8 months ago
11
23 May 2025, 10:49 AM IST
Photo | AFP
നോട്ടിങ്ഹാം: ടെസ്റ്റ് ക്രിക്കറ്റില് അതിവേഗം13,000 റണ്സ് നേടുന്ന ലോകത്തിലെ ആദ്യ ബാറ്ററായി ഇംഗ്ലണ്ടിന്റെ ജോ റൂട്ട്. നോട്ടിങ്ഹാമില് സിംബാബ്വെയ്ക്കെതിരായ ചതുര്ദിന ടെസ്റ്റിലെ ആദ്യ ദിവസത്തെ മൂന്നാം സെഷനിലാണ് റൂട്ട് ഈ നാഴികക്കല്ല് പിന്നിട്ടത്. ഇംഗ്ലണ്ടിനായി റൂട്ടിന്റെ 153-ാം ടെസ്റ്റ് മത്സരമാണിത്. സിംബാബ്വെയ്ക്കെതിരായ മത്സരത്തിനിറങ്ങുംമുന്പ് 28 റണ്സ് അകലെയായിരുന്നു ഈ നേട്ടം. 44 പന്തില് 34 റണ്സാണ് ഇന്നിങ്സില് റൂട്ടിന്റെ സമ്പാദ്യം.
ദക്ഷിണാഫ്രിക്കയുടെ മുന് താരം ജാക് കാലിസിന്റെ പേരിലായിരുന്നു ടെസ്റ്റിലെ അതിവഗേ 13,000-ത്തിന്റെ റെക്കോഡ്. 159 ടെസ്റ്റുകളില്നിന്നാണ് കാലിസ് 13,000 തികച്ചതെങ്കില് റൂട്ട് 153 മത്സരങ്ങളില്നിന്ന് ഈ നേട്ടം കൈവരിച്ചു. അതേസമയം 160 മത്സരങ്ങളില് 13,000 കടന്ന രാഹുല് ദ്രാവിഡാണ് ഇന്ത്യക്കാരില് മുന്പന്. ഓസ്ട്രേലിയന് മുന് താരം റിക്കി പോണ്ടിങ് (162), സച്ചിന് തെണ്ടുല്ക്കര് (163) തുടങ്ങിയവര് പിറകിലുണ്ട്.
അതേസമയം ഇന്നിങ്സുകളുടെ കണക്കെടുത്താല് 266 ഇന്നിങ്സില് ഈ നേട്ടം കടന്ന സച്ചിനാണ് ഒന്നാമത്. കാലിസ് 269 ഇന്നിങ്സും ജോ റൂട്ട് 279 ഇന്നിങ്സുമെടുത്തു. റിക്കി പോണ്ടിങ്- 275, ദ്രാവിഡ്- 277 എന്നിങ്ങനെയാണ്. ടെസ്റ്റില് 13,000 റണ്സ് പിന്നിടുന്ന ലോകത്തെ അഞ്ചാമത്തെ താരവും ആദ്യ ഇംഗ്ലണ്ട് താരവുമാണ് റൂട്ട്. 2012 ഡിസംബര് 13-ന് നാഗ്പുരില് ഇന്ത്യക്കെതിരെയായിരുന്നു റൂട്ടിന്റെ ടെസ്റ്റ് അരങ്ങേറ്റം.
Content Highlights: joe basal becomes fastest batter successful the satellite to people 13000 runs successful tests
English (US) ·