കഷ്ടപ്പെടുന്ന കാലത്താണ് ഞങ്ങൾ കണ്ടുമുട്ടിയത്, അതുകൊണ്ട് പ്രേമിന് ഇതിൻറെ വിലയറിയാം, ആ ബഹുമാനം എനിക്ക് തരുന്നുണ്ട്: സ്വാസിക പറയുന്നു

Authored by: അശ്വിനി പി|Samayam Malayalam•20 May 2025, 1:57 pm

സ്വാസികയുടെ കരിയറിലെ ഏറ്റവും നല്ല സമയമാണിത്. തമിഴിൽ ഒന്നിനു പിറകെ ഒന്നായി മികച്ച സിനിമകൾ വന്നുകൊണ്ടിരിയ്ക്കുന്നു. ലബ്ധർ പന്തിന് ശേഷം ആരാധിച്ചിരുന്ന സിനിമയിലെ പ്രമുഖരെല്ലാം വിളിച്ച് അഭിനന്ദിക്കുന്നു. മോഹൻലാലും സുധ കൊങ്കണയുമൊക്കെ അഭിനന്ദിച്ചത് ഓസ്കാറിനെക്കാൾ വലിയ നേട്ടമാണെന്നാണ് സ്വാസിക പറയുന്നത്. അതോടൊപ്പം തമിഴിലും തെലുങ്കിലും ധാരാളം അവസരങ്ങളും വരുന്നു. സൂര്യയുടെ റെട്രോ എന്ന ചിത്രത്തിന് ശേഷം ഇപ്പോൾ സൂരിയുടെ മാമൻ എന്ന ചിത്രത്തിലെ സ്വാസികയുടെ അഭിനയവും പ്രശംസിക്കപ്പെടുന്നുണ്ട്

കരിയറിലും ജീവിതത്തിലും ഒരേ സമയം ആണല്ലോ ഈ മാറ്റം. സ്വകാര്യ ജീവിതത്തിൽ പ്രണയ വിവാഹം കഴിഞ്ഞ്, അത് മനോഹരമായി പോകുന്നു. അതിനൊപ്പം കരിയറിൽ ഏറ്റവും മികച്ച സമയം. ഇതൊക്കെ പ്രേമിന്റെ രാശിയാണോ എന്ന് ചോദിച്ചാൽ അറിയില്ല, എന്നാൽ പ്രേമിന്റെ വലിയ പിന്തുണയുണ്ട് എന്ന് സ്വാസിക ഉറപ്പിച്ച് പറയുന്നു. തനിക്ക് വരുന്ന സിനിമകൾ സെലക്ട് ചെയ്യുന്നതിലും പ്രേമിന് വലിയ പങ്കുണ്ടെന്നാണ് നടി പറഞ്ഞത്.

Also Read: നാല് വർഷത്തിന് ശേഷം സ്ലീവ്ലെസ്സ് ധരിച്ചു! ഞാൻ എന്തൊക്കെ അനുഭവിച്ചു എന്ന് മറ്റുള്ളവർക്കറിയേണ്ട, ഉപദേശിച്ചാൽ മതി; മേഘ്ന രാജ് പറയുന്നു

ആറാം ക്ലാസിൽ പഠിക്കുമ്പോൾ മുതൽ ആഗ്രഹിക്കുന്നതാണ് സിനിമ നടി ആകണം എന്നത്. അത് കാരണം പ്ലസ് ടു പഠനത്തിന് ശേഷം കൂടെ പഠിച്ചവർ കാനഡ, യുകെ സ്വപ്നങ്ങളുമായി പോയപ്പോൾ, ഞാൻ ഡാൻസ് കോഴ്സാണ് എടുത്തത്. എന്റെ മനസ്സിൽ നടിയാവണം എന്ന് തന്നെയായിരുന്നു. പക്ഷേ പ്രതീക്ഷിച്ചത് പോലെ സിനിമയിൽ അവസരം ലഭിച്ചില്ല, അപ്പോഴാണ് സീരിയലുകലിൽ ശ്രദ്ധ കേന്ദ്രീകരിച്ചത്. അവിടെ വച്ചാണ് പ്രേം ജീവിതത്തിലേക്ക് വന്നതും

ഞങ്ങൾ ഒന്നിച്ചൊരു സീരിയൽ ചെയ്തിരുന്നു, അതിലൂടെ നല്ല സുഹൃത്തുക്കളായി. പ്രേം ഒരു ആനിമേഷൻ കമ്പനിയിൽ ഗെയിം പ്രോഗ്രാമർ ആയിരുന്നു. ആ ജോലി ഇഷ്ടമായിരുന്നുവെങ്കിലും, പ്രേം ആഗ്രഹിച്ചത് അഭിനയവും മോഡലിങുമൊക്കെയാണ്. അന്ന് ഒരു സുഹൃത്ത് എന്ന നിലയിൽ അത് എന്നോട് പറഞ്ഞപ്പോൾ, എങ്കിൽ അഭിനയത്തിൽ തന്നെ ശ്രദ്ധിക്കൂ എന്ന് ഞാനും പറഞ്ഞു. രണ്ട് പേരും കരിയറിൽ സ്ട്രഗിൾ ചെയ്യുന്ന സമയമായിരുന്നു അത്. ഞങ്ങളെ അത് കൂടുതൽ കണക്ട് ചെയ്തു.

ഇപ്പോൾ എനിക്ക് അവസരങ്ങൾ വരുമ്പോൾ പ്രേമിന് അതിന്റെ വിലയറിയാം, അതിൽ അഭിമാനവുമുണ്ട്. എന്റെ കരിയരിൽ ഇപ്പോൾ ഏറ്റവും അദികം പിന്തുണ നൽകുന്നതും പ്രേം തന്നെയാണ്. ഒരു സിനിമ സെലക്ട് ചെയ്യുമ്പോൾ ഉള്ള എന്റെ കൺഫ്യൂഷനുകൾ എല്ലാം ക്ലിയർ ചെയ്യുന്നത് പ്രേമാണ്. ഇപ്പോൾ ലൈനപ്പിലുള്ള എല്ലാ സിനിമകളിലും പ്രേമിന്റെ പങ്കുണ്ട്. ആർ ജെ ബാലാജി സംവിധാനം ചെയ്യുന്ന സൂര്യ 45 തിരഞ്ഞെടുക്കാൻ കാരണം, അത് എനിക്ക് വ്യത്യസ്തമായൊരു ഇമേജ് ബ്രേക്ക് നൽകും എന്ന് പ്രേം പറഞ്ഞതുകൊണ്ടാണ്. അത്തരത്തിൽ തനിക്ക് ഏറ്റവും വലിയ പിന്തുണയും ധൈര്യവും പ്രേമാണ് എന്ന് സ്വാസിക പറയുന്നു.