ചില കാര്യങ്ങൾ മാനസികമായി വേദനിപ്പിക്കും! ചിലത് കരഞ്ഞുതീർക്കും; പക്ഷേ ബോൾഡാണ്; ഹിമയുടെ മറുപടി

Authored by: ഋതു നായർ|Samayam Malayalam•22 Jun 2025, 11:02 am

ഹിമക്ക് ഒപ്പം ചേർത്തുവച്ചൊരു പേരാണ് സുമിത്തിന്റെത്. ടിക് ടോക് കാലം മുതൽക്കേ കണ്ട് മലയാളികളുടെ മനസ്സിൽ പതിഞ്ഞ രണ്ടുപേർ. സ്‌ക്രീൻ കെമിസ്ട്രികൊണ്ട് മാത്രമല്ല ഉള്ളിൽ തട്ടിയുള്ള രണ്ടുപേരുടെയും സ്നേഹം കണ്ടും ആരാധകർക്ക് ഇവരോട് പ്രത്യേകം ഇഷ്ടം ഉണ്ടായിരുന്നു.

അനുരാജ് പ്രീണ ദമ്പതിമാരുടെ ചാനൽ സീരീസുകളിൽ വിവിധ കഥാപാത്രങ്ങളായി ഇവർ എത്തുമ്പോൾ നിറഞ്ഞ കൈയടിയും പൊട്ടിച്ചിരിയും ആണ് പ്രേക്ഷകർ നൽകിയത്. എന്നാൽ ഏറെക്കാലമായി ഇരുവരും അകന്നു കഴിയുന്നു എന്നാണ് റിപ്പോർട്ടുകൾ സൂചിപ്പിക്കുന്നത്.

ഇവർ പിരിഞ്ഞോ എന്നുള്ള ചോദ്യം കഴിഞ്ഞ മൂന്നു വർഷത്തിലേറെ ആയി ചോദിക്കുന്നുണ്ട് എങ്കിലും വ്യക്തമായ മറുപടികൾ എവിടെയും ഇരുവരും നൽകിയിട്ടില്ല. ഇടക്ക് എപ്പോഴോ സുമിതേട്ടൻ എവിടെ എന്ന ചോദ്യത്തിന് കൊടുങ്ങല്ലൂരുണ്ട് എന്ന മറുപടി ഹിമ നൽകി. മിനി സ്ക്രീനിലെ റിയാലിറ്റി ഷോസ് വഴിയും ഫെയിം ആയ ഇവർ ബിഗ് സ്‌ക്രീനിൽ ആണ് ഇപ്പോൾ കൂടുതൽ ശ്രദ്ധ. ഗൾഫിലെ ഉദ്യോഗം രാജിവച്ചാണ് സുമിത്തും തന്റെ പാഷന് പിന്നാലെ സഞ്ചരിക്കുന്നത്.

നിരവധി ചിത്രങ്ങളിൽ സുമിത് ഇതിനകം അഭിനയിച്ചു കഴിഞ്ഞു. നിരവധി ഷോർട്ട് ഫിലിമുകളുടെ ഭാഗമാണ് സുമിത് ഇപ്പോഴും. സോഷ്യൽ മീഡിയയിൽ ഏറെ സജീവമായ സുമിത്തിന്റെ ഓരോ പോസ്റ്റുകളും ശ്രദ്ധേയമാണ്. അടുത്തിടെ മോഡലും നർത്തകിയുമായ ആമിക്ക് ഒപ്പം പങ്കിട്ട ചിത്രങ്ങൾ ഏറെ ചർച്ച ചെയ്യപ്പെട്ടിരുന്നു. എന്നാൽ തങ്ങൾക്ക് എതിരെ വരുന്ന ഗോസിപ്പുകളോട് എവിടെയും ഇരുവരും പ്രതികരിക്കാറില്ല. ഈ അടുത്താണ് ആരാധകരുടെ ചോദ്യങ്ങൾക്ക് ഹിമ മറുപടി നൽകിയത്. എങ്ങനെയാണ് മോശം അവസ്ഥകൾ അല്ല്ങ്കിൽ മോശം കമന്റുകളെ അതിജീവിക്കുന്നത് എന്ന ഒരു ചോദ്യം ആയിരുന്നു ചിലർക്ക് ഉണ്ടായിരുന്നത്.

ALSO READ: ഇനി എനിക്ക് കുഞ്ഞുങ്ങൾ ഉണ്ടാകില്ലേ എന്ന് പോലും പേടിച്ചു! മീനൂട്ടി ജനിച്ചശേഷമാ പിന്നെ ഞാൻ അത് കമ്മിറ്റ് ചെയ്യുന്നത്; വൈറൽ വീഡിയോ

നിങ്ങളുടെ പോസ്റ്റിലും വീഡിയോയിലും വരുന്ന മോശമായ അഭിപ്രായങ്ങളെ നിങ്ങൾ മാനസികമായി എങ്ങനെ കൈകാര്യം ചെയ്യുന്നു? എന്നായിരുന്നു ഒരു ചോദ്യം. ഒപ്പം ഈ വീഡിയോ പ്രൊഡക്ഷനും സോഷ്യൽ മീഡിയ ലൈഫും അല്ലാതെ എന്താണ് ജോലിയൊന്നും ഒരു ചോദ്യം ഉണ്ടായിരുന്നു. അതിന് ഹിമ നൽകിയ മറുപടി വായിക്കാം.

ചില കാര്യങ്ങൾ ഞാൻ അവഗണിക്കും, ചിലത് മാനസികമായി അൽപ്പം അസ്വസ്ഥത ഉണ്ടാക്കും. പക്ഷേ അതിൽ തന്നെ ഞാൻ ഇരിക്കില്ല വേദനിക്കില്ല ഞാൻ കൂടുതൽ ശക്തയായി തിരിച്ചുവരും, പഴയ അവസ്ഥയിലേക്ക് മടങ്ങാൻ കുറച്ചുദിവസങ്ങൾ എടുക്കും എന്നുമാത്രം.ആ ദിവസങ്ങൾ ഞാൻ എന്റെ മുറിയിൽ തന്നെ ഇരിക്കും, എന്നിട്ട് സ്വയം അതിനുള്ള സൊല്യൂഷൻ കണ്ടെത്തും. കുറച്ച് കരഞ്ഞാലും പൂർണ്ണ ശക്തയായി തിരികെ വരുമെന്നും ഹിമ പറയുന്നു.

ഇൻഫ്ലുവെൻസർ എന്നതിലുപരി വിദ്യാഭ്യാസ വകുപ്പിന് കീഴിൽ ജോലിയും ചെയ്യുന്നുണ്ട് ഹിമ ( സ്ഥിരമായ നിയമനം ആണോ എന്ന കാര്യത്തിൽ വ്യക്തതയില്ല)