ആ സമയത്ത് മാനസികമായി ഞാനും വെല്ലുവിളികൾ നേരിട്ടു; ടോക്സിക്കായ ഒരാൾ മതി താളം തെറ്റിക്കാൻ; അന്ന് ഞാനെടുത്ത ഉറച്ചതീരുമാനം

Authored by: ഋതു നായർ|Samayam Malayalam•7 Jul 2025, 4:40 pm

ദിയകൃഷ്ണക്ക് എതിരെ ഒരുപറ്റം ആളുകൾ നടത്തുന്ന സൈബർ ആക്രമണത്തിന് നേരിട്ടും അല്ലാതെയും തങ്ങളുടെ അഭിപ്രായം പറയുകയാണ് താരങ്ങൾ. പെണ്ണിന്റെ ഒപ്പം ലേബർ റൂമിൽ കയറിയതിനെ ആയിരുന്നു പലർക്കും ചോദ്യം ചെയ്യാൻ ഉണ്ടായിരുന്നത്. ചോദ്യം ചെയ്യുന്നവരിൽ അധികവും പുരുഷ കേസരികൾ ആണെന്നുള്ളതാണ് മറ്റൊരു യാഥാർഥ്യം.

പ്രസവം എന്ന് പറയുന്നത് പ്രസവിക്കുന്ന ആ കുട്ടിയുടെ മാത്രം ഉത്തരവാദിത്വം ആണെന്ന് കരുതുന്ന പലരുടെയും മുൻപിൽ ഒരു മാതൃക ആവുകയാണ് ദിയ കൃഷ്ണയും കുടുംബവും. കുടുംബത്തിലെ ഓരോ അംഗവും പുതിയ അംഗത്തെ വരവേല്ക്കാന് വേണ്ടി ലേബർ റൂമിൽ കാത്തുനിൽക്കുന്നു, വേദന കൊണ്ട് പുളയുന്ന ദിയ എന്ന സ്ത്രീക്ക് മാനസിക പിന്തുണ നൽകി കൂടെ നിൽക്കുന്നു. അമ്മയുടെയും ഭർത്താവിന്റെയും സഹോദരങ്ങളുടെയും സാന്നിധ്യത്തിൽ അവൾ ഒരു കുഞ്ഞിന് ജന്മം നൽകുന്നു. പിറന്ന കുഞ്ഞിന്റെ ഉത്തരവാദിത്വം കൂടി ആ കുടുംബം മുഴുവൻ ഏറെറടുക്കുന്നു അതിനെയും വിമർശിക്കുന്നവർക്ക് എതിരെ ആണ് നടി സ്നേഹ ശ്രീകുമാർ പങ്കുവച്ച പോസ്റ്റ് ശ്രദ്ധേയം ആകുന്നത്..

സ്നേഹയുടെ വാക്കുകൾ

വളരെ സന്തോഷം തോന്നിയ ഫോട്ടോ.തന്റെ വേദനയിൽ കൂട്ടായി ഒരു കുടുംബം മുഴുവൻ കൂടെ നിൽക്കുന്നു, അത് നൽകുന്ന മാനസിക പിന്തുണ വലുതാണ്. ദിയ ശരിക്കും ഭാഗ്യവതി ആണ്, ഒപ്പം അടുത്തുനിന്നു മാറാതെ നിൽക്കുന്ന അശ്വിനും.. വർഷങ്ങൾക്കു ശേഷം ആ കുടുംബത്തിലേക്ക് ഒരു ആൺകുട്ടി വന്നത് അവരുടെ സന്തോഷം അവരുടെ സോഷ്യൽ മീഡിയയിലൂടെ അറിയിക്കുന്നതിൽ എന്ത് തെറ്റാണു ഉള്ളത്. നെഗറ്റീവ് കമന്റ്‌ ഇടുന്നവരോട് എത്രപേരുടെ വീടുകളിൽ സ്ത്രീകൾക്ക് വേണ്ട സമയത്തു മാനസിക പിന്തുണ കൊടുക്കാൻ സാധിക്കാറുണ്ട്?

ALSO READ: ഒരുവാക്ക് പോലും എന്നോട് പറഞ്ഞില്ല! എന്നെ ഭയന്നാകണം; വണ്ടി എങ്കിലും വിട്ടുതന്നൂടെ അവർക്കെന്ന് ഞാൻ പറയുകയും ചെയ്തു

സ്ത്രീയാകുമ്പോൾ അങ്ങിനെയൊക്കെയ, പണ്ട് ഇങ്ങനെ ഒന്നുമില്ലല്ലോ എന്ന് പറയുന്നവരോട് നിങ്ങൾ കുറച്ചു മാറ്റി ചിന്തിച്ചാൽ കുറച്ചു കൂടി സന്തോഷമുള്ളതാകും ജീവിതം . ഗർഭിണിയാകും മുതൽ പ്രസവസമയത്തും അതിനുശേഷം മാനസികവും ശാരീരികവുമായി 100% നോർമൽ അവസ്ഥയിലാകും വരെ സ്ത്രീക്ക് വേണ്ട പരിഗണനയും ശ്രദ്ധയും കൊടുക്കാൻ വീട്ടിലുള്ളവർ ശ്രദ്ധിക്കണം, അതല്ലങ്കിൽ അവരുടെ മനസിന്റെ താളം തെറ്റും.

60%എങ്കിലും അങ്ങിനെ മാനസികമായി പല വെല്ലുവിളികളും നേരിട്ട ആളാണ് ഞാൻ. ടോക്സിക്ക് ആയ ഒരാൾ മതി ഈ സമയത്തു നമ്മുടെ താളം തെറ്റിക്കാൻ.. അത്തരം ആളുകളെ ഇനി ജീവിതത്തിൽ അടുപ്പിക്കില്ല എന്ന ഉറച്ച തീരുമാനം എടുത്തു കഴിഞ്ഞാണ് സത്യത്തിൽ കുറച്ചെങ്കിലും ഞാൻ o ഓക്കേ ആയത്; സ്നേഹ കുറിച്ചു.