ഇതുവരെ ഞാനത് കണ്ടിട്ടില്ല! ഇനി ഒന്നിച്ച് കാണാനായിരിക്കും വിധി! ബേബി വന്നതിന് ശേഷം ചെയ്യാന്‍ പോവുന്ന കാര്യങ്ങളെക്കുറിച്ച് ദിയയും അശ്വിനും

Authored by: നിമിഷ|Samayam Malayalam•24 May 2025, 1:03 pm

വരാനിരിക്കുന്ന കുഞ്ഞിനെക്കുറിച്ചുള്ള പ്രതീക്ഷകളും ദിയ കൃഷ്ണയും അശ്വിന്‍ ഗണേഷും പങ്കുവെക്കുന്നുണ്ട്. വ്‌ളോഗിലൂടെയായി എല്ലാ വിശേഷങ്ങളും ഇവര്‍ പങ്കിടുന്നുണ്ട്. അതിനിടയിലായിരുന്നു കുഞ്ഞിനൊപ്പമുള്ള യാത്രകളെക്കുറിച്ചും, ഒന്നിച്ച് മഞ്ഞുമഴ കാണുന്നതിനെക്കുറിച്ചും പറഞ്ഞത്.

ജനിച്ച് വീഴുമ്പോള്‍ തന്നെ തന്റെ കുഞ്ഞ് സെലിബ്രിറ്റിയായിരിക്കും എന്ന് ദിയ കൃഷ്ണ പറയുന്നു. എല്ലാവരുടെയും വ്‌ളോഗില്‍ നിറഞ്ഞുനില്‍ക്കുമായിരിക്കും. ആദ്യം തന്നെ തണുപ്പുള്ള സ്ഥലത്ത് കുഞ്ഞിനെ കൊണ്ടുപോവണമെന്നായിരുന്നു അശ്വിന്‍ പറഞ്ഞത്. അശ്വിന്‍ ഇതുവരെ സ്‌നോ കണ്ടിട്ടില്ല. ബേബി വന്ന് കഴിഞ്ഞ് ഇവരെ രണ്ടുപേരെയും ഒന്നിച്ച് സ്‌നോ കാണിക്കാനാണ് ആഗ്രഹം. ഞാന്‍ രണ്ടുപ്രാവശ്യം കണ്ടിട്ടുണ്ട്.

Also Read: ഹന്‍സുവും ഇഷാനിയും കളിയാക്കിയത് വെറുതെയായില്ല! ഹൃദയം കൊണ്ട് പകര്‍ത്തിയ കാഴ്ചകള്‍! അഹാന കൃഷ്ണയുടെ ബാലി ചിത്രങ്ങള്‍ വൈറല്‍

അപ്പോഴെല്ലാം അശ്വിനെ വീഡിയോ കോള്‍ ചെയ്തിരുന്നു. സ്‌നോഫോളുണ്ട്, അതേക്കുറിച്ച് ഞാന്‍ അന്ന് പറഞ്ഞിരുന്നു. അശ്വിന് അത് ഞാന്‍ തന്നെ കാണിച്ച് തരും, വേറെ ആരുടേയും കൂടെ പോയി കാണരുതെന്ന് ഞാന്‍ പറഞ്ഞിട്ടുണ്ട്. അത് ബേബിയുടെ കൂടെ കാണണമെന്നായിരിക്കും വിധി. ഞങ്ങള്‍ അവസാനമായി കാശ്മീരില്‍ പോയ സമയത്ത് അവിടത്തെ കാലാവസ്ഥ അനുകൂലമല്ലായിരുന്നു. സ്‌നോ ഇല്ലായിരുന്നു. ആ കൊച്ച് വന്നാലേ കാണാന്‍ കഴിയൂ എന്ന് അശ്വിന്‍ തന്നെ വിശ്വസിച്ച് തുടങ്ങിയെന്നും ദിയ പറഞ്ഞിരുന്നു.


കല്യാണം കഴിഞ്ഞ് ഒരുമാസം കഴിഞ്ഞപ്പോള്‍ പ്രഗ്നന്റാണോ എന്ന് ഡൗട്ടുണ്ടായിരുന്നു എനിക്ക്. ടെസ്റ്റ് ചെയ്ത് നോക്കിയപ്പോള്‍ നെഗറ്റീവായിരുന്നു റിസല്‍ട്ട്. ഇനി എന്റെ വല്ല പ്രശ്‌നവുമാണോ എന്നായിരുന്നു അശ്വിന്റെ ആശങ്ക. കല്യാണം കഴിഞ്ഞിട്ട് ഒരുമാസമായിട്ടല്ലേയുള്ളൂ, അടങ്ങ് എന്ന് പറഞ്ഞ് ഞാന്‍ ഇവനെ ആശ്വസിപ്പിച്ചിരുന്നു.

Also Read: എന്നാലും എന്റെ ചക്കീ ഇതെന്തൊരു മാറ്റമാണ്! പുലിമുരുകനിലെ ബാലതാരത്തിന്റെ ഇപ്പോഴത്തെ രൂപം! വൈറലായി ദുര്‍ഗയുടെ ചിത്രങ്ങള്‍

അന്ന് ടെസ്റ്റ് ചെയ്യാന്‍ മേടിച്ച കിറ്റ് ബാക്കിയുണ്ടായിരുന്നു. അങ്ങനെയാണ് നവംബറില്‍ അമ്മയുടെ ബര്‍ത്ത് ഡേയുടെ അന്ന് വീണ്ടും ടെസ്റ്റ് ചെയ്തത്. ബോറടിച്ചിരിക്കുകയായിരുന്നു ഞാന്‍. അങ്ങനെ ചെയ്തതാണ്. റിസല്‍ട്ട് പോലും നോക്കാതെ അത് വാഷ് ബേസന്റെ അവിടെ വെച്ചിട്ട് പോവുകയായിരുന്നു. കുറേ കഴിഞ്ഞ് വീണ്ടും ബാത്ത്‌റൂമില്‍ പോവുന്നതിനിടയിലാണ് അത് നോക്കുന്നത്. അന്നേരം രണ്ട് വരകള്‍ കണ്ടിരുന്നു.

തോന്നിയതായിരിക്കുമെന്ന് കരുതിയാണ് അശ്വിനോട് വന്ന് നോക്കാന്‍ പറഞ്ഞത്. ഇവന്‍ വന്ന് നോക്കിയപ്പോഴും അത് നിന്റെ തോന്നലായിരിക്കും എന്നാണ് പറഞ്ഞത്. ആരോടും പറയണ്ടല്ല അല്ലേ എന്നും പറഞ്ഞിരുന്നു. അതാലോചിച്ച് ടെന്‍ഷന്‍ വന്ന് തുടങ്ങിയപ്പോഴാണ് വ്യത്യസ്ത കമ്പനികളുടെ പ്രഗ്നന്‍സി കിറ്റ് മേടിച്ച് ടെസ്റ്റ് ചെയ്ത് തുടങ്ങിയത്. ഇതൊന്നും പോരാഞ്ഞ് അശ്വിന്റെ യൂറിന്‍ വെച്ചും ടെസ്റ്റ് ചെയ്തിരുന്നു. അപ്പോള്‍ ഒരു വരയേ വന്നുള്ളൂ. അപ്പോഴാണ് ഇത് കിറ്റിന്റെ പ്രശ്‌നമല്ലെന്ന് മനസിലാക്കിയത്.