എന്റെ ഫെയിമും പണവും കണ്ട് വന്നവനല്ല അശ്വിൻ എന്ന് ദിയ പറഞ്ഞത് ഇതുകൊണ്ടാണ്; പ്രസവിക്കാൻ പോകുമ്പോഴും തിരിച്ചു വന്നപ്പോഴും അശ്വിൻ നൽകിയ സർപ്രൈസ്

Authored by: അശ്വിനി പി|Samayam Malayalam•9 Jul 2025, 2:29 pm

സർപ്രൈസുകൾ വളരെ അധികം ഇഷ്ടപ്പെടുന്ന ആളാണ് ദിയ കൃഷ്ണ. അത് ഒരു കുഞ്ഞു പൂച്ചെണ്ടാണെങ്കിൽ പോലും ദിയയ്ക്ക് ഇഷ്ടമാണ്. ഇപ്പോൾ ദിയ കൃഷ്ണയുടെ പ്രസവ വീഡിയോയും, പിന്തുണയും സ്നേഹവും നൽകിയ ഭർത്താവിനെയും കുടുംബത്തെയും കുറിച്ചാണ് സോഷ്യൽ മീഡിയയിൽ മുഴുവൻ സംസാരം. ദിയ ഭാഗ്യവതിയാണ്, ഇത്രയധികം സ്നേഹിക്കുന്നവർ ചുറ്റും നിൽക്കുന്നത് തന്നെ വലിയ ധൈര്യവും ശക്തിയുമാണെന്ന് സോഷ്യൽ മീഡിയയിൽ ആളുകൾ പറയുന്നു.

ഈ ചൂടിൽ നിൽക്കുമ്പോഴിതാ പുതിയ വീഡിയോ കൂടെ ഓസി ടാക്കീസിൽ എത്തിയിരിക്കുന്നു. ഈ വീഡിയോ മുൻകൈ എടുത്ത് ചെയ്തിരിക്കുന്നത് അശ്വിനാണ്. പ്രസവിക്കാനായി പോകുന്നതിന് മുൻപും, പ്രസവം കഴിഞ്ഞ് തിരിച്ച് വന്നപ്പോഴും ദിയയ്ക്ക് നൽകിയ സർപ്രൈസിനെ കുറിച്ചുള്ള ഒരു കുഞ്ഞു വീഡിയോ ആണ് ഓസി ടാക്കീസിൽ ഏറ്റവുമൊടുവിൽ എത്തിയിരിക്കുന്നത്.

Also Read: മാധൂവിന് ഇത്രയും സുന്ദരിയായ മകളോ? സഹോദരിമാരാണോ എന്ന് ചോദ്യം വേണ്ട; മക്കളുണ്ടാവാൻ വേണ്ടി മാത്രം കല്യാണം കഴിച്ച നടി!

പൂക്കൾ ഇഷ്ടമായ ഓസിയ്ക്ക്, ആശുപത്രിയിലേക്ക് പോകുന്നതിന് മുൻപേ ഒരു മനോഹരമായ ബൊക്കയും, ഒരു റെഡ് ഓകസിജൻ ബലൂണും അശ്വിൻ നൽകിയിരുന്നു. പിറക്കാൻ പോകുന്ന കുഞ്ഞിന് വേണ്ടി കൂടെയാണ് ഈ വീഡിയോ, നിന്റെ വരവ് ഞങ്ങൾ എത്രത്തോളം ആഘോഷിക്കുന്നു എന്ന് നീ നാളെ അറിയണം എന്ന് അശ്വിൻ പറയുന്നുണ്ട്. പ്രസവത്തിന് ശേഷം റൂമിലേക്ക് മാറ്റുമ്പോൾ, അവിടെയും നീല ബലൂണും മറ്റ് സാധനങ്ങളും കൊണ്ട് അലങ്കരിച്ചിരിക്കുകയായിരുന്നു. അതും ദിയയ്ക്കൊരു സർപ്രൈസ് ആയി.

ദിയയും അശ്വിനും വീട്ടുകാരും മാത്രമല്ല, അവരെ ചുറ്റിനിൽക്കുന്നവരും എത്രത്തോളം സന്തോഷവും സ്നേഹവും നൽകുന്നു എന്നും ഈ വീഡിയോയിൽ കാണാം. കാർ ഡ്രൈവർ ആയ മനോജ്, ദിയ ആശുപത്രിയിലേക്ക് പോകുമ്പോൾ രാവിലെ അമ്പലത്തിൽ പോയി എന്നറിഞ്ഞത് അശ്വിനും ദിയയ്ക്കും ഒരുപോലെ ഷോക്കിങും സന്തോഷവും ആയിരുന്നു. റൂം ഡെക്കറേറ്റ് ചെയ്യാനെല്ലാം മനോജ് കൂടെ തന്നെയുണ്ടായിരുന്നു.


ഈ അവസരത്തിലാണ് മുൻപൊരു അഭിമുഖത്തിൽ അശ്വിനെ കുറിച്ച് ദിയ പറഞ്ഞ കാര്യങ്ങളും വീണ്ടും വൈറലാവുന്നത്. എന്റെ മുൻ റിലേഷൻ ഷിപ്പുകളിൽ എല്ലാം എന്റെ ഫെയിമും കാശും കണ്ട് വന്നവരാണ്. എവിടെ പോയാലും ആദ്യം എന്റെ കാർഡ് എടുത്താണ് സ്വയിപ് ചെയ്യുന്നത്. പക്ഷേ അശ്വിൻ അങ്ങനെയല്ല, ഒരിക്കൽ പോലും എന്റെ ഫെയിമോ കാശോ അശ്വിൻ നോക്കിയിട്ടില്ല. സുഹൃത്തായിരുന്നപ്പോൾ പോലും ഒരു ഫോട്ടോ എടുത്ത് പോസ്റ്റ് ചെയ്യാനോ ഡിഎം ചെയ്യാനോ ആവശ്യപ്പെട്ടില്ലില്ല. അശ്വിന് വേണ്ട സാധനങ്ങൾ കാശ് കൊടുത്ത് അയാൾ തന്നെയാണ് വാങ്ങുന്നത്. എന്റെ നല്ലതും ചീത്തയും എല്ലാം കണ്ടും അറിഞ്ഞും എന്നെ സ്നേഹിച്ച ആളാണ് എന്നാണ് ദിയ പറഞ്ഞത്.