിലും ഡൽഹി പതിവ് തെറ്റിച്ചില്ല, ആർസിബിയുടെ ഹോം ഗ്രൗണ്ടിൽ വെച്ച് 13 പന്തുകൾ ബാക്കി നിൽക്കെ ലക്ഷ്യം മറികടന്നു. എന്നാൽ ഈ മത്സരശേഷം സോഷ്യൽ മീഡിയ ചർച്ച ചെയുന്നത് കിങ് കോഹ്ലിയുടെ പുറത്താകലും അതിന് കാരണമായ 20 കാരനെയും കുറിച്ചാണ്. മത്സരത്തിൽ രണ്ട് സിക്‌സറും ഒരു ഫോറും ഉൾപ്പടെ 14 പന്തിൽ നിന്ന് 22 റൺസ് നേടി ഡൽഹിയ്ക്ക് കടുത്ത വെല്ലുവിളിയായി നിൽക്കുമ്പോഴാണ് കോഹ്ലിയുടെ വിക്കറ്റ് ഇരുപതുകാരനായ വിപ്രജ് നിഗം സ്വന്തമാക്കുന്നത്. ഉത്തർപ്രദേശിലെ ബരബങ്കി സ്വദേശിയായ വിപ്രജിനെ കോഹ്ലി സിക്സറിന് പറത്തിയ അതെ ഓവറിൽ തന്നെയാണ് അദ്ദേഹം ഔട്ട് ആകുന്നതും. വിപ്രജ് നിഗം എന്ന സ്പിന്നറുടെ സ്ലോ ത്രോയിൽ കുടുങ്ങി കോഹ്ലി അടിച്ച പന്ത് സ്റ്റാർകിന്റെ കൈകളിൽ ഒതുങ്ങുകയായിരുന്നു. ഇതോടെ ഡൽഹിയുടെ പ്രധാന തലവേദന ഒഴിവായി.
'ഇനി ക്യാപ്റ്റൻ ആ യുവ വിക്കറ്റ് കീപ്പർ, മാറ്റങ്ങൾ സംഭവിക്കും'; ധോണിയുടെ ക്യാപ്റ്റൻസിയെക്കുറിച്ച് പ്രതികരിച്ച് റുതുരാജ് ഗെയ്ക്വാദ്

ഉത്തർപ്രദേശ് സ്വദേശിയായ വിപ്രജ് നിഗം യുപി ടി20 ലീഗിലൂടെയാണ് തിളങ്ങുന്നത്. 2024ൽ നടന്ന ടൂർണമെന്റിൽ 11 മത്സരങ്ങളിൽ നിന്ന് 20 വിക്കറ്റുകൾ നേടിയതാണ് വിപ്രജ് നിഗത്തിന്റെ കരിയറിലെ നാഴികക്കല്ലായി മാറിയത്. അതേസമയം ബൗളിങ്ങിൽ മാത്രമല്ല ബാറ്റിങിലും താരത്തിന്റെ പ്രകടനം ഏവരുടെയും പ്രശംസ പിടിച്ചുപറ്റിയിരുന്നു. ഈ സീസണിലെ ലക്‌നൗവിന്റെ ആദ്യ മത്സരത്തിലായിരുന്നു ഏവരെയും ഞെട്ടിച്ചുകൊണ്ടുള്ള വിപ്രജ് നിഗത്തിന്റെ ബാറ്റിങ് പ്രകടനം. 15 പന്തിൽ നിന്ന് 39 റൺസാണ് ആ മത്സരത്തിൽ നിഗം നേടിയത്. തോൽവി സാധ്യതകൾ ഉയർന്നു നിന്ന ആ മത്സരത്തിൽ നിഗത്തിന്റെ ഇന്നിങ്‌സ് ഡൽഹിയെ വിജയ വഴിയിലേക്ക് കൊണ്ടുചെന്നെത്തിക്കുന്നതായിരുന്നു. മെഗാ താരലേലത്തിൽ 50 ലക്ഷം നൽകിയാണ് ഡൽഹി ഈ താരത്തെ സ്വന്തമാക്കുന്നത്. എന്നാൽ കോടികൾ മൂല്യമുള്ള താരങ്ങളേക്കാൾ ഈ യുവ താരം വിജയശില്പി ആകുന്നു എന്നതാണ് ഇതിൽ ശ്രദ്ധേയം.


അതേസമയം കഴിഞ്ഞ മത്സരത്തിൽ ആദ്യം ബാറ്റ് ചെയ്ത റോയൽ ചലഞ്ചേഴ്‌സ് ബംഗ്ലുർ നിശ്ചിത 20 ഓവറുകളിൽ 7 വിക്കറ്റ് നഷ്ടത്തിൽ 163 റൺസ് നേടിയപ്പോൾ ഡൽഹി 17.5 ഓവറിൽ ലക്ഷ്യം മറികടന്നു. 93 റൺസ് നേടിയ കെ എൽ രാഹുലാണ്‌ ഡൽഹിയുടെ ടോപ് സ്കോറർ. വിപ്രജ് നിഗവും കുൽദീപ് യാദവും രണ്ട് വിക്കറ്റുകൾ വീതം നേടി. 37 റൺസ് വീതം നേടിയ ഫിൽ സാൾട്ടും ടിം ഡേവിഡുമാണ് ആർസിബിയുടെ ടോപ് സ്കോറർമാർ. ബുവനേശ്വർ കുമാർ രണ്ടും യഷ് ദയാൽ കൃണാൽ പാണ്ഡ്യ എന്നിവർ ഓരോ വിക്കറ്റ് വീതവും നേടി.