ഐപിഎല്ലില്‍ ചരിത്രം സൃഷ്ടിച്ച് വിരാട് കോഹ്ലി; ഈ നേട്ടം കൈവരിക്കുന്ന ലോകത്തിലെ ആദ്യ ബാറ്റ്സ്മാന്‍

Authored byനിഷാദ് അമീന്‍ | Samayam Malayalam | Updated: 10 Apr 2025, 10:45 pm

Samayam Malayalamഡിസിക്കെതിരെ വിരാട് കോഹ്‌ലിയുടെ ബാറ്റിങ്‌

റെക്കോഡുകളുടെ തോഴന്‍ വിരാട് കോഹ്‌ലിക്ക് (Virat Kohli) ഇന്ത്യന്‍ പ്രീമിയര്‍ ലീഗില്‍ മറ്റൊരു ചരിത്ര നേട്ടം കൂടി. ബൗണ്ടറികളും സിക്‌സറുകളുമായി ആയിരം തവണ പന്ത് അതിര്‍ത്തി കടത്തുന്ന താരമെന്ന റെക്കോഡ് ആണ് കൈവരിച്ചത്. ഈ നേട്ടത്തിലെത്തുന്ന ലോകത്തിലെ ആദ്യ ബാറ്റ്‌സ്മാനാണ്. ഐപിഎല്‍ 2205ല്‍ (Ipl 2025) ആര്‍സിബിയുടെ അഞ്ചാം മത്സരത്തിലാണ് കോഹ്‌ലി നാഴികക്കല്ല് പിന്നിട്ടത്. ബെംഗളൂരു ചിന്നസ്വാമി സ്റ്റേഡിയത്തില്‍ ഡല്‍ഹി ക്യാപിറ്റല്‍സിനെതിരെ (ഡിസി) ഓപണറായി ക്രീസിലെത്തിയ കോഹ്‌ലി 14 പന്തില്‍ 22 റണ്‍സ് നേടി. രണ്ട് സിക്‌സറുകളും ഒരു ബൗണ്ടറിയും നേടി നന്നായി തുടങ്ങിയെങ്കിലും വലിയ ഇന്നിങ്‌സ് കളിക്കാന്‍ അദ്ദേഹത്തിനായില്ല.


പുതുമുഖ താരം വിപ്രജ് നിഗത്തിന്റെ (Vipraj Nigam)പന്തിലാണ് കോഹ്‌ലി പുറത്തായത്. ഉത്തര്‍പ്രദേശിലെ ബരാബങ്കില്‍ നിന്നുള്ള 20 കാരനായ ഓള്‍റൗണ്ടറാണ് വിപ്രജ് നിഗം. ഇന്നിങ്‌സിലെ ഏഴാം ഓവറിലാണ് പുറത്തായത്. ഈ ഓവറില്‍ കോഹ്‌ലി ഒരു സിക്‌സര്‍ പറത്തിയിരുന്നു. ഓവറിലെ അവസാന പന്തില്‍ വീണ്ടും കൂറ്റനടിക്ക് ശ്രമിച്ചപ്പോള്‍ മിച്ചല്‍ സ്റ്റാര്‍ക്കിന്റെ കൈകളില്‍ ഒതുങ്ങി. 157.14 എന്ന സ്‌ട്രൈക്ക് റേറ്റിലാണ് കോഹ്‌ലി ബാറ്റ് ചെയ്തത്.

സഞ്ജുവിന് ഒളിമ്പിക്‌സ് മെഡല്‍ നേടാന്‍ സുവര്‍ണാവസരം...! 2028 ഒളിമ്പിക്‌സില്‍ ടി20 ക്രിക്കറ്റും; ഉള്‍പ്പെടുത്തിയത് 128 വര്‍ഷങ്ങള്‍ക്ക് ശേഷം
യുപി ടി20 ലീഗിന്റെ സൃഷ്ടിയാണ് വിപ്രജ് നിഗം. 2024 ല്‍ 11 മത്സരങ്ങളില്‍ നിന്ന് 20 വിക്കറ്റുകള്‍ വീഴ്ത്തി. ലീഗിലെ മികച്ച പ്രകടനം യുപിക്ക് വേണ്ടി എല്ലാ ഫോര്‍മാറ്റുകളിലും അരങ്ങേറ്റം കുറിക്കാന്‍ സഹായിച്ചു. കഴിഞ്ഞ വര്‍ഷം നടന്ന മെഗാ താരലേലത്തില്‍ ഡല്‍ഹി ക്യാപിറ്റല്‍സ് വെറും 50 ലക്ഷം രൂപയ്ക്ക് അദ്ദേഹത്തെ സ്വന്തമാക്കുകയായിരുന്നു.

https://www.instagram.com/reel/DIRQp7gS-Wy/?utm_source=ig_web_copy_link&igsh=MzRlODBiNWFlZA==https://www.instagram.com/reel/DIRQp7gS-Wy/?utm_source=ig_web_copy_link&igsh=MzRlODBiNWFlZA==
ഐപിഎല്‍ കരിയറില്‍ 721 ബൗണ്ടറികളും 280 സിക്‌സറുകളും സഹിതം കോഹ്‌ലിക്ക് 1001 ബൗണ്ടറികളുണ്ട്. 920 തവണ പന്ത് അതിര്‍ത്തിയ ശിഖര്‍ ധവാനാണ് തൊട്ടുപിന്നില്‍. ധവാന്‍ 768 ബൗണ്ടറികളും 152 സിക്‌സറുകളും നേടി. 899 തവണ പന്ത് അതിര്‍ത്തിയ ഡേവിഡ് വാര്‍ണര്‍ മൂന്നാം സ്ഥാനത്താണ്. 663 ബൗണ്ടറികളും 236 സിക്‌സറുകളുമാണ് അദ്ദേഹത്തിനുള്ളത്.

39 പന്തില്‍ സെഞ്ചുറി...! ഐപിഎല്ലില്‍ പുതിയ റെക്കോഡ്; ആരാണ് പ്രിയാന്‍ഷ് ആര്യ?
ആദ്യം ബാറ്റ് ചെയ്യാന്‍ നിയോഗിക്കപ്പെട്ട ആര്‍സിബി 20 ഓവറില്‍ 163/7 എന്ന സ്‌കോര്‍ നേടി. ഓപണര്‍മാരായ കോഹ്‌ലിയും ഫില്‍ സാള്‍ട്ടും 3.5 ഓവറില്‍ ആദ്യ വിക്കറ്റില്‍ 61 റണ്‍സ് കൂട്ടിച്ചേര്‍ത്തു. സാള്‍ട്ട് 37 റണ്‍സാണ് നേടിയത്. തുടര്‍ന്നെത്തിയവര്‍ക്ക് ഈ റണ്‍റേറ്റ് തുടരാനായില്ല. ദേവദത്ത് പടിക്കല്‍ ഒരു റണ്ണിന് പുറത്തായപ്പോള്‍ ക്യാപ്റ്റന്‍ രജത് പാട്ടിദാര്‍ 23 പന്തില്‍ നിന്ന് 25 റണ്‍സ് നേടി.

ടോം ഡേവിഡ് പുറത്താകാതെ 20 പന്തില്‍ 37 റണ്‍സ് നേടിയതോടെയാണ് ആര്‍സിബി സ്‌കോര്‍ 150 കടന്നത്. വലംകൈയ്യന്‍ ബാറ്റ്‌സ്മാന്‍ നാല് സിക്‌സറുകളും രണ്ട് ഫോറുകളും നേടി. ഡിസിക്ക് വേണ്ടി വിപ്രജ് നിഗവും കുല്‍ദീപ് യാദവും രണ്ട് വിക്കറ്റുകള്‍ വീതം വീഴ്ത്തി.