എന്തുകൊണ്ട് ഹെന്റി കാവിലിനെ പുറത്താക്കി ഡേവിഡ് കോറൻസ്വെറ്റ് സൂപ്പർമാനായി; ചോദ്യങ്ങൾക്കുള്ള ഉത്തരം ഇതാ

Authored by: അശ്വിനി പി|Samayam Malayalam•11 Jul 2025, 4:08 pm

DC-യുടെ സൂപ്പർമാൻ ഈ വർഷം ആരാധകർ ഏറെ പ്രതീക്ഷയോടെ കാത്തിരിക്കുന്ന സിനിമകളിൽ ഒന്നാണ്. ടീസറുകളും ട്രെയിലറും മറ്റ് ക്ലിപ്പുകളും പുറത്ത് വന്നപ്പോൾ തന്നെ പ്രതീക്ഷകൾ ഒന്നുകൂടെ ബലപ്പെടുത്തി. എന്നിരുന്നാലും ചിത്രത്തിൽ ഹെൻറി കാവിൽ ഇല്ലല്ലോ എന്ന നിരാശ വർഷങ്ങളായി ഈ ഫ്രാഞ്ചസി ഫോളോ ചെയ്യുന്നവർക്കുണ്ട്

ഏകദേശം ഒരു ദശാബ്ദത്തോളമായി ഹെന്റി കാവിൽ ഈ സൂപ്പർഹീറോ കഥാപാത്രത്തെ അവതരിപ്പിക്കുകയും ആരാധകരുടെ ഇഷ്ടം നേടിയെടുക്കുകയും ചെയ്തതാണ്. മുൻ ഡിസി സിനിമകളിലെ കാവിലിന്റെ പ്രകടനങ്ങൾ നിരൂപകപ്രശംസ നേടിയിരുന്നു. എന്നിട്ടും, മികച്ച പ്രകടനം കാഴ്ചവെച്ചിട്ടും അദ്ദേഹത്തിന് പകരം ഡേവിഡ് കോറൻസ്വെറ്റ് എത്തിയതെന്തുകൊണ്ടാണ് എന്നാണ് ആരാധകരുടെ ചോദ്യം

Also Read: കല്യാണം കഴിക്കാൻ നേരം കിട്ടുന്നില്ല; നിശ്ചയം കഴിഞ്ഞിട്ട് മാസങ്ങളായല്ലോ, എന്താ കല്യാണം കഴിക്കാത്തത് എന്ന ചോദ്യത്തിന് ബെന്നി ബ്ലാങ്കോയുടെ മറുപടി

പുതിയ DC സ്റ്റുഡിയോസ് സഹ-CEO-മാരായ ജെയിംസ് ഗണ്ണും പീറ്റർ സഫ്രാനും ചേർന്ന് ഫ്രാഞ്ചൈസി റീബൂട്ട് ചെയ്യാനുള്ള തീരുമാനത്തിന്റെ ഭാഗമായാണ് കാവിലിനെ മാറ്റിയത്. പുതിയ സൂപ്പർമാൻ ചിത്രം സൂപ്പർമാന്റെ ജീവിതത്തിലെ ആദ്യകാലങ്ങളിലാണ് ശ്രദ്ധ കേന്ദ്രീകരിക്കുന്നത്. അതിനാൽ, അവർക്ക് ഒരു യുവതാരത്തെയായിരുന്നു ആവശ്യം. ജെയിംസ് ഗൺ വ്യക്തമാക്കിയത്, ഹെൻറി കാവിലിനെ തങ്ങൾ പുറത്താക്കിയതല്ല, അദ്ദേഹത്തെ ഒരിക്കലും പുതിയ പ്രോജക്റ്റിലേക്ക് കാസ്റ്റ് ചെയ്തിരുന്നില്ല എന്നാണ്. ഈ കഥയ്ക്ക് ഹെൻറി യോജിച്ചതല്ലെന്നും പുതിയ യൂണിവേഴ്സ് കെട്ടിപ്പടുക്കാൻ തങ്ങൾക്ക് സ്വാതന്ത്ര്യം വേണമെന്നും സംവിധായകൻ ജെയിംസ് ഗൺ അദ്ദേഹം പറഞ്ഞു.

ഡേവിഡ് കോറൻസ്വെറ്റ്, ജെയിംസ് ഗണ്ണിന്റെ പുതിയ കാഴ്ചപ്പാടിന് അനുയോജ്യനാണെന്ന് തെളിയിച്ചിട്ടുണ്ട്. സിനിമയുടെ ആദ്യ പ്രതികരണങ്ങളിൽ അദ്ദേഹത്തിന്റെ പ്രകടനം ഏറെ പ്രശംസിക്കപ്പെടുകയും, ഈ ചിത്രം DCU-ന് ഒരു പുതിയ തുടക്കം നൽകുന്നുവെന്നും ആരാധകർക്കിടയിൽ സംസാരമുണ്ട്.


ജെയിംസ് ഗണ്ണും പീറ്റർ സഫ്രാനും ഡിസി സ്റ്റുഡിയോസിന്റെ ചുമതലയേറ്റെടുത്തതിന് ശേഷമാണ് ഈ വലിയ മാറ്റങ്ങൾ വന്നത്. അവരുടെ പുതിയ പദ്ധതിയുടെ ഭാഗമായി നിർമ്മാണത്തിലിരുന്ന പല പ്രോജക്റ്റുകളും റദ്ദാക്കുകയോ വൈകിപ്പിക്കുകയോ ചെയ്തു. ഇതിൽ ഗാൽ ഗാഡറ്റിന്റെ വണ്ടർ വുമൺ 3, ബാറ്റ്ഗേൾ, കാവിലിന്റെ സൂപ്പർമാൻ എന്നിവയുടെ റദ്ദാക്കലുകളും ഉൾപ്പെടുന്നു. പുതിയ ടീമിന്റെ കാഴ്ചപ്പാടിൽ, മുൻപുണ്ടായിരുന്ന പല പ്രോജക്റ്റുകളും അവരുടെ ദീർഘകാല പദ്ധതിക്ക് അനുയോജ്യമായിരുന്നില്ല. അതുകൊണ്ടാണ് ചില ചിത്രങ്ങൾ റദ്ദാക്കുകയും പുതിയവയ്ക്ക് തുടക്കമിടുകയും ചെയ്തത്.