ജങ്കൂക്കും വിന്ററും പ്രണയത്തിൽ! AESPA ന്റെയും BTS ന്റെയും ആരാധകർ ആകെ കൺഫ്യൂഷനിൽ, ഇത് സത്യമോ?

Authored by: അശ്വിനി പി|Samayam Malayalam•5 Jul 2025, 4:10 pm

ബി ടി എസ്സിന്റെ ജങ്കൂക്ക് എന്നും വാർത്തകളിൽ സജീവമാണ്. താരത്തെ സംബന്ധിച്ച പ്രണയ വാർത്തകളാണ് ഇപ്പോൾ പുറത്തുവരുന്നത്. ദക്ഷിണ കൊറിയൻ പെൺകുട്ടികളുടെ ഗ്രൂപ്പായ AESPA ന്റെ താരം വിന്ററുമായി ജങ്കൂക്ക് പ്രണയത്തിലാണെന്നായിരുന്നു വാർത്തകൾ. ഇരുവരും തമ്മിലുള്ള ബന്ധത്തെ കുറിച്ച് Nate Pann എന്ന ഫാൻ കമ്മ്യൂണിക്കേഷൻ പ്ലാറ്റ്‌ഫോമിൽ പങ്കുവച്ച പോസ്റ്റാണ് ചർച്ചകൾക്ക് വഴിയൊരുക്കിയത്.

ഇരുവരും ഒരേ ന്യൂയോർക്ക് യാങ്കീസ് തൊപ്പികൾ ധരിച്ച ഫോട്ടോകൾ സോഷ്യൽ മീഡിയയിൽ വൈറലാണ്. അത് മാത്രമല്ല, ജങ്കൂക്കിന്റെ പുതിയ ഗോൾഡൻ ഇൻ-ഇയർ പീസിനെക്കുറിച്ചുള്ള വാർത്തകൾ പുറത്തുവന്നിരുന്നു. സമാനമായ ഇൻ-ഇയർ പീസുകൾ വ്യത്യസ്ത നിറങ്ങളിൽ വിന്ററിനും ഉള്ളതായിട്ടാണ് നാറ്റെ പെൻ ചൂണ്ടികാണിക്കുന്നത്. ടാറ്റൂകളോടും ഫിറ്റ്നസ്സിനോടുമുള്ള ഇരുവരുടെയും താല്പര്യവും, അവരുടെ സ്ഥിരമായ ജിം സെഷനുകളും ഗോസിപ്പുകൾക്ക് കൂടുതൽ ശക്തിപകരുന്നു.

Also Read: എന്റെ കുഞ്ഞ് എന്നെ സുന്ദരിയായി കണ്ടാൽ മതി, മേക്കപ് സെറ്റ് അടക്കം എടുത്താണ് ആശുപത്രിയിൽ എത്തിയത്; കൈകൂപ്പി പ്രാർത്ഥിക്കരുത് എന്ന് ദിയയോട് അശ്വിൻ

എന്നാൽ ഇതൊക്കെയും ഗോസിപ്പുകൾ മാത്രമാണെന്ന് ബിടിഎസ് ആർമിയും ഈസ്പ് ആരാധകരും പറയുന്നു. ഇൻ-ഇയർ കമ്പനി കൊറിയയിലെ ഏക ദാതാക്കളാണ് 3,000-ത്തിലധികം സ്ഥാപനങ്ങളുമുണ്ട്. മാത്രമല്ല, ജങ്കൂക്കും വിന്ററും വ്യത്യസ്ത മോഡലുകളാണ് ഉപയോഗിക്കുന്നത്. ഇനി തൊപ്പിയുടെ കാര്യമാണെങ്കിൽ, ജങ്കൂക്ക് ധരിച്ച ന്യൂയോർക്ക് യാങ്കീസ് ക്യാപ് 2021-ലെ പതിപ്പാണ്, അത് ഇപ്പോൾ കടകളിൽ ലഭ്യമല്ല. ഈ പ്രത്യേക സീരീസ് വളരെ ജനപ്രിയമായിരുന്നു, ഇത് നിരന്തരം വിറ്റഴിഞ്ഞിരുന്നു. വിന്റർ ഈ ക്യാപ് ഒരു ഫോട്ടോ ഷൂട്ടിനായി ഒരു തവണ മാത്രമാണ് ധരിച്ചത്.


ടാറ്റുവിനോടുള്ള ഇഷ്ടത്തെ കുറിച്ച് ഒന്നും പറയാൻ സാധിക്കില്ല. കാരണം മിക്ക കെ-പോപ്പ് താരങ്ങളും ടാറ്റു ചെയ്യുന്നത് സാധാരണമാണ്. ജിമ്മിൽ പോകുന്നത് ജങ്കൂക്കിന്റെ ദിനചര്യയുടെ ഭാഗമാണ്. ഒരുപാട് സെലിബ്രേറ്റികൾ ഒരേ ജിമ്മിൽ പോകാറുണ്ട്. അതുപോലെ ജങ്കൂക്കും വിന്ററും ഒരേ ജിമ്മിൽ പോകുന്നു എന്ന കാരണത്താൽ അവർ പ്രണയക്കിലാണ് എന്ന് ഒരിക്കലും പറയാൻ സാധിക്കില്ല എന്നാണ് ഗോസിപ്പുകൾ പൊളിച്ചടുക്കുന്ന ആരാധകരുടെ കണ്ടെത്തൽ