എനിക്ക് വേണ്ടി എല്ലാം ചെയ്യുന്ന അമ്മ! അമ്മയാണ് എല്ലാം; ഇന്ന് ചെറിയ കുട്ടിയല്ല, വലുതായി സംഗീതത്തിലും താത്പര്യം: ആശംസകൾ നേർന്ന അമേയ

Authored byഋതു നായർ | Samayam Malayalam | Updated: 12 May 2025, 7:58 am

സ്റ്റാർകിഡ്സിൽ സോഷ്യൽ മീഡിയ എപ്പോഴും തേടുന്ന മുഖമാണ് ഗാന ഗന്ധർവ്വൻ യേശുദാസിന്റെ കൊച്ചുമകൾ അമേയ വിജയെ. അപ്പൂപ്പനെയും അച്ഛനെയും പോലെ സംഗീതമേഖലയിലേക്ക് അമേയ എത്തുമോ എന്നറിയാനുള്ള ആകാംഷ എപ്പോഴും ഉണ്ട് സംഗീതപ്രേമികൾക്ക്. വളരെ ചെറുപ്പത്തിൽ മുത്തച്ഛനൊപ്പം പാട്ടുപാടിയൊക്കെ ആരാധകരുടെ മനം കവർന്നിട്ടുണ്ട് അമേയ കുട്ടി.

ഇന്ന് ആ പഴയ കുഞ്ഞിപ്പെണ്ണല്ല ആള്. വലുതായി പത്താം ക്ലാസ്സ് എക്സാം എഴുതി റിസൾട്ട് കാത്തിരിക്കുകയാണെന്നാണ് സൂചന. അമ്മ ദർശനക്ക് ഒപ്പമാണ് ഇപ്പോൾ അമേയ ഉള്ളത്. അച്ഛനും അമ്മയും വേര്പിരിഞ്ഞപ്പോൾ അമേയയും അനുജനും ദര്ശനക്ക് ഒപ്പമായി. ഇപ്പോഴിതാ മാതൃദിനത്തിൽ അമ്മയ്ക്ക് ആശംസകൾ നേർന്നുകൊണ്ട് എത്തിയിരിക്കുകയാണ് താര പുത്രി. എനിക്ക് എല്ലാം ചെയ്തുനൽകുന്ന എനിക്കായി നിലകൊള്ളുന്ന അമ്മ ഐ ലവ് യൂ അമേയ കുറിച്ചു.

ALSO READ: ഒരു പരിപാടിക്ക് പത്തുലക്ഷം രൂപ ഒരു മാസം പത്തുപരിപാടി അവതരിപ്പിച്ചാൽ കോടികൾ; എങ്കിലും മഞ്ജു സിംപിൾ ആണ് പവർഫുള്ളും
പ്രണയിച്ച് ഒന്നായവരാണ് വിജയ് യേശുദാസും ദർശനയും. വിവാഹ ജീവിതത്തിലെ താളപ്പിഴകൾ വ്യക്തി ജീവിതത്തെ ബാധിച്ചിട്ടുണ്ടെന്ന് വിജയ് അടുത്തിടെ തുറന്ന് പറഞ്ഞിരുന്നു. മക്കളുടെ കാര്യത്തിൽ അച്ഛനും അമ്മയുമായി ഞങ്ങളെപ്പോഴും കൂടെയുണ്ടാവുമെന്നും വിജയ് തുറന്നു സമ്മതിച്ചു. അഞ്ചുവര്‍ഷം നീണ്ട പ്രണയത്തിനൊടുവില്‍ 2007-ലാണ് വിജയ്‌യും ദര്‍ശനയും വിവാഹിതരായത്.

ALSO READ: ലോകത്തിന്റെ ഏതോ ഒരു കോണിൽ നിന്ന് എന്നെ കാണുന്നുണ്ടാവും, ഓരോ നിമിഷവും അമ്മയെ വല്ലാതെ മിസ്സ് ചെയ്യുന്നു എന്ന് വീണ നായർ

അമേയയെ കൂടാതെ അവ്യാന്‍ എന്നൊരു മകനും വിജയ്ക്കും ദർശനക്കും ഉണ്ട്. അമേയയ്ക്ക് 15-ഉം അവ്യാന് 9-ഉം വയസാണ്. സംഗീതത്തിൽ താത്പര്യമുള്ള അമേയ പക്ഷെ ഇപ്പോൾ പഠനത്തിന് ആണ് കൂടുതൽ മുൻഗണന കൊടുക്കുന്നത്. ഇടയ്ക്കിടെ സ്‌കൂൾ വിശേഷങ്ങൾ ഒക്കെ സോഷ്യൽ മീഡിയ വഴി അമേയ പങ്കിടാറുണ്ട്. മകൾ സ്‌കൂളിൽ നിന്നും ഉന്നത വിജയം നേടിയ അവസരത്തിലും വിജയെ ടാഗ് ചെയ്തുകൊണ്ട് ദർശന പോസ്റ്റുകൾ പങ്കിട്ടിരുന്നു

ALSO READ:അടിപൊളി, കിടിലം ലുക്കിൽ മീനാക്ഷി ദിലീപ്; മാതൃദിനത്തിൽ മീനാക്ഷി എന്ത് പോസ്റ്റ് ചെയ്യും എന്ന് ചോദിച്ചവർക്കുള്ള മറുപടിയോ?തിരക്കുള്ള ബിസിനസ് കാരിയാണ് ഇന്ന് ദർശന. ഇവരുടെ ഓരോ നേട്ടങ്ങൾക്കും ആശംസകൾ നേർന്നുകൊണ്ട് വിജയ് എത്തുന്നത് അഭിനന്ദനീയം തന്നെയാണ്. വിജയ് സിനിമ രംഗത്ത് സജീവമാണ്. ആലാപനത്തിന് പുറമെ അഭിനയരംഗത്തിലേക്കും വിജയ് എത്തിയിരുന്നു.