ഇന്ന് രാജസ്ഥാൻ റോയൽസ് ജയിക്കണമെങ്കിൽ ഇക്കാര്യം നടക്കണം; കണക്കുകളിൽ ഗുജറാത്ത് തന്നെ മുന്നിൽ

Edited byലിജിൻ കടുക്കാരം | Samayam Malayalam | Updated: 28 Apr 2025, 2:01 pm

ജയ്പുർ: ഐപിഎൽ പതിനെട്ടാം സീസണിൽ പ്ലേ ഓഫ് സാധ്യതകൾ ഏറെക്കുറെ അവസാനിച്ച ടീമാണ് രാജസ്ഥാൻ റോയൽസ്. പോയിൻ്റ് പട്ടികയിൽ ഒൻപതാമതുള്ള രാജസ്ഥാൻ ഇന്ന് രണ്ടാം സ്ഥാനക്കാരായ ഗുജറാത്ത് ടൈറ്റൻസിനെ നേരിടുകയാണ്. സീസണിലെ മൂന്നാം ജയം രാജസ്ഥാൻ ലക്ഷ്യമിടുമ്പോൾ മറുവശത്ത് ഇന്നത്തെ മത്സരവും ജയിച്ച് പ്ലേ ഓഫ് ബർത്ത് ഉറപ്പിക്കാനാണ് ഗുജറാത്ത് ഇറങ്ങുന്നത്. തുടർതോൽവികളിലൂടെ കടന്നുപോകുന്ന രാജസ്ഥാൻ്റെ ഇന്നത്തെ മത്സരത്തിലെ സാധ്യതകൾ പരിശോധിക്കാം. നായകൻ സഞ്ജു സാംസണിൻ്റെ പരിക്കും താരങ്ങളുടെ ഫോമില്ലായ്മയുമാണ് സീസണിൽ ആർആർ നേരിടുന്ന പ്രധാന വെല്ലുവിളി. ഫിനിഷർ റോളിൽ ഒരു താരമില്ലാത്തതും മധ്യനിര ബാറ്റ്സ്മാന്മാർ തുടർച്ചയായി പരാജയപ്പെടുന്നതും ടീമിന് തലവേദനയായിട്ടുണ്ട്. അവസാനം കളിച്ച മൂന്ന് മത്സരങ്ങളിലും വിജയത്തിൻ്റെ വക്കോളമെത്തിയ ശേഷമായിരുന്നു രാജസ്ഥാൻ പരാജയപ്പെട്ടത്. അതിൽ ഒന്നാകട്ടെ സൂപ്പർ ഓവറിലും.
രാഹുലിനോട് കയര്‍ത്ത് വിരാട് കോഹ്‌ലി; പിന്നാലെ കിടിലന്‍ ഐപിഎല്‍ റെക്കോഡ്
കഴിഞ്ഞ മത്സരങ്ങളിലെല്ലാം അവസാന അഞ്ച് ഓവറിലാണ് തങ്ങൾ മത്സരം കൈവിട്ടതെന്ന് രാജസ്ഥാൻ റോയൽസ് ബൗളിങ് പരിശീലകൻ ഷെയ്ൻ ബോണ്ടും തുറന്ന് പറഞ്ഞുകഴിഞ്ഞു. ജയിക്കാവുന്ന സാഹചര്യങ്ങളിൽ എത്തിയിട്ടും സമ്മർദ്ദത്തെ അതജീവിക്കാനായില്ല. ഈ ഘട്ടങ്ങളിൽ എതിരാളികൾ തങ്ങളെക്കാൾ മികവ് പുറത്തെടുത്തു. സീസണ്‍ മികച്ച വിജയങ്ങളോടെ അവസാനിപ്പിക്കാനാണ് ഇനിയുള്ള മത്സരങ്ങളില്‍ ഞങ്ങള്‍ ശ്രമിക്കുകയെന്നും ഷെയ്ൻ ബോണ്ട് പറയുന്നു.

മറുവശത്ത് ഗുജറാത്ത് ടൈറ്റൻസ് എട്ട് മത്സരങ്ങളിൽ നിന്ന് ആറ് ജയവുമായി മികച്ച രീതിയിലാണ് മുന്നേറുന്നത്. രണ്ട് മത്സരം കൂടി ജയിച്ചാൽ പ്ലേ ഓഫ് ഉറപ്പിക്കാനാകും. നായകൻ ശുഭ്മാൻ ഗില്ലിന് കരുത്തായി സായ് സുന്ദർശനും പ്രസിദ് കൃഷ്ണയും മികച്ച ഫോമിലൂടെയാണ് കടന്നുപോകുന്നത്.

രാജസ്ഥാൻ റോയൽസ് - ഗുജറാത്ത് ടൈറ്റൻസ് മുഖാമുഖം

ആകെ മത്സരം - 7
രാജസ്ഥാൻ വിജയിച്ചത് - 1
ഗുജറാത്ത് വിജയിച്ചത് - 6
ജയ്പൂർ സവായ് മൻസിങ് സ്റ്റേഡിയത്തിൽ ഇരുടീമും ഏറ്റുമുട്ടിയപ്പോൾ രണ്ട് തവണയും ഗുജറാത്തിനായിരുന്നു ജയം.
ഡല്‍ഹി ക്യാപിറ്റല്‍സ് വീണു; ഏഴാം വിജയത്തോടെ ആര്‍സിബി ഒന്നാം സ്ഥാനത്ത്

രാജസ്ഥാൻ ജയിക്കണമെങ്കിൽ ഇക്കാര്യങ്ങൾ നടക്കണം

ജയ്പൂരിലെ ഇന്നത്തെ മത്സരത്തിൽ ജയിക്കണമെങ്കിൽ രാജസ്ഥാന് ടോസ് ജയിക്കേണ്ടതുണ്ട്. ടോസ് നേടി ആദ്യം ബാറ്റ് ചെയ്യുകയും 180 ന് മുകളിൽ റൺസ് നേടുകയും ചെയ്താൽ മത്സരത്തിൽ വിജയസാധ്യതയുണ്ട്. മത്സരം പുരോഗമിക്കുന്തോറും പിച്ചിൻ്റെ വേഗത കുറയുന്നതിനാൽ രണ്ടാമത് ബാറ്റ് ചെയ്യുന്നവർക്ക് മത്സരം ദുഷ്കരമായേക്കും. സ്പിന്നർമാർക്ക് അനുകൂലമാണ് പിച്ചിൻ്റെ സ്വഭാവം.

രാജസ്ഥാൻ റോയൽസ് സാധ്യതാ ഇലവൻ

ജുറൽ (WK), ഷിംറോൺ ഹെറ്റ്മെയർ, യശസ്വി ജയ്‌സ്വാൾ (C), വി സൂര്യവംശി, ആർ പരാഗ്, എൻ റാണ, ഹസരംഗ, സന്ദീപ് ശർമ്മ, ദേശ്പാണ്ഡെ, തീക്ഷണ, ജോഫ്ര ആർച്ചർ

ഗുജറാത്ത് ടൈറ്റൻസ് സാധ്യതാ ഇലവൻ

ജോസ് ബട്ട്‌ലർ (WK), ശുഭ്‌മാൻ ഗിൽ (C), സായ് സുദർശൻ, ഷെർഫാൻ റൂഥർഫോർഡ്, ഷാരൂഖ് ഖാൻ, ടെവാതിയ, സായ് കിഷോർ, വാഷിംഗ്ടൺ സുന്ദർ, റാഷിദ് ഖാൻ, പ്രസീദ് കൃഷ്ണ, മുഹമ്മദ് സിറാജ്