ഒന്നാമതെത്താൻ കോഹ്ലിയും പടയും വീണ്ടും പോർക്കളത്തിൽ; ലക്‌നൗവിന് അതിനിർണായകം, ടീമുകൾ നേരിടുന്ന വെല്ലുവിളികൾ ഇതൊക്കെ

Edited byഅനുഷ ഗംഗാധരൻ | Samayam Malayalam | Updated: 8 May 2025, 4:23 pm

ഇന്ത്യൻ പ്രീമിയർ ലീഗ് 2025 സീസണിൽ മറ്റൊരു നിർണായക മത്സരം നടക്കാൻ പോകുകയാണ്. റോയൽ ചലഞ്ചേഴ്‌സ് ബെംഗളൂരു - ലക്‌നൗ സൂപ്പർ ജെയ്ന്റ്സ് മാച്ച് ഇരു ടീമുകൾക്കും നിർണായകമാണ്. ലക്‌നൗവിന്റെ ഹോം ഗ്രൗണ്ടായ ഏകാന ക്രിക്കറ്റ് സ്റ്റേഡിയത്തിൽ വെച്ച് നാളെ 7.30 നാണ് മത്സരം.
ആ പ്രവൃത്തി വരുൺ ചക്രവർത്തിക്ക് തിരിച്ചടി നൽകി; ശിക്ഷ വിധിച്ച് ബിസിസിഐ, കാരണം ഇങ്ങനെ...
ഐപിഎൽ 2025 പോയിന്റ് ടേബിളിൽ രണ്ടാം സ്ഥാനത്ത് നിൽക്കുന്ന ആർസിബി ഒന്നാം സ്ഥാനത്തേക്ക് തന്നെ എത്താനുള്ള പരിശ്രമത്തിലാണ്. അതേസമയം ഐപിഎൽ 2025 പോയിന്റ് ടേബിളിൽ ഏഴാം സ്ഥാനത്തുള്ള ലക്‌നൗവിന് ഈ മത്സരം അതീവ നിർണായകമാണ്. 11 മത്സരങ്ങളിൽ നിന്ന് അഞ്ച് മത്സരങ്ങൾ ജയിച്ച് 10 പോയിന്റ് ലഭിച്ച ലക്‌നൗവിനു ഇനി സീസണിൽ ബാക്കിയുള്ള 4 മത്സരങ്ങളും ജയിച്ചാൽ മാത്രമേ പ്ലേ ഓഫ് സാധ്യത നിലനിൽക്കുകയുള്ളൂ.

ഇരു ടീമുകൾക്കും നിർണായകമായ മത്സരത്തിൽ ടീമുകൾ നേരിടുന്ന പ്രധാന വെല്ലുവിളിയും സാധ്യത പ്ലേയിങ് ഇലവനും പരിശോധിക്കാം.

റോയൽ ചലഞ്ചേഴ്‌സ് ബെംഗളൂരു നേരിടുന്ന വെല്ലുവിളികൾ

ഐപിഎൽ 2025 ൽ ഏറ്റവും മികച്ച പ്രകടനം കാഴ്ചവെക്കുന്ന ടീമുകളിൽ ഒന്നാണ് റോയൽ ചലഞ്ചേഴ്‌സ് ബെംഗളൂരു. ഇതുവരെ കളിച്ച 11 മത്സരങ്ങളിൽ മൂന്നെണ്ണത്തിൽ മാത്രം പരാജയപ്പെട്ട ആർസിബി നിലവിൽ കിടിലൻ ഫോമിലാണെങ്കിലും ലക്‌നൗവിന്റെ ബൗളിങ് നിറയെ പ്രതിരോധിക്കാനുള്ള തന്ത്രങ്ങൾ മെനയേണ്ടതുണ്ട്. അതേസമയം ഓറഞ്ച് ക്യാപിനായുള്ള ആദ്യ പത്തിൽ ഇടം പിടിച്ച എൽഎസ്ജിയുടെ നിക്കോളാസ് പൂരനെയും ആർസിബി ഭയക്കേണ്ടതുണ്ട്.

ലക്‌നൗ സൂപ്പർ ജെയ്ന്റ്സ് നേരിടുന്ന വെല്ലുവിളികൾ

ഐപിഎൽ 2025ൽ ഏറ്റവും ശക്തരായ ടീമുകളിൽ ഒന്നാണ് റോയൽ ചലഞ്ചേഴ്‌സ് ബെംഗളൂരു. ബെഞ്ചിലിരിക്കുന്നവർ വരെ ശക്തരായ ആർസിബിയെ നേരിടാൻ ലക്‌നൗ തന്ത്രങ്ങൾ മെനയേണ്ടതുണ്ട്. ആർസിബിയ്ക്ക് ആദ്യം ബാറ്റിങ് ലഭിക്കുകയാണ് എങ്കിൽ വിക്കറ്റുകൾ പെട്ടന്ന് വീഴ്ത്താൻ ശ്രമിക്കുന്നതിനൊപ്പം ഡോട്ട് ബോൾ എറിയുന്നതിലും ലക്‌നൗ ശ്രദ്ധ കേന്ദ്രീകരിക്കേണ്ടതുണ്ട്. അല്ലാത്തപക്ഷം ആർസിബിയെ പിടിച്ചുകെട്ടാൻ ലക്‌നൗവിനു സാധിച്ചു എന്ന് വരില്ല.

ലക്‌നൗ സൂപ്പർ ജെയ്ന്റ്സ് സാധ്യത പ്ലേയിങ് 11: എയ്ഡൻ മർക്രം, മിച്ചൽ മാർഷ്, നിക്കോളാസ് പൂരൻ, ഋഷഭ് പന്ത് (C& WK), അബ്ദുൾ സമദ്, ആയുഷ് ബഡോണി, ഡേവിഡ് മില്ലർ, ആകാശ് മഹാരാജ് സിംഗ്, ദിഗ്വേഷ് സിംഗ് റാത്തി, ആവേശ് ഖാൻ, മായങ്ക് യാദവ്

റോയൽ ചലഞ്ചേഴ്‌സ് ബെംഗളൂരു സാധ്യത പ്ലേയിങ് 11: ജേക്കബ് ബെഥേൽ, വിരാട് കോഹ്‌ലി, ദേവദത്ത് പടിക്കൽ, രജത് പതിദാർ (C), ജിതേഷ് ശർമ (WK), ടിം ഡേവിഡ്, ക്രുണാൽ പാണ്ഡ്യ, റൊമാരിയോ ഷെപ്പേർഡ്, ഭുവനേശ്വർ കുമാർ, ലുങ്കി എൻഗിഡി, യാഷ് ദയാൽ