എല്ലാത്തിനും കാരണം കെനിഷ തന്നെ! ആ വസ്ത്രധാരണത്തില്‍ അറിയാം അവരുടെ സ്വഭാവം! രവി മോഹനെയും ആര്‍തിയേയും കുറിച്ച് ചാര്‍മ്മിള

Samayam Malayalam•24 May 2025, 4:18 pm

രവി മോഹന്റെയും ആര്‍തിയുടെയും വിവാഹമോചനം സോഷ്യല്‍മീഡിയയിലും വലിയ ചര്‍ച്ചയാണ്. പ്രണയവിവാഹത്തിലൂടെ ഒന്നായ ഇവര്‍ മക്കളെ വിചാരിച്ചെങ്കിലും തീരുമാനം മാറ്റുമെന്നാണ് കരുതിയത് എന്നായിരുന്നു ആരാധകര്‍ പറഞ്ഞത്. വിവാഹ ജീവിതം വിചാരിച്ചത് പോലെയേ ആയിരുന്നില്ല എന്നായിരുന്നു രവി മോഹന്‍ പറഞ്ഞത്. ആര്‍തിയുമായി ഒന്നിച്ച ശേഷം കരിയറിലും, ജീവിതത്തിലും സംഭവിച്ച കാര്യങ്ങളെക്കുറിച്ചെല്ലാം അദ്ദേഹം തുറന്നുപറഞ്ഞിരുന്നു.

മറ്റൊരു ബന്ധത്തിലേക്ക് പോവാന്‍ വേണ്ടിയാണ് അദ്ദേഹം ഇങ്ങനെയൊരു തീരുമാനം എടുക്കുന്നതെന്നായിരുന്നു ആര്‍തിയുടെ ആരോപണം. അതേക്കുറിച്ചുള്ള തെളിവുകള്‍ കൈയ്യിലുണ്ടെന്നും, അത് കോടതിയില്‍ ഏല്‍പ്പിക്കുമെന്നും ആര്‍തി പറഞ്ഞിരുന്നു. സെലിബ്രിറ്റികളും, ആരാധകരുമെല്ലാം ഈ വിഷയത്തില്‍ അഭിപ്രായം രേഖപ്പെടുത്തിയിരുന്നു. ഇപ്പോഴിതാ ചാര്‍മ്മിളയുടെ വാക്കുകളാണ് വൈറലായിക്കൊണ്ടിരിക്കുന്നത്. തമിഴ് യൂട്യൂബ് ചാനലിന് നല്‍കിയ അഭിമുഖത്തിലായിരുന്നു ചാര്‍മ്മിള ഇവരെക്കുറിച്ച് സംസാരിച്ചത്. ഗായിക കെനിഷയെക്കുറിച്ചും അവര്‍ സംസാരിച്ചിരുന്നു.

Also Read: ഇതുവരെ ഞാനത് കണ്ടിട്ടില്ല! ഇനി ഒന്നിച്ച് കാണാനായിരിക്കും വിധി! ബേബി വന്നതിന് ശേഷം ചെയ്യാന്‍ പോവുന്ന കാര്യങ്ങളെക്കുറിച്ച് ദിയയും അശ്വിനും

ഇപ്പോഴത്തെ വിഷയങ്ങളെല്ലാം കാണുന്നുണ്ട്. മക്കളെക്കുറിച്ച് ആര്‍തി പറഞ്ഞ ടെന്‍ഷന്‍ മനസിലാക്കാവുന്നതേയുള്ളൂ. അവരെ കാണാന്‍ ഓഫീസിലോ, അവരുടെ വീട്ടിലോ വെച്ച് കാണാം എന്നല്ലേ പറഞ്ഞത്. അതില്‍ പ്രശ്‌നങ്ങളൊന്നുമില്ല അവരുടെ ജീവിതത്തില്‍ എന്താണ് സംഭവിച്ചതെന്ന് എനിക്കറിയില്ല. പുറമെ നിന്ന് എല്ലാം നോക്കിക്കാണുന്ന ഒരാളാണ് ഞാന്‍. ആര്‍തിയും രവിയും വിചാരിച്ചാല്‍ പരിഹരിക്കാവുന്ന പ്രശ്‌നങ്ങളേ ഉള്ളൂവെന്നാണ് മനസിലാക്കുന്നത്. കെനിഷയുടെ ഇടപെടലില്ലായിരുന്നുവെങ്കില്, കുറച്ചുകാലമെടുത്താലും അവരൊന്നിച്ചേനെ എന്നാണ് തോന്നുന്നത്.

പള്ളിയില്‍ പാടിത്തുടങ്ങിയതാണ് കെനിഷ. വേദികളില്‍ പാടുമ്പോഴുള്ള അവരുടെ വസത്രധാരണം എത്ര മോശമാണ്, ഇങ്ങനെയാണോ ഗായികമാരൊക്കെ. രവി മോഹനൊപ്പം പുറത്ത് പോവുമ്പോളും ഗ്ലാമറസായാണ് അവര്‍ വരുന്നത്. അടുത്തിടെ കണ്ട വീഡിയോയിലെ വസ്ത്രം എത്ര മോശമാണ്. ഇങ്ങനെയൊക്കെ പുറത്തിറങ്ങുന്നത് ശരിയാണോ. ഇങ്ങനെയൊരാളുടെ കൂടെ ഭര്‍ത്താവ് കൈകോര്‍ത്ത് പോവുമ്പോള്‍ അതിന്റെ മോശം ആര്‍തിക്കല്ലേ എന്നും ചാര്‍മ്മിള ചോദിക്കുന്നു.

ഞാന്‍ കാരണമല്ല അവര്‍ പിരിയുന്നതെന്നായിരുന്നു കെനിഷ പ്രതികരിച്ചത്. രവി മോഹന്റെ കാര്യങ്ങളെല്ലാം എനിക്കും അറിയാം. വിവാഹമോചിതനാവുമെന്ന് അദ്ദേഹം നേരത്തെ തീരുമാനിച്ചതാണ്. എനിക്ക് അതില്‍ പങ്കൊന്നുമില്ല. നല്ലൊരു കുടുംബത്തില്‍ ജനിച്ച ആളാണ് ഞാന്‍, എന്തിനാണ് ഇവരുടെ കാര്യം പറഞ്ഞ് എന്നെ ഇങ്ങനെ വേട്ടയാടുന്നത്. ഇപ്പോള്‍ വധഭീഷണി വരെ വരുന്നുണ്ട്. അധികം വൈകാതെ സത്യങ്ങളെല്ലാം പുറത്തുവരും. ഇന്ന് മോശം പറയുന്നവരെല്ലാം അന്ന് കാര്യങ്ങള് മനസിലാക്കുമെന്നുമായിരുന്നു കെനിഷ പ്രതികരിച്ചത്.