ഇപ്പോള്‍ ഓക്കെയാണ്! പരിപാടിക്കിടെ വേദിയില്‍ കുഴഞ്ഞുവീണ് വിശാല്‍! നേരെ ആശുപത്രിയിലേക്ക്! ആരോഗ്യനില തൃപ്തികരം

Authored byനിമിഷ | Samayam Malayalam | Updated: 12 May 2025, 3:30 pm

തമിഴകത്തിന്റെ പ്രിയനടന്‍മാരിലൊരാളാണ് വിശാല്‍. സിനിമയില്‍ മാത്രമല്ല സാമൂഹ്യപ്രവര്‍ത്തനങ്ങളുമായും സജീവമാണ് അദ്ദേഹം. പൊതുപരിപാടികളിലായാലും ആ സാന്നിധ്യം കാണാവുന്നതാണ്. കഴിഞ്ഞ ദിവസം ഒരു പരിപാടിയില്‍ പങ്കെടുക്കവെ അദ്ദേഹം കുഴഞ്ഞുവീണിരുന്നു.

ഈ വീഡിയോ സോഷ്യല്‍മീഡിയയിലൂടെ വൈറലായിക്കൊണ്ടിരിക്കുകയാണ്. തമിഴ്‌നാട്ടിലെ വിലുപുരത്ത് നടന്ന മിസ് കൂവഗം പരിപാടിക്കിടയിലായിരുന്നു സംഭവം. ഇതെന്താണ് അദ്ദേഹത്തിന് സംഭവിച്ചതെന്നായിരുന്നു ആരാധകരെല്ലാം ചോദിച്ചത്. നിമിഷനേരം കൊണ്ടായിരുന്നു വീഡിയോ വൈറലായി മാറിയത്.

Also Read: ഒരേ പാതയിലൂടെ സഞ്ചരിക്കുന്നവര്‍! വിഷ്ണുവിന്റെ നെഞ്ചോട് ചേര്‍ന്ന് സ്വാതി നിത്യാനന്ദ്! ആ ചിരി പറയും ഈ ബന്ധത്തിന്റെ തീവ്രത, ചിത്രം വൈറൽ

ട്രാന്‍സ്‌ജെന്‍ഡര്‍ സമൂഹത്തിന് വേണ്ടി സംഘടിപ്പിച്ച പരിപാടിയായിരുന്നു. വിശാല്‍ വേദിയിലെത്തിയപ്പോള്‍ പരിചയപ്പെടാനും, ഫോട്ടോ എടുക്കാനുമായി കുറേ ആളുകള്‍ അടുത്തെത്തിയിരുന്നു. അവരോട് സംസാരിക്കുന്നതിനിടയിലായിരുന്നു അസ്വസ്ഥത അനുഭവപ്പെട്ടത്. ഉടനെ തന്നെ അദ്ദേഹത്തിന് പ്രഥമശുശ്രൂഷ നല്‍കിയിരുന്നു. ആശുപത്രിയിലേക്ക് മാറ്റുകയായിരുന്നു പിന്നീട്.

പരിപാടിക്ക് പോവുന്നതിന് മുന്‍പ് ജ്യൂസ് മാത്രമായിരുന്നു അദ്ദേഹം കഴിച്ചത്. അതായിരിക്കാം വീഴ്ചയ്ക്ക് കാരണമെന്ന് റിപ്പോര്‍ട്ടുകളുണ്ട്. ഇപ്പോള്‍ ആരോഗ്യനില തൃപ്തികരണമാണെന്നുള്ള വിവരങ്ങളും പുറത്തുവന്നിട്ടുണ്ട്. നേരത്തെയും അദ്ദേഹത്തിന് ആരോഗ്യപ്രശ്നങ്ങളുണ്ടെന്ന വിവരങ്ങള് പ്രചരിച്ചിരുന്നു, അന്നത്തെ വീഡിയോയും വൈറലായിരുന്നു.

