എന്നിലെ ചേരാത്ത എന്തോ ഒന്ന് നീക്കം ചെയ്യുകയാണ്! ഉടലിനെ രണ്ടായി പിളര്‍ത്തി നീണ്ട 14 മണിക്കൂര്‍! ആ ദിവസം എത്തിയെന്ന് രഞ്ജു

Authored by: നിമിഷ|Samayam Malayalam•17 May 2025, 3:36 pm

സെലിബ്രിറ്റി മേക്കപ്പ് ആര്‍ടിസ്റ്റായ രഞ്ജുരഞ്ജി സോഷ്യല്‍മീഡിയയിലൂടെ വിശേഷങ്ങള്‍ പങ്കുവെക്കാറുണ്ട്. പൂര്‍ണമായും സ്ത്രീ ആവാനുള്ള തയ്യാറെടുപ്പിലാണ് താന്‍ എന്ന് രഞ്ജു നേരത്തെ വ്യക്തമാക്കിയിരുന്നു. സര്‍ജറിയെക്കുറിച്ച് പറഞ്ഞുള്ള പോസ്റ്റാണ് ഇപ്പോള്‍ ശ്രദ്ധേയമായിക്കൊണ്ടിരിക്കുന്നത്.

രണ്ട് കൈകാലുകൾ ബന്ധിച്ച് ഓർമ്മകൾ മാഞ്ഞു പോയി. ഇനിയൊരു മടക്കയാത്ര ഉണ്ടാകുമോ എന്ന ആശങ്കയിൽ എന്റെ ഉടലിനെ രണ്ടായി പിളർത്തി നീണ്ട 14 മണിക്കൂർ, ആ ദിവസം ഇന്നാണ് പെണ്ണാകുക. എന്നിലെ ചേരാത്ത എന്തോ ഒന്ന് നീക്കം ചെയ്യുക ഒരു ദിവസം എങ്കിൽ ഒരു ദിവസം എനിക്ക് ഞാനായി ജീവിക്കാൻ ഞാൻ തിരഞ്ഞെടുത്ത ദിവസം.

Also Read: പ്രണയം തുടങ്ങി രണ്ടാം മാസം പ്രഗ്നന്റായി! ബന്ധം കൂടുതല്‍ ദൃഢമായത് ഇലൈയുടെ വരവോടെ! ജഗതിനൊപ്പമുള്ള ജീവിതത്തെക്കുറിച്ച് അമല പോള്‍

നിങ്ങൾക്ക് ഞങ്ങളുടെ മനസ്സ് കാണാൻ കഴിയില്ല ലോകം എത്ര പുരോഗമിച്ചാലും ഇനിയും ഇനിയും ഇവിടെ ഉത്ഭവിച്ചുകൊണ്ടേ ഇരിക്കും നിങ്ങള്ക്ക് തടയാൻ ആവില്ല. സ്നേഹം, പരിഗണന, ഉൾകൊള്ളാൻ ഒന്നും ആവശ്യപ്പെട്ടു ഞങ്ങൾ വരുന്നില്ല. ഈ ജീവിതം എനിക്കും എന്നെ പോലെ അനേകായിരം പേർക്കും വിലപ്പെട്ടതാണ് വെറുതെ വിടാമോ എന്നായിരുന്നു കുറിപ്പ്. നിമിഷനേരം കൊണ്ടായിരുന്നു കുറിപ്പ് വൈറലായി മാറിയത്.


ഹാപ്പി വര്‍ഷ പൂജ അമ്മ എന്നായിരുന്നു സൂര്യ ഇഷാന്റെ കമന്റ്. കൂടുതല്‍ ശക്തയായി തിരിച്ചുവരൂ എന്നായിരുന്നു താര കല്യണ്‍ കമന്റ് ചെയ്തത്. എല്ലാം വേഗം ശരിയായി വരും. ഞങ്ങളെല്ലാം നിങ്ങളെ ചേര്‍ത്തുപിടിക്കാനുണ്ടെന്ന പ്രതികരണവും പോസ്റ്റിന് താഴെയുണ്ട്. സര്‍ജറിയെക്കുറിച്ച് സംശയം ചോദിച്ചെത്തിയവരുമുണ്ടായിരുന്നു. ഇത്രയും വേദന സഹിച്ച് സ്ത്രീയായി മാറുന്നതിനെക്കുറിച്ചും കമന്റുകളുണ്ടായിരുന്നു.

Also Read: അലറിക്കരയാനാണ് ഞാന്‍ പോവുന്നത്! സമയമാവുമ്പോള്‍ അമ്മ എല്ലാം ചെയ്‌തോളും! ഇനി വെള്ളത്തില്‍ ചാടാന്‍ ഒരാളും കൂടെ! വരാനിരിക്കുന്ന ആളെക്കുറിച്ചുള്ള പ്രതീക്ഷകള്‍

ഞാനും പലപ്പോഴും ആലോചിച്ചിട്ടുണ്ട് ഇത്രയധികം വേദനകൾ സഹിച്ചു, ഒന്നിൽ കൂടുതൽ സർജറികൾ നിങ്ങളെപ്പോലെ ഉള്ളവർ ചെയ്യുന്നത് അത് ഒരു സ്ത്രീ ശരീരം നേടാൻ എത്രമാത്രം ആഗ്രഹിച്ചിട്ടാണെന്ന്. വെറുതെ ഒരു തോന്നലിന്റെ പുറത്തു ആരും ഇത്രയധികം വേദനകൾ അറിഞ്ഞുകൊണ്ട് ഏറ്റു വാങ്ങുകയില്ലല്ലോ. രെഞ്ജു നിങ്ങളെയും, നിങ്ങളെപ്പോലെ സർജറി ചെയ്ത എല്ലാ പ്രിയപ്പെട്ടവരോടും സ്നേഹം എന്നായിരുന്നു ഒരാളുടെ പ്രതികരണം. അതിന് താഴെ സ്നേഹം അറിയിച്ച് രഞ്ജു എത്തിയിരുന്നു.

കാലങ്ങളായി ഇതേക്കുറിച്ചുള്ള ചോദ്യങ്ങള് നേരിടുന്നുണ്ടായിരുന്നു രഞ്ജു. ആരുടേയും ജീവിതത്തില് ഇടപെടുന്നില്ലെങ്കിലും തന്നെ എന്തിനാണ് ഇങ്ങനെ വേദനിപ്പിക്കുന്നതെന്നായിരുന്നു ചോദ്യം. അന്നത്തെ പോസ്റ്റും വൈറലായിരുന്നു. അന്നും ആശ്വാസവാക്കുകളുമായി പ്രിയപ്പെട്ടവരെത്തിയിരുന്നു.