ചോദ്യങ്ങൾക്ക് അവസാനം, 47 ആം വയസ്സിൽ വിശാൽ വിവാഹിതനാകുന്നു, പ്രണയമാണ്; വധു ദുൽഖറിന്റെ നായിക, സായി ധൻഷിക ആരാണെന്ന് മനസ്സിലായോ?

Authored by: അശ്വിനി പി|Samayam Malayalam•19 May 2025, 7:06 pm

സമീപകാലത്തായി വാർത്തകളിൽ നിറഞ്ഞു നിൽക്കുകയാണ് വിശാൽ. ഷൂട്ടിങ് കഴിഞ്ഞ് പെട്ടിക്കകത്തായിരുന്ന വിസാലിന്റെ മദഗജരാജ എന്ന ചിത്രം 12 വർഷങ്ങൾക്ക് ശേഷം റിലീസ് ചെയ്തതിനു പിന്നാലെ നടന്റെ ആരോഗ്യ പ്രശ്നങ്ങളും ചർച്ചയായി. മദഗജരാജയുടെ ഓഡിയോ ലോഞ്ചിന് 103 ഡിഗ്രി സെൽഷ്യസ് പനിയോടെ, വിറയലോടെ വന്ന നടന്റെ വീഡിയോകൾ എല്ലാം വൈറലായിരുന്നു. അടുത്തിടെ ഒരു പൊതു പരിപാടിയിൽ പങ്കെടുക്കവെ തലകറങ്ങി വീണതും ചർച്ചയായി.

എന്നാൽ ഇപ്പോൾ ആരോഗ്യമെല്ലാം വീണ്ടെടുത്ത് ജീവിതത്തിലെ പുതിയ ഘട്ടത്തിലേക്ക് കടക്കാനൊരുങ്ങുകയാണ് വിശാൽ. അതെ ഈ നാൽപത്തിയേഴാം വയസ്സിൽ വിശാൽ വിവാഹിതനാകുന്നു. അടുത്തിടെ നൽകിയ അഭിമുഖത്തിൽ വിശാൽ തന്നെയാണ് ഇക്കാര്യം വ്യക്തമാക്കിയത്. വധു ആരാണെന്ന കാര്യത്തിലും സീരിയസ് ചർച്ചകളാണ് നടക്കുന്നത്.

Also Read: എന്റെ ജീവിതം തലകീഴായി മറിഞ്ഞ ദിവസം, ഒരു കുടുംബം നോക്കാനുള്ള കഴിവ് എനിക്കില്ല എന്ന് പറഞ്ഞു; ഇപ്പോൾ ഞാൻ എന്നെ തന്നെ പ്രശംസിക്കുന്നു എന്ന് സോണിയ ബോസ്

തമിഴ് സിനിമയിൽ ക്രോണിക് ബാച്ചിലറായി തുടരുന്ന വിശാൽ എപ്പോൾ വിവാഹം ചെയ്യും എന്നത് വർഷങ്ങളായുള്ള ചോദ്യമാണ്. തമിഴ് താരസംഘടനയായ നടികർ സംഘത്തിന്റെ കെട്ടിടം പണി പൂർത്തിയായാൽ വിവാഹം ചെയ്യും എന്നായിരുന്നു നേരത്തെ വിശാൽ പറഞ്ഞത്. അത് അടുത്ത മാസത്തോടെ പൂർത്തിയാവും. ഈ സാഹചര്യത്തിലാണ് വിവാഹത്തെ കുറിച്ചുള്ള ചോദ്യത്തിന് വിശാൽ പ്രതികരിച്ചത്.

Also Read: സ്വപ്നം കണ്ടത് പോലെ സംഭവിക്കുന്നു; അഭിമാനവും സന്തോഷവും പങ്കുവച്ച് അഹാന കൃഷ്ണകുമാർ; നിമിഷിന് ആശംസകൾ

അതെ ഞാൻ എന്റെ ജീവിത പങ്കാളിയെ കണ്ടെത്തി, പ്രണയമാണ്, ഉടനെ വിവാഹം ഉണ്ടാവും. വധു ആരാണെന്നതിനെ സംബന്ധിച്ചും വിവാഹത്തിന്റെ ഡേറ്റും താൻ ഉടൻ പ്രഖ്യാപിയ്ക്കും എന്നാണ് വിശാൽ പറഞ്ഞത്.

ഇപ്പോഴിതാ സായി ധൻഷികയാണ് ആ വധു എന്നാണ് പറയപ്പെടുന്നത്. ഒരു വർഷമായി ഇരുവരും ‍ഡേറ്റിങിലാണ്. ആഗസ്റ്റ് അവസാനമോ, സെപ്റ്റംബരിലോ വിവാഹം ഉണ്ടാവും എന്നാണ് ഇപ്പോൾ പുറത്തുവരുന്ന വിവരങ്ങൾ.

കബാലി എന്ന ചിത്രത്തിൽ രജിനികാന്തിന്റെ മകളായി എത്തി മാസ് കാണിച്ച നടിയാണ് സായി ധൻഷിക. പേരാൺമൈ, പരദേശി പോലുള്ള സിനിമകളിലെ വേഷം ശ്രദ്ധേയമാണ്. സോളോ എന്ന ചിത്രത്തിൽ ദുൽഖർ സൽമാന്റെ നായികയായി വന്നതിലൂടെ മലയാളികൾക്കും സായി ഏറെ പരിചിതയാണ്.