മദഗജരാജ സിനിമാപ്രമോഷനിടെ അദ്ദേഹത്തിന് കൈവിറച്ചത് വാര്‍ത്തയായിരുന്നു. നേരെ നില്‍ക്കാന്‍ പോലും കഴിയാത്ത അവസ്ഥയിലായിരുന്നു അദ്ദേഹം എത്തിയത്. ആളുകള്‍ ചേര്‍ത്തുപിടിച്ചാണ് വേദിയിലേക്ക് എത്തിച്ചത്. സംസാരിക്കുന്നതിനിടയിലും, മൈക്ക് പിടിക്കുന്നതിനിടയിലുമെല്ലാം അദ്ദേഹം വിറയ്ക്കുന്നുണ്ടായിരുന്നു. വിശാലിന് എന്താണ് സംഭവിച്ചതെന്നായിരുന്നു അന്നത്തെ ചോദ്യങ്ങള്‍.

Also Read: ബ്ലസിംഗ് മാത്രം തന്നെ സ്ഥലം! പ്രൊഫഷണലായും ഉയര്‍ച്ചയേ ഉണ്ടായിട്ടുള്ളൂ! എന്നിട്ടും യുകെ വിടുന്നതെന്തിനാണ്? ദുബായിലേക്ക് മാറുന്നതിന്റെ കാരണം പറഞ്ഞ് ലിന്റു റോണി

കടുത്ത പനിയുണ്ട് അദ്ദേഹത്തിന്. വിശ്രമിക്കാന്‍ നിര്‍ദേശിച്ചതാണ്. അതിനിടയിലാണ് സിനിമാപ്രമോഷന് വന്നതെന്നായിരുന്നു ചികിത്സിക്കുന്ന ഡോക്ടര്‍മാരുടെ വിശദീകരണം. അതുകഴിഞ്ഞ് ദിവസങ്ങള്‍ക്ക് ശേഷമായി ആരോഗ്യം വീണ്ടെടുത്തിരുന്നു. ഞാനിപ്പോള്‍ ഓക്കെയായെന്നും, ആരോഗ്യപ്രശ്‌നങ്ങളില്ലെന്നും അദ്ദേഹം വിശദീകരിച്ചിരുന്നു.

അഭിനയവും നിര്‍മാണവും മാത്രമല്ല സംവിധാനത്തിലും താല്‍പര്യമുണ്ടെന്ന് അദ്ദേഹം വ്യക്തമാക്കിയിരുന്നു. വര്‍ഷങ്ങളായി ആഗ്രഹിച്ച കാര്യമാണ്, വൈകാതെ തന്നെ ആ സ്വപ്‌നം സഫലീകരിക്കും. തുപ്പരിവാലന്‍ 2 ലൂടെയായിരിക്കും അത് സംഭവിക്കുകയെന്നായിരുന്നു അന്ന് അദ്ദേഹം പറഞ്ഞത്. സംവിധാനം നിസാര കാര്യമല്ല, വലിയൊരു ഉത്തരവാദിത്തം തന്നെയാണ്, അതറിഞ്ഞ് തന്നെയാണ് താനും ഇറങ്ങുന്നതെന്നും പറഞ്ഞിരുന്നു വിശാല്.

എന്ത് വന്നാലും വാശിയോടെ മുന്നേറുക എന്ന വാക്കുകളാണ് എനിക്ക് പ്രചോദനം. ഹാര്‍ഡ് വര്‍ക്ക് ചെയ്താല്‍ ഒന്നും പരാജയപ്പെടില്ല. ലക്ഷ്യത്തിനൊപ്പമായി മുന്നേറുക, ആ സ്വപ്‌നം സഫലമാവും എന്നാണ് പ്രിയപ്പെട്ടവരെല്ലാം എന്നോട് പറഞ്ഞിട്ടുള്ളതെന്നുമായിരുന്നു അന്ന് വിശാല്‍ പറഞ്ഞത്. സിനിമയുടെ ഭാഗമായു ലൊക്കേഷനുകളൊക്കെ കാണാനായി പോവുന്നതിനെക്കുറിച്ചും അന്ന് അദ്ദേഹം വ്യക്തമാക്കിയിരുന്നു.