ഒറ്റയ്ക്ക് യാത്ര ചെയ്യുന്ന ആളായിരുന്നില്ല, ഇപ്പോൾ ശീലിച്ചു; മോൾക്കൊപ്പമാണ് ഇപ്പോഴത്തെ യാത്ര എന്ന് കാവ്യ മാധവൻ

Authored by: അശ്വിനി പി|Samayam Malayalam•17 May 2025, 6:38 pm

മലയാളികളുടെ പ്രിയപ്പെട്ട നടി, കാവ്യ മാധവൻ. ബാലതാരമായി സിനിമയിൽ വന്ന കാലം മുതൽ പ്രിയങ്കരിയാണ്. പതിനാലാം വയസ്സിൽ നായികയായി അരങ്ങേറിയ കാവ്യ പിന്നീട് മലയാള സിനിമയുടെ മുഖമായി. ദിലീപുമായുള്ള വിവാഹത്തിന് ശേഷം ഇപ്പോൾ അഭിനയത്തിൽ നിന്നും പൂർണമായും അകന്ന് കഴിയുകയാണ് കാവ്യ മാധവൻ. എന്നിരുന്നാലും ഒഴിവാക്കാൻ കഴിയാത്ത പൊതു പരിപാടികളിലും സ്വകാര്യ ചടങ്ങുകളിലും എല്ലാം ദിലീപിനൊപ്പം പങ്കെടുക്കാറുണ്ട്.

അങ്ങനെ ഒരു ചടങ്ങിൽ കാവ്യ പറഞ്ഞ കാര്യമാണ് ഇപ്പോൾ വൈറലാവുന്നത്. ഒരു ബ്രാന്റ് പ്രമോഷന്റെ ഭാഗമായി പങ്കെടുക്കവെ തനിച്ചുള്ള യാത്രയെ കുറിച്ച് കാവ്യ സംസാരിക്കുകയാണ്ടായി. ഞാൻ അങ്ങനെ ഒറ്റയ്ക്ക് യാത്ര ചെയ്യുന്ന ആളായിരുന്നില്ല. എപ്പോഴും കൂടെ ആരെങ്കിലുമൊക്കെ വേണമായിരുന്നു. പക്ഷേ ഇപ്പോൾ ചെന്നൈയിലേക്ക് താമസം മാറിയതിന് ശേഷം യാത്ര ജീവിതത്തിന്റെ ഭാഗമായി.

Also Read: ഈ അമ്മയ്ക്ക് വേണ്ടി നീ അതെങ്കിലും ചെയ്യണം; രവി മോഹനോട് അഭ്യർത്ഥനയുമായി ആർതിയുടെ അമ്മ, കോടികളുടെ കടബാധ്യത ഉണ്ടാക്കി തന്നു!

കൊച്ചിയിൽ നിന്ന് ചെന്നൈയിലേക്കും, ചെന്നൈയിൽ നിന്ന് കൊച്ചിയിലേക്കും ഇപ്പോൾ അധികവും യാത്രയാണ്. ചിലപ്പോൾ ഞാൻ ഒറ്റയ്ക്കായിരിക്കും, ചിലപ്പോൾ എന്റെ മോളും ഉണ്ടാവാറുണ്ട്. ഇപ്പോൾ ഒറ്റയ്ക്കുള്ള യാത്രയിൽ എനിക്ക് പ്രശ്നമില്ല, കൂടുതൽ കംഫർട്ടായി എന്നാണ് കാവ്യ മാധവൻ പറഞ്ഞത്.

Also Read: 18 കൊല്ലം ഭർത്താവിനെ അടക്കി വച്ച സ്ത്രീയ്ക്കാണോ, മക്കളെ അച്ഛനിൽ നിന്ന് അകറ്റാൻ പ്രയാസം? ആർതി രവി ആരാണെന്ന് നിങ്ങൾക്കറിയാമോ; തുറന്നടിച്ച് സുചിത്ര

കാസർകോഡകാരിയായിരുന്ന കാവ്യ മാധവൻ, സിനിമയിൽ സജീവമായതോടെയാണ് കൊച്ചിയിലേക്ക് താമസം മാറിയത്. ലക്ഷ്യ എന്ന ബിസിനസ് ആരംഭിച്ചതും കൊച്ചിയിൽ തന്നെയായിരുന്നു. ദിലീപുമായുള്ള വിവാഹത്തിന് ശേഷം പൂർണമായും കൊച്ചിക്കാരിയായി. ഇപ്പോൾ ചെന്നൈയിലേക്ക് താമസം മാറിയിരിക്കുകയാണ് കാവ്യ.

സിനിമകളിൽ നിന്ന് അകന്ന് കഴിയുകയാണെങ്കിലും ബിസിനസ്സിൽ കാവ്യ വളരെ അധികം തിരക്കിലാണ്. മകൾ മഹാലക്ഷ്മി കുറച്ച് വലുതായതോടെ കാവ്യ ബിസിനസ്സിൽ കൂടുതൽ സമയം ഇൻവെസ്റ്റ് ചെയ്യാൻ തുടങ്ങി. ശരീര ഭാരം ഒക്കെ കുറിച്ച്, ലക്ഷ്യയുടെ ഒഫിഷ്യൽ മോഡലായും കാവ്യ സജീവമാണ്. അഭിനയത്തിലേക്ക് തിരിച്ചുവരുന്നതിനെ കുറിച്ച് കാവ്യ ഒരിക്കലും സംസാരിച്ചിട്ടില്ല. വിവാഹം കഴിഞ്ഞ് കുടുംബമായി ജീവിക്കാനാണ് ആഗ്രഹം എന്ന് ആദ്യ വിവാഹത്തിന്റെ സമയത്ത് നൽകിയ അഭിമുഖത്തിൽ നടി പറഞ്ഞിരുന്നു.