ഐപിഎൽ: ‌ഇനി കളിയില്ലെന്ന് ആന്ദ്രെ റസൽ; ‘പവർ കോച്ച്’ ആയി കൊൽക്കത്തയ്‌ക്കൊപ്പം തുടരും

ന്യൂഡൽഹി ∙ ഇന്ത്യൻ പ്രിമിയർ ലീഗിൽ (ഐപിഎൽ) നിന്ന് വിരമിക്കൽ പ്രഖ്യാപിച്ച് വെസ്റ്റിൻഡീസ് ഓൾറൗണ്ടർ ആന്ദ്രെ റസൽ. 2014 മുതൽ ഐപിഎൽ ടീം കൊൽക്കത്ത നൈറ്റ് റൈഡേഴ്സിന്റെ (കെകെആർ) താരമായിരുന്ന റസൽ, പരിശീലകന്റെ റോളിൽ ടീമിനൊപ്പം തുടരുമെന്നും അറിയിച്ചു.

പവർ കോച്ച് എന്ന പുതിയ തസ്തികയാണ് മുപ്പത്തിയേഴുകാരൻ താരത്തിന് കെകെആർ നൽകിയത്. പുതിയ സീസണിനു മുന്നോടിയായി റസലിനെ കൊൽക്കത്ത ടീമിൽ നിന്ന് റിലീസ് ചെയ്തിരുന്നു. 139 ഐപിഎൽ മത്സരങ്ങളിൽ നിന്ന് 2,651 റൺസും 123 വിക്കറ്റും നേടിയിട്ടുണ്ട്.