ആർസിബിക്ക് കനത്ത തിരിച്ചടി, ആ സൂപ്പർ താരം ഈ സീസണിൽ ഇനി കളിക്കില്ല? ടീമിന്റെ കരുത്തിനെ ബാധിക്കും

Curated byഗോകുൽ എസ് | Samayam Malayalam | Updated: 12 May 2025, 12:37 am

2025 സീസൺ ഇന്ത്യൻ പ്രീമിയർ ലീഗിൽ ( IPL 2025 ) ഉജ്ജ്വല ഫോമിൽ കളിക്കുന്ന ടീമാണ് റോയൽ ചലഞ്ചേഴ്സ് ബംഗളൂരു. ഇന്ത്യ - പാക് സംഘർഷങ്ങളുടെ പശ്ചാത്തലത്തിൽ ഐപിഎൽ ഒരാഴ്ചത്തേക്ക് നിർത്തിവെക്കുമ്പോൾ പോയിന്റ് പട്ടികയിൽ രണ്ടാം സ്ഥാനത്താണ് അവർ. തങ്ങളുടെ ആദ്യ കിരീടമാണ് ഇത്തവണ അവർ ലക്ഷ്യമിടുന്നത്. നിലവിൽ നിർത്തി വെച്ചിരിക്കുന്ന ഐപിഎൽ മത്സരങ്ങൾ അടുത്തയാഴ്ച പുനരാരംഭിക്കുമെന്നാണ് റിപ്പോർട്ട്. അതിനിടെ ഇപ്പോളിതാ റോയൽ ചലഞ്ചേഴ്സ് ബംഗളൂരുവിന് ആശങ്ക സമ്മാനിക്കുന്ന റിപ്പോർട്ട് പുറത്തു വന്നിരിക്കുന്നു. ടീമിന്റെ ഓസ്ട്രേലിയൻ സൂപ്പർ താരം ജോഷ് ഹേസൽ വുഡ് പരിക്കിന്റെ പിടിയിലാണെന്നും ഐപിഎല്ലിലെ ശേഷിക്കുന്ന മത്സരങ്ങളിൽ താരം കളിക്കുന്ന കാര്യം സംശയമാണെന്നുമാണ് സൂചന.

കിരീടം ലക്ഷ്യം വെക്കുന്ന ആർസിബിക്ക് കനത്ത തിരിച്ചടി സമ്മാനിക്കുന്ന വാർത്തയാണിത്. തോളിനേറ്റ പരിക്കിനെ തുടർന്ന് ആർസിബിയുടെ അവസാന മത്സരവും ജോഷ് ഹേസൽവുഡിന് നഷ്ടമായിരുന്നു. ഇതേ പരിക്ക് ഐപിഎല്ലിൽ നിന്നും താരത്തെ പുറത്താക്കിയേക്കുമെന്നാണ് റിപ്പോർട്ട്.


പരിക്കിനെ തുടർന്ന് ബോർഡർ - ഗവാസ്കർ ട്രോഫി പരമ്പരയിൽ നിന്ന് പുറത്തായ ജോഷ് ഹേസൽ വുഡിന് ശ്രീലങ്കക്ക് എതിരായ ടെസ്റ്റ് പരമ്പരയും, ഐസിസി ചാമ്പ്യൻസ് ട്രോഫിയും നഷ്ടമായി. ഈയടുത്ത് മാത്രം മത്സര ക്രിക്കറ്റിലേക്ക് തിരിച്ചെത്തിയ ജോഷ് ഹേസൽവുഡിനെ ഐപിഎല്ലിനിടെ വീണ്ടും കഷ്ടകാലം പിടികൂടിയിരിക്കുകയാണ്‌.

ഐപിഎല്‍ അടുത്തയാഴ്ച പുനരാരംഭിക്കും; ഫൈനലിന്റെ തീയതിയും വേദിയും മാറ്റിയേക്കും
2025 സീസൺ ഐപിഎല്ലിൽ ആർസിബി നടത്തുന്ന സ്വപ്ന കുതിപ്പിന് പിന്നിൽ സുപ്രധാന പങ്ക് വഹിച്ച താരം കൂടിയായിരുന്നു ജോഷ് ഹേസൽ വുഡ്. 10 കളികളിൽ 18 വിക്കറ്റുകളാണ് ഈ സീസണിൽ താരത്തിന്റെ സമ്പാദ്യം. ഈ സീസണിലെ വിക്കറ്റ് വേട്ടയിൽ മൂന്നാം സ്ഥാനത്താണ് അദ്ദേഹം. ഇതുവരെ കളിച്ച 11 കളികളിൽ നിന്ന് 16 പോയിന്റാണ് റോയൽ ചലഞ്ചേഴ്സ് ബംഗളൂരുവിന്റെ സമ്പാദ്യം. എട്ട് വിജയങ്ങൾ നേടിയ അവർ മൂന്ന് കളികളിൽ തോറ്റു. 16 പോയിന്റാണ് നിലവിൽ അവർക്കുള്ളത്.

ഇന്ത്യന്‍ ടെസ്റ്റ് ടീമില്‍ ആര്‍സിബി താരം തിരിച്ചെത്തുന്നു; സര്‍ഫറാസ് ഖാന് വഴിമാറേണ്ടി വരുമെന്ന് റിപോര്‍ട്ട്
ശേഷിക്കുന്ന മൂന്ന് കളികളിൽ ഒരു വിജയം കൂടി നേടാനായാൽ ആർസിബിക്ക് പ്ലേ ഓഫ് യോഗ്യത ഉറപ്പാക്കാം. ലക്നൗ സൂപ്പർ ജയന്റ്സ്, സൺ റൈസേഴ്സ് ഹൈദരാബാദ്, കൊൽക്കത്ത നൈറ്റ് റൈഡേഴ്സ് ടീമുകൾക്ക് എതിരെയാണ് ആർസിബിയുടെ ശേഷിക്കുന്ന മത്സരങ്ങൾ.