ചേച്ചി എല്ലാവർക്കും മാതൃക, 37 കാരി ശാമിലി എന്താ വിവാഹം കഴിക്കാത്തത്? സ്വാതന്ത്ര്യത്തിനും നിയന്ത്രണത്തിനും ഇടയിലാണെന്ന് നടി

Authored byഅശ്വിനി പി | Samayam Malayalam | Updated: 15 May 2025, 4:34 pm

തമിഴ് സിനിമാ ലോകത്തെ മാതൃകാ ദമ്പതികൾ ആരാണെന്ന് ചോദിച്ചാൽ, രണ്ടാമതൊന്ന് ആലോചിക്കാതെ പറയും അത് ശാലിനിയും അജിത്തും ആണെന്ന്. ഇരുവരുടെയും പ്രണയവും ഇത്ര വർഷത്തെ ദാമ്പത്യവും സിനിമ താരങ്ങൾ തന്നെ മാതൃകയാക്കുന്നതാണ്. വിവാഹത്തോടെ അഭിനയത്തിൽ നിന്ന് പൂർണമായി അകന്ന് കഴിയുന്ന ശാലിനി ഇപ്പോൾ സോഷ്യൽ മീഡിയയിൽ വളരെ അധികം സജീവമാണ്. കുടുംബത്തോടൊപ്പമുള്ള മനോഹര നിമിഷങ്ങൾ എല്ലാം ശാലിനി പങ്കുവയ്ക്കാറുണ്ട്

ചേച്ചി അവിടെ മാതൃദാ ദമ്പതിയായി ജീവിയ്ക്കുമ്പോൾ, ശാമിലി ഇപ്പോഴും അവിവാഹിതയാണ്. 37 വയസ്സ് കഴിഞ്ഞിട്ടും ശാമിലി എന്താണ് വിവാഹം ചെയ്യാത്തത് എന്നാണ് ആരാധകരുടെ ചോദ്യം. എന്നാൽ ഒറ്റയ്ക്കുള്ള ജീവിതത്തിലെ ഓരോ മനോഹര നിമിഷവും ആസ്വദിച്ചുകൊണ്ടിരിയ്ക്കുകയാണ് നടി ഇപ്പോൾ. ഏറ്റവും ഒടുവിൽ പങ്കുവച്ച വീഡിയോയും അതിന് തെളിവാണ്.

Also Read: കുറച്ച് ബുദ്ധി വേണം, ഇല്ലെങ്കിൽ ദാമ്പത്യം തകരും; 40 വർഷത്തെ ഞങ്ങളുടെ ദാമ്പത്യത്തിൽ കണ്ണ് വയ്ക്കല്ലേ എന്ന് സുഹാസിനി

മനോഹരമായ ചുവന്ന കളറിലുള്ള ഗൗൺ ധരിച്ച്, സ്റ്റൈലായി നടന്നുവരുന്ന ഒരു വീഡിയോ ആണ് ശാമിലി ഏറ്റവുമൊടുവിൽ ഇൻസ്റ്റഗ്രാമിൽ പങ്കുവച്ചത്. 'സ്വാതന്ത്ര്യത്തിനും നിയന്ത്രണത്തിനും ഇടയിൽ എവിടെയോ' എന്ന ക്യാപ്ഷനോടെയാണ് വീഡിയോ. പോസ്റ്റിന് താഴെ എന്താണ് ഇപ്പോഴും വിവാഹം ചെയ്യാത്തത് എന്ന് ചോദിച്ചുകൊണ്ടുള്ള കമന്റുകളും കാണാം. അതിന് പുറമെ ശാമിലിയുടെ സൗന്ദര്യത്തെ പ്രശംസിച്ചും സ്നേഹം അറിയിച്ചും വരുന്ന കമന്റുകളും ഏറെയാണ്.

ബാലതാരമായി അഭിനയ ലോകത്തേക്ക് എത്തിയതാണ് ശ്യാമിലിയും ശാലിനിയും. പൂക്കാലം വരവായി, മാളൂട്ടി പോലുള്ള സിനിമകളിലൂടെ മലയാളികളെ അമ്പരപ്പിച്ച നടി അഞ്ജലി എന്ന തമിഴ് ചിത്രത്തിലൂടെ നാഷണൽ അവാർഡും നേടി. ഹരികൃഷ്ണൻസ് എന്ന ചിത്രത്തിന് ശേഷം പൂർണമായും പഠനത്തിന് വേണ്ടി സിനിമയിൽ നിന്ന് മാറി നിന്ന നടി നായികയായി തിരിച്ചുവരവ് നടത്തിയിരുന്നു. ചേച്ചിയുടെ ഹിറ്റ് നായകൻ കുഞ്ചാക്കോ ബോബനൊപ്പം വള്ളീം തെറ്റി പുള്ളീം തെറ്റി എന്ന ചിത്രത്തിലൂടെ നായികയായി ശാമിലി തിരിച്ചെത്തി. പക്ഷേ അത് വിജയം കണ്ടില്ല.

തെലുങ്കിലും, തമിഴിലും നായികയായി ചെയ്ത സിനിമകൾ പരാജയപ്പെട്ടതോടെ സിനിമ പൂർണമായും ഉപേക്ഷിച്ച ശാമിലി ഇപ്പോൾ തനിക്കേറ്റവും ഇഷ്ടപ്പെട്ട വരകളുടെ ലോകത്ത് ഹാപ്പിയാണ്. ഇന്റർനാഷണൽ എക്സിബിഷനുകളൊക്കെയാണ് ശാമിലി ഇപ്പോൾ നടത്തുന്നത്. അതിന് ശാലിയിയുടെയും ഭർത്താവ് അജിത്തിന്റെയും പൂർണ പിന്തുണയും ഉണ്ട്.