ചാക്കിൽ കെട്ടി ഉപേക്ഷിച്ചതല്ല കുഞ്ഞെടുക്കാതെ സൂക്ഷിച്ചുവച്ചതാണ്; കാര്യങ്ങൾ വളച്ചൊടിച്ചു; വിശദീകരണവുമായി രേണു

Authored by: ഋതു നായർ|Samayam Malayalam•9 Jul 2025, 7:51 am

സുധിയുടെ അവാർഡുകൾ ചാക്കിൽ കെട്ടി കട്ടിന്റെ കീഴിൽ വച്ചതിനെതിരെ രൂക്ഷ വിമർശനം സോഷ്യൽ മീഡിയയിൽ ഉയരുമ്പോൾ വിശദീകരണവുമായി രേണു സുധി . ഒരിക്കലും അത് ഉപേക്ഷിച്ചതല്ല. കുഞ്ഞെടുക്കാതെ ഞാൻ ഭദ്രമായി വച്ചതാണ്. എന്റെ റൂമിൽ എന്റെ കട്ടിന്റെ അടിയിലാണ് അത് വച്ചതെന്നും രേണു പറയുന്നു.

രേണുവിന്റെ വാക്കുകൾ

സത്യം പറഞ്ഞാൽ കൂട്ടുകാർ അയച്ചുതന്നപ്പോൾ ആണ് ഞാൻ ഇത് അറിയുന്നത് പോലും. കുഞ്ഞുങ്ങൾ ഒക്കെ ഉള്ള വീടാണ്. പിന്നെ മഴക്കാലം ഒക്കെ ആയോണ്ട് തുണികൾ ഒക്കെ കട്ടിലിലും ഒക്കെ ഇട്ടിട്ടുണ്ടായിരുന്നു. പെട്ടെന്ന് വന്നതാണ് കിച്ചു. വേഗം എടുത്ത വീഡിയോ ആയിപോയി. പിന്നെ എന്റെ അവാർഡ് ഒക്കെ മേശപ്പുറത്തുവച്ചിട്ട് സുധിച്ചേട്ടന്റെ അവാർഡ് ഒക്കെ ചാക്കിൽ കെട്ടി ഉപേക്ഷിച്ച നിലയിൽ എന്നായിപ്പോയി വാർത്തകൾ. സത്യം പറഞ്ഞാൽ അങ്ങനെ അല്ല. അവൻ കുഞ്ഞല്ലേ. അവൻ ഈ നല്ല നല്ല സാധനങ്ങൾ എല്ലാം എടുത്തുകൊണ്ടുപോയി നശിപ്പിക്കും. കുട്ടികൾ അല്ലെ.

ALSO READ:അയ്യോ സുരേഷേ എന്നൊക്കെ വിളിക്കാമോ കേന്ദ്രമന്ത്രിയല്ലേ! ബാബൂന്ന് വിളിക്കുമ്പോൾ എന്നെ കുറെ ചീത്തപറഞ്ഞിട്ടുണ്ട്...

സുധിച്ചേട്ടന്റെ അവാർഡുകൾ ഒരുപാടുണ്ട്. പകുതി കൊല്ലത്തും പകുതി ഇവിടെയും ആണ്. കുഞ്ഞല്ലേ അവൻ എടുത്ത് ഇതൊക്കെ കളയാതെ ഇരിക്കാൻ വേണ്ടി അവൻ കാണാതെ അവൻ സ്‌കൂളിൽ പോയ സമയത്താണ് ഞാൻ അതെല്ലാം ചാക്കിൽ കെട്ടി എന്റെ റൂമിലാണ് എന്റെ കട്ടിന്റെ അടിയിൽ വച്ച സാധനമാണ്. ഞാൻ അറിഞ്ഞില്ല കുഞ്ഞ് ഇത് എടുക്കുമെന്നോ, അത് ഇങ്ങനെ വരുമെന്നോ. പിന്നെ എന്റെ അവാർഡുകൾ ഞാൻ ഷൂട്ട് കഴിഞ്ഞു വരുമ്പോൾ ബാഗിൽ നിന്നും എടുത്ത് മേശപ്പുറത്തെക്ക് വയ്ക്കും. അല്ലാതെ എന്റെ അവാർഡുകൾ എടുത്തു വച്ചതോ ചേട്ടന്റെ അവാർഡുകൾ നശിപ്പിച്ചതോ ഒന്നുമല്ല.

ALSO READ: ഓമി ഞാൻ നിനക്ക് സൂപ്പർ കൂൾ ആന്റി ആയിരിക്കും! ഈ പുഞ്ചിരിയേക്കാൾ എനിക്കൊന്നും വേണ്ടെന്ന് കിഷോറും; ഓമി തരംഗം

കുഞ്ഞിനെ സംബന്ധിച്ചിടത്തോളം അവൻ ആ പ്രായം ആണ്. അവൻ അത് എടുത്തു നശിപ്പിച്ചാൽ എനിക്ക് ആണ് അതിന്റെ നഷ്ടം. അവസാനം കിട്ടിയ അവാർഡ് പോലും പൊടിഞ്ഞ അവസ്ഥയിൽ ആയിരുന്നു. ആക്സിഡന്റ് നടന്ന സമയത്ത് പുരണ്ട രക്തക്കറ പോലും ഞാൻ മായ്ക്കാതെ വച്ചിട്ടുണ്ട് അതിൽ, ഒന്നും ഉപേക്ഷിച്ചല്ല. എല്ലാം സേഫ് ആയി വച്ചതാണ്. കാര്യം അറിയാതെ ആളുകൾ ഓരോന്ന് പറഞ്ഞുണ്ടാക്കുമ്പോൾ സങ്കടം ആണ്. ആ പെർഫ്യൂം ഞാൻ മാറ്റിവച്ചതും അതുകൊണ്ടാണ് കുപ്പി ആണ് അവൻ എടുത്തു പൊട്ടിച്ചാൽ അതും നഷ്ടമാകില്ലേ; രേണു മാധ്യമങ്ങളോട് പറയുന്നു.