ജീവനായി കണ്ട ആളെ കൂട്ടുകാരി തട്ടിയെടുത്തു! കതിർമണ്ഡപം സ്വപ്നം കണ്ട ആളെ ഡിപ്രെഷൻ വീഴ്ത്തിക്കളഞ്ഞു; താങ്ങായി നിന്നത് സിബിനും കൂട്ടുകാരും

Authored by: ഋതു നായർ|Samayam Malayalam•18 May 2025, 3:37 pm

വർഷങ്ങളായി മലയാളികളെ എന്റർടെയ്ൻ ചെയ്യിക്കുന്ന താരങ്ങൾ ആണ് ആര്യ ബഡായിയും സിബിനും. സിനിമ സീരിയൽ താരങ്ങൾ അതിനൊക്കെ പുറമെ സ്‌ക്രീനിനും അപ്പുറത്തു ദീർഘകാല സുഹൃത്തുക്കൾ ആണ് ഇവർ. ഒരു അളിയൻ ബന്ധം. അവർ ജീവിതത്തിലും ഒരുമിക്കുമ്പോൾ ആരാധകരുടെ സ്നേഹത്തിനും സന്തോഷത്തിനും അതിരുകൾ ഉണ്ടാകില്ല. എല്ലാ കാര്യങ്ങൾക്കും ഒപ്പം നിൽക്കുന്ന രണ്ടുപേർ ജീവിതത്തിലും ചേർന്നുനിൽക്കുമ്പോൾ ആ ബന്ധത്തിന് നിറം ഏറെയാകും. കൂടുതൽ വർണങ്ങൾ ഉണ്ടാകും.

ജീവിതത്തിൽ ഒറ്റപ്പെട്ടു പോയ രണ്ടാളുകൾ അവർക്ക് സംഭവിച്ച പരാജയങ്ങൾ എല്ലാം പാഠമാക്കി ജീവിതത്തിൽ ഒന്നിച്ചാലോ അതി മനോഹരം എന്നെ പറയേണ്ടൂ. സംശയമില്ല ജീവിതം ജോറാകും തീർച്ച. എന്നിങ്ങനെ നീളുകയാണ് ആര്യയോടും സിബിനോടും ഉള്ള പ്രേക്ഷകരുടെ വാക്കുകൾ. ഏറെക്കാലമായി സിംഗിൾ മദർ ആയി ജീവിതം നയിക്കുകയാണ് ആര്യ.

ALSO READ: ഡാലസിലെ വീട് സ്വർഗ്ഗമാണ്! പച്ചക്കറി വാങ്ങാനും ഷോപ്പിങ്ങിനും സ്വയം കാറോടിച്ചുപോകും; പ്രഭക്കൊപ്പം വിശ്രമജീവിതം ആഘോഷമാക്കി ദാസേട്ടൻ

മുൻ പങ്കാളിയെ അത്രയും ഇന്നും ബഹുമാനിക്കുകയും അദ്ദേഹത്തിന്റെ സ്വകാര്യതയെ മാനിക്കുകയും ചെയ്യുന്ന ആര്യയുടെ വ്യക്തിത്വം ഏറെ പ്രശംസനീയം ആണ്. പൊതുവെ ഡിവോഴ്സ് കഴിഞ്ഞാൽ പഴി ചാരി നടക്കുന്ന ഭാര്യാ ഭർത്താക്കന്മാർക്ക് മുൻപിൽ ആര്യയും രോഹിതും, തീർത്തും മാതൃകയാണ്. അവർ അവരുടെ മോൾക്ക് വേണ്ടി ഇന്നും ഒരുമിച്ചാണ്. അതിനു രോഹിതിന്റെ ഭാര്യ ഒപ്പം നിൽക്കുമ്പോൾ ആര്യയെ പിന്തുണച്ചുകൊണ്ട് സിബിനും എത്തുന്നു എന്ന് മാത്രം. ഇത്രയും കാലം ആത്മമിത്രമായിരുന്ന സിബിൻ ജീവിത പങ്കാളിയായി എത്തുന്നതോടെ ആര്യയുടെ ഇത്രകാലം ഉണ്ടായിരുന്ന വിഷമങ്ങൾക്ക് കൂടിയാണ് മാറ്റം ഉണ്ടാകുന്നത്. ഇത്രത്തോളം തന്നെ മനസിലാക്കിയ ഒരാൾ ജീവിതത്തിലും ഒരുമിക്കുന്നതിന്റെ സന്തോഷം ആര്യയ്ക്ക് ഉറപ്പായും ഉണ്ട്.

LSO READ: വീട്ടിലെ ഇളയവൾ 37 വയസായി! വിവാഹത്തെകുറിച്ചൊരു ചിന്തയേയില്ല; പെയിന്റിങ് ആണ് മെയിൻ പണി ഒപ്പം മാസ്റ്റർ ഡിഗ്രിയും; ശ്യാമിലിയുടെ വിശേഷങ്ങൾ
ജീവിതത്തിൽ ഒരുപാട് പ്രതിസന്ധികളെ അതിജീവിച്ചതാണ് ആര്യ. പ്രാണനായി ജീവനായി കണ്ടു സ്നേഹിച്ച കാമുകനെ ആത്മമിത്രം ചങ്ക് കൂട്ടുകാരി തട്ടി എടുത്തപ്പോൾ അത് വിശ്വസിക്കാൻ ആര്യ പാടുപെട്ടു. കൂട്ടുകാരിയുടെ കരിയറിലെ ഏറെ പങ്കുവഹിച്ച ആര്യയ്ക്ക് ആ കൂട്ടുകാരി തന്നെ വലിയ പണി കൊടുത്തപ്പോൾ ഏറെക്കാലം ഡിപ്രെഷനിലേക്ക് പോലും ആര്യ പോയി. പക്ഷേ അവിടെ ഒക്കെ ആര്യയെ പിടിച്ചു നിർത്തിയവരിൽ മകൾക്ക് ഒപ്പം സിബിനും ഉണ്ടായിരുന്നു.

തളർന്നു വീണു പോകാതെ ബിസിനസിൽ, കരിയറിൽ ഒക്കെ ഉയരാൻ ആര്യയ്ക്ക് പൂർണ്ണ പിന്തുണ നൽകിയവരിൽ സിബിൻ മുൻപിൽ തന്നെ ഉണ്ടായിരുന്നു.ഇനിയുള്ള കാലം ജീവൻ ഉള്ള കാലം അത്രയും താൻ കൂടെ ഉണ്ടാകും എന്ന ഉറപ്പാണ് പരസ്പരം വിവാഹനിശ്ചയദിവസം പങ്കിട്ട കുറിപ്പിലൂടെ ഇവർ നൽകിയതും